ماقدر اكلمهم بوجه مباشر بس لما يسبون اقول بالعكس حلوه واذا قالوا مانبيها اقول انا ابيها ومره قلت لعمتي تشبه فلانه > بنتها الصغيره 4 سنوات ... قالت لاااااه وشششششش يجيب بنتي بيضه وتهبل وهذي الله يخليها شينه و سوده لا لا ماتشبهها بنتي مو هالشكل .. قلت لا ياعمه وش فيها بنتي وش حلاتها ..

بالنسبه لاخته اللي خلته يسبني لمل عصبت ع اخوها قالت طفل عادي تحطين عقلك بعقله .. قلت طفل يتعلم وانا ما ارضى يغلط علي .. وكملت عصبيتي عليه وكلهم هجدووا وبعدها جلست دقايق و مشيت

عصصبت مكانك ماعمري سمعت زي هالبشر يذمو في خلقة الله
وبطفلة بريئة لاحول لها ولاقوة والله حرام عليهم الله يفرحك بهايارب
ويجعلها أحسن من اولادهم لي قاعدين يمدحون فيهم

أستغرب بايش هالناس مسلمين!!
والله هنا باروبا الناس بالشارع لما تشوف بيبي صغير كيف ما كان شكله يقعدون يلاعبوونه ويمزحون معه ويمدحونه ومابينهم اي قرابة

وهذولا اقارب زوجك أستغفر الله ماعندهم قلب

الظاهر أنهم غيرانين منكم وعايزين يغيضونكم بأي طريقة
أحسن ماعاد تروحين لهم لحتى يحسنون تصرفاتهم
والله يحفظ لك لبنية هي بعمر ابني وأتصور جمالها بهالعمر ما احلاهم يارب

بقولك شي وأتمنى أن تعملي به..دائما لما تأخذي موقف حاولي أن تضبطي أعصابك وصوتك..بهالموقف كان ردت فعلك صحيحة حتى لا يتعودوا ...ضروري جدا أن ينشأ الطفل على الثقة بنفسه ..انتقاد الطفل يدمر الشخصية ..لا تسمحي لهم بذلك وبيني لزوجك وفهميه هذا الموضوع عن طريق الكلام في علم التربية والنفس بس ضرووووري جدا .......(الأسلوب )..علمي نفسي على ضبط الاعصاب ..لا تتكلمي وأنتي تصارخين مثلا ﻹنك غريبة بينهم فبينقلبوا عليك...أسأليني في هذا الموضوع لي صولات وجولات كثيرة مع أهل زوجي ..والحمد لله أخرج فيها منتصرة بدون ما أخسرهم ..في محاولات من وحدة من خواته بس ما تقدر ﻷني تعلمت اﻷسلوب الي أجيب فيه راس أم زوجي ..تعلمي الدهاء في هذه المواقف...الله يوفقك

__________________
《 فلولا أنه كان من المسبحين * للبث في بطنه إلى يوم يبعثون》

مو زوجك الي المفروض يحط حد .. انت لازم توقفي دي المسخره
في ناس ياخدوها على انها مزحه وعادي ..
انت لاتسكتي احد تكلم اقصفي جبهتهم ههههه
اختي بنتها سمرا وشعرها ملفلف وام زوجها تتريق على شعرها قامت اختي قالتلها بمزحه ترا طالعه بالشعر زيك وفعلا الشعر طالعه لجدتها اختي شعرها ناعم .. يعني قالتها مزحه بدقه ..
والبنت كل شي فيها حتى تصرفاتها زي جدتها سبحان الله .. وكل ماحشو فيها عماتها قالتلهم اختي ترا طالعه لامكم ..

وانت احرجيهم كدا .. وحسسيهم انه هدا اسلوب سيء وعاده وقحه قلتهم الهروج الا بشكل البنت استغفر الله .. وحى لو قدام زوجك وبلغي زوجك انك انت ماترضي احد يتكلم عن بنتك ويمكن يستمر معاهم دا الاسلوب الين تكبر وتفهم وانت مو مستعده تتحملي جرح مشاعر بنتك ..
وحتشوفي كم شهر وحتسير بيضا دايما اشوف الي يجو سمر اول مايولدو يطلعو بيض ماشاء الله ولدي زي كدا واخويا واختي جو سمممممممممر وكبرو سارو جدددا بيض ماشاء الله

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

والله دايم اضبط اعصابي و هم ماعمرهم شافوني معصبه بس امس اول مره وكلهم سكتوا فهووو .. امس جا زوجي وكان تعبان شوي لان له كم يوم ماخذ برد .. المهم جا يلاعب بنته قلت له خلها زعلانه قال ليه قلت بعدين اقولك .. وبعد مابدل ملابسه و اكل و والخ .. قلت له رحت لعمامي وليتني مارحت .على قد فرحتي بروحتي نددددمت .. قال ليه وش صاير .. ( هنا خنقتني العبره و جلست ابكي ) وهو يحاول يعرف الموضوع وعلمته و جلس يضحك قال يمزحوون الله يهديك قلت هذا مو مزح و تناقشنا وقلت له ع اخوه اللي غلط والخ قال لاحووول تراه بزر و الخ قلت ما اسمح احد يتكلم علي او على بنتي قال هذا اسلوب اهلي مع الكل قلت لا وش معنى عيال اخوانك يستقبلونهم بتهلي وترحيب .. قال اي اي ماحد يحب بنتك والخ المهم اثناء النقاش قلت له والله ماعمري شفت كذا و اهلي مايعاملون الاطفال كذا قال بالله اسكتي لانفتح هالسيرة ( لان اهلي فيهم عيوووب صراحه ) قلت ليه مانفتحها كل عيله فيها ايجابيات وسلبيات و اهلي على كثر عيوبهم الا ان ماعمررري شفت احد يهين طفل مهما كان .. و اثناء النقاش ايضا .. قلت قالوا ماندري ع منو .. كأن قصدهم انا شينه .. قال اي وهذا الصدق انتي شينه بعد ( وكان يضحك عشان يستفزني وعارفه انه يستهبل بس من نرفزتي اخذت الموضوع جد .. وقلت بالعكس وش حلاتي واذا شايفني شينه ليش رضيت تاخذني ؟ مع انك شفتني نظرة شرعيه .. قال كانت غلطه قلت الغلطه تتصلح عادي والخ .. المهم جلس يحاول يطلع عيوبي و اوووول مره يتكلم بهالطريقه وقال شوفي نفسك بالمرايه شوفي وزنك كيف نحيفه .. قلت وزني من الحمل و الولادة والنفاس طبيعي انحف لان بنتك اخذت كل دمي و صحتي .. المهم حز بخاطري والله و حنا نتناقش فجأه تعب علي و مرض بقوه و صار نار و نام و اصحيه و ان مافيه حيل وقتها خفت عليه حيل وضليت اهتم فيه طول الليل لحد ماتحسن الحمدلله .. وبعد ماغفيت لما هو صحصح حسيت عليه يمسح ع شعري وماقدرت اعطي ردة فعل او شي لان والله زعلانه .. والحين افكر اروح لاهلي لان كيف ابقى عند واحد يشوفني شينه حتى لو مزح ما ادري انا هو مزح ولا جد .. والحمدلله عندي ثقه بنفسي وعارفه نفسي ماااني ملكة جمال بس ماني شينه عاديه يعني بس امس حطمني .. وش رايكم اروح لاهلي ولا وش اسوي ابيه يحس انه زعلني جد و صبرت امس لانه تعبان واليوم افكر اخذ اغراضي وبنتي ونروح

يا ليت تبتعدي عن أسلوب المقارنات..أهلي وأهلك ...هذا مزعج ومستفز..رأيي إنك في فترة مرضه تكوني حنوووونة عاﻵخر عليه ومؤدبة وسكري الموضوع تماما ..ولما تشوفينه تعافى ..قوليله انا انتظرت عشان اتطمن عليك ..الحين جا دوري حابة ارتاح شوي عند اهلي ..تعبانة نفسيا (بدون ما تذكري تفاصيل) ساعتها أتوقع بيخمن السبب ويقولك لا تروحي وبيتمسك فيك ..وهذا المطلوب..وحتى لو سمحلك راح يفتقد حنانك ويراجع نفسه..صدقينا الافعال اثرها اكبر من الاقوال...الله يصلح بينكم

__________________
《 فلولا أنه كان من المسبحين * للبث في بطنه إلى يوم يبعثون》

هو من النوع اللي مايتمسك وحتى لو هالشي يأثر عليه ويبين انه مايبي اروح .. راح يقول روحي الله معك .. و صح ماقدر اتركه وهو تعبان بس والله انا تعبت وقهرني اسلوبه امس

اختي ريتاج .. وجعني قلبي على بنتك وحطيت نفسي مكانك .. بصراحة اسلوبهم مستفز أول شي هذي
خلقة ربي حلو او مو حلو ثاني شي الأطفال يجذبون ببرائتهم مهما كانت اشكالهم ،
فكيف لو هالطفل من لحمهم ودمهم ..!
حطي حد لهاتصرفات .. اول شي ابتعدي شوي منها ترتاحين نفسياً وتنسين اللي صار ..
ومنها تقنعين زوجك بهدوء وفي وقت مناسب بتأثير هالكلام على بنتكم مستقبلاً لو ماتوقف ..
واستغرب جداً من الناس اللي كل حياتهم طقطقة وكل شي يفسرونة انه مزح .. ويتوقعونة يعدي
لإنه مزح ..!
يعني معليش احد يسبني واتقبل عشان مزح .. ويهيني ويهين بنتي عشان مزح بعد ..
ابدا مو منطق ولازم زوجك يفهم هالشي ..
صدقيني مع النقاش العقلاني الهادي رح يفهم حتى لو بعد عدة محاولات ..
أهم شي طفلتك ماتنضر الآن او مستقبلاً ..
الله يوفقك لكل خير .

__________________
زاهدً فيما سيأتي .... ناسياً ماقد مضى ..!

ماحبيت انك تكلمين زوجك بالموضوع
بعض الرجال ماتهمه هالمواضيع ويشوفها سخافات وسوالف حاريم .

هالعينات من البشر ماينفع معهم التسليك والتبوسم لانهم بيزودونها اللي عليك ردي عليهم بوقتها اذا سبوها .
واهم شيء تكونين هادية او مثلا احقريهم بنظراتك وانه تصرف مو لايق ولافيه ذوق .. بالنسبة لي هذا سلاحي 😼

لما قلت له و كذا وشافني متضايقه قال اهلي على كل الصغار كذا يعني تتوقعين مايحبونها .. قلت انا اجيهم فررررحانه ببنتي يعني بوريهم بنووتتي ومتوقعه مدح وكذا .. قلت حسيت مايحبونها .. كذا لان ماشفتهم يتكلمون ع الباقي وبس بنتي كني جايبتها من الشارع .. لما قلت كذا كان بيتكلم وسكت كأن هالكلمه اثرت فيه و بعدها غيرت الموضوع .. وامس الظهر قال جهزيها ابوي بيشوفها من زمان ماشافها قلت طيب وجهزتها و اخذها ( كنت بقول اها يبون نكته ومضحاكه لهم بعد الغدا ..) بس مسكت اعصابي وسكت وارسلتها .. شوي الا يرسل لي صور بسناب و هي عند عمي و بعدها عند عمتي و تلاعبها وكذا .. ماكنت اعلق ع اهله ولعبهم وكذا كأن ماشوف الا بنتي وكل صوره امدح بنتي بس .. ولما جا فوق بعد ساعه كذا قال ابوي يقول عنها حلوه وحتى امي تقول ملامحها حلوه .. قلت اي زين صاروا يشوفونهاا بعيوني .. قال ترى دايم يمدحونها ودايم يلاعبونها .. بس قدامك يمزحون معك والخ .. وانا صدقته بينت له فرحتي بهالشي.. ولا اصلا ادري مايمدحون ولا شي و قدامه يقولون اكثر بس هو حب يطمني ويكسر الشر قبل يكبر .. و للحين انا ماخذه موقف بس ماراح افتح هالموضوع معه مره ثانيه و ماعاد اروح لهم احسن