هلا اختي افنان واعتقد وصلت الفكره انتي تبيني امسك نفسي في المواقف اللي يصدني فيها واحاول استمر في جذبه بالكلام لانه في داخله يبغيني اجادله عشان يحس برغبتي فيه اكثر!! صح ولا انا فهمت غلط

المشكلة الحساسيه الزايده اللي فيني احس على طول ازعل ويبان على وهو مايحس بهالشي
بس اختي اكثر من مرة سواها معاي ...واكثر مرة انقهرت فيها بعد النفاس اتخيلي زوجي صدني واتعذر بالتعب رغم اني جهزت ليلة رومانسية وفاجاته اني خلصت رغم انه كان يسألني متى بتخلصي الاربعين..مشكلتي صرت اتأثر بسرعه من صده لي
وبديت اتردد اكثر من مره اني البس واتعدل من الخوف

تشكرين اختى الغاليه..والله يعينا نفهمهم ويفهمونا.....
وعسى الله يوفقج ويرزقج السعاده بحياتج مع اللي اتحبينهم

أختي ام فلان بداية هناك بعض الدورات ذات اليوم الواحد مسائية لمدة خمس ساعات ممتازة في تعليم الزوجه وتدريبها على تعليم الزوج الرومانسيه .
اما من خلال تجربتي فيمكن أن تحاولي مع زوجك لتغيير سلوكه ليصبح أكثر رومانسيه وذلك من خلال الاستمرار والمتابعة مع زوجك مع تغيير الطريقه ومن سار على الدرب وصل ولا تستعجلي النتيجة فتغيير السلوك يحتاج فترة طويلة جدا .

ولا تزعلي مني ( انت غلطانه أنك فكرتي بالطلاق ) فالطلاق كلمة وفعل ليس بالامر السهل .

فكرة الدورات ما خطرت على بالي بس ماعرف وين عندنا فيه هالنوع من الدورا.. بس بسأل اذا فيه..واذا عندك علم بمكانها لاتبخل علينا..يجزيك خير

لكن تتوقع بما انك رجل وفاهم الرجال ان زوجي في امل يتغير اذا استمريت معاه بالاساليب اللي ذكرتوها؟؟؟ ولا مجرد محاولات وانا وحظي

ومن ناحية الطلاق انا مافكرت فيه عشان هالشي بس ..لكن لان فيه مشاكل اخرى مع اهله وخاصه بحكم سكننا بملحق معاهم هي اللي تزيد توتري ويوم ما احس بوجوده معاي ومشاركته العاطفيه لي انهار... خاصة اني اتزوجت وانا كلي احلام بالزوج الرومانسي الحنون .... لاني محتاجه لهالشي مثل كل زوجه..بس للاسف كل ما احتاجه القاه يهرب مني...
حتى بعد الولاده تعبت وجاني اكتئاب النفاس وهو نساني عند اهلي ولا اهتم...اتخيل اخوي عشر ايام مايتصل وانا مرقده مع ولده بالمستشفى بعد اسبوع من الولاده وتعبت هناك وسويت ازمه بسبب الاكتئاب وهو درى لكن قال انه مب متعود على الاتصال؟؟؟؟ وهذا وانا جايبتله اول ولد له؟؟؟
صح الكل يقولي هو طبع فيه..لكن طبع عن طبع يفرق ولازم يغير طبعه ولا انا ماقدر اتحمل ولا افكر اجيب عيال لين احس انه بدى يتغير..مافيني انهار اكثر..الاقيها منه ولا من اللي ساكنه معاهم

أختي كل شئ يتغير أما الدورات
ساقوم بالرد فيما بعد

ان شاءالله وانتظر ردك بخصوص الدورات...
واشكركم لمساعدتي وصدقوني اتقبل اي فكره واي نصيحه لاني اتمنى زوجي يتغير لحبي الشديد له

الغالية

بصراحة يجب علاج زوجج،وانتي لج الحق بالمتعة ولو كان التقصير منج لتزوج عليج من ثاني يوم

الله يعينج على هالزوج


الله يشافيه

برايي انج لازم تطالبين بحقج وبصراحة لانج انسان
واهو بهالحالة بيخاف انج تفضحيه ويضطر يعالج نفسه
فان تعلج فالحمد لله
وان لم ينفع العلاج
فاما تصبري ان استطعتي
واما تتطلقي ان لم تستطيعي (وخفتي الحرام)والله يغنيكم من فضله
ومن ترك شيئا لله عوضه الله خيرا منه

اللهم اكفنا بحلالك عن حرامك وبفضلك عمن سواك