لما حظرك وسكر الجوال بوجهك زعلتي ..
ولما فك الحظر وكلمك بلطف زعلتي ..

احظريه انتي اسبوعين لحد ما يتخلل..عشان يحس بسخافة الحركه صدقيني بعدها بيحسب الف حساب قبل يحظرك

ما أتقبل الاثنين انا ..
مهما كتبت مو من حقه يقفل بوجهي او يحظرني
الان يقول ما قفلت بوجهك قلت مع السلامه وقفلت وقال حقك عليا بس متأكده راح يكررها

__________________

لما نزلت بيت اهلي كتبت ثلاثه رسايل ورا بعض وبس
وثاني يوم رسلت له كلام كويس مافيه عتب واني بسمع صوته قبل يسافر
لكن حظرني ..
ولما الان قلت له طيب ليش ما كلمتني كويس ثاني يوم يقول اذا اللي براسك طاح انا لسا الشيطان براسي.

__________________

فكه بعد ايام وما أزعل ؟؟؟؟
مين اداه الحق يحظر او ما يحظر ؟ ما احسه من الأدب مهما كتبت له ..
وانا ما كانت كتابتي الا ردة فعل على تصرفات ضايقتني..

الان انتهى الموضوع ولكن ما زال اثره داخلي ..
كيف انسان يحب وووو ويقدر يبعد عن اللي يحبه ايام بدون ما يعرف اخباره وبإرادته كمان..

انا متأكده من مكانتي بقلبه بس ما أحب الجفا والقسوة اللي يستخدمها معايا بمزاجه.

__________________

ههههه
هو شاااااطر بالعناد .. ابسط شي يتركني الين افك الحظر وارجع
اعرفه علشان كذا هذا اخر الحلول عندي ..
زوجي مو زي اي رجل عنده دورات ما ياخذها الا اللي قلوبهم قويه .. يعني رغم حنانه فيه شدّه ينخاف منها .. وانا ماني قد عناده صراحه

__________________

السلام عليكم ورحمة الله وبركاته..
مرحبا منفردة حاولي بقدر الإمكان تتجنبي زعله والأمور التي تؤدي إلى حظرك.
وانتبهي تفعلي بمثل ما يفعل، ثقي تماما الخير الذي تفعليه سيؤتي ثمره..
أنت تطورت كثيرا واصلي والنجاح لابد أن يكون بجواره الصبر..
تتناقشي وبعتاب لطيف وهكذا..
حفظك الله..

زوجك يكره الكلام الكثير والعتاب والصراخ
بطلي هالاشياء ومايحضرك
تعلمي يكون زعلك بهدوء ومو ع كل شي عشان يضرب حساب لزعلك
لاتحضريه مو من الشخصيات اللي ينفع معها كذا
هل زوجك نمطه جنوبي غربي؟
تعلمي تزعلي بثقل اتوقع ينفع معاه كذا
ويظهر لي انو زوجك من النوع اذا كره انسان من تصرف خلاص مستحيل يرجع يحبه ثاني فأنتبهي من هالشي...

__________________
(سيدة الموقف)
لم ننساك ونسأل الله ان تكوني أنتي وأولادك بخير

شوفي اختي بصراحة من دون مجاملة وبدون زعل







معاه حق يحظرك

بالنسبة لزوجي ابدا ما ارسله كلام جارح بالرسائل لانه الله يستر
ممكن اعصب واتكلم وجه لوجه اهون
لانه لو ماعاد متحمل كلامي احاول اضبط اعصابي واسكت بعكس الرسائل ممكن يفسر غلط وممكن يعصب جدا ويصير ما لاتحمد عقباه

فكونه يحظرك جزاه الله خيرا درءا للشر
وحتى ما يفقد اعصابه ويعمل شي تندموا عليه


ماشاء الله حافظي على زوجك واضح انه صبور وباله طويل
وطولي بالك لاتخسريه
اذا كنت تعرفي انه مشغول نصيحة لا تتصلي او ترسلي الا للضرورة

الله يوفقك اختي ويساعدنا نضبط اعصابنا دائما

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

يا ناس انا بطلت اصرخ وأتكلم بإنفعال ليا فتره وانا ان زعلت دخلت الغرفه .،
حتى قبل كم اسبوع تعبت نفسيتي وكنت ابكي بدون صوت بس دموع وكان واقف معايا ومستغرب بكايا لانه خلاص عرف اني وقت المشاكل اكون هاديه بس الظاهر كتمتها وصارت تطلع بطريقه ثانيه من فتره للثانيه ..
الموهم ترى انا كتبت له كلام صح يجرح بس ما كثرت ماااااااكثرت ثلاثه رسايل ورا بعض على الواتس أب كل رساله ما جات سطرين ونص يعني كلمات قليله ..

انا تغيرت عن اول وبذلت مجهود .. وهو شايف هذا الشي بس ليش هو ما يحاول يغير من نفسه علشاني !
وقلت لكم ثاني يوم اتصلت اتكلم عادي بس هو ما تقبل .. براحته .. صح عشت أيامي وانبسطت لكن بداخلي زعل من تصرفه .. من فين احبك ومن فين احظرك وانقطع عنك ؟؟؟؟؟

نمط شخصية ما اعرفه لاني مو مقتنعه بالأنماط وتقسيمها ...

فكرة اني أتجنب الكتابه والتواصل معاه وقت الزعل ممكن تجنبني انه يحظرني
بس أوقات الكلام ما ينفع او ما اتحمل اسكت .. كيف اتعامل معاه بحيث انه يتواصل معايا بدون هروب !

__________________