حاولي تكسبيها وتتحملي عشان زوجك انا عشت ماساتك والى الحين اعيشها بس انا غير انا زوجي معاها ضدها الله يكون في عونك استغلي بروحك احسن

مشكوره حبيبتي على الرد .. وباخذ بنصيحتج بس هو رافض يطلع من بيت ابوه حبا فابوه ابوه جدا طيب وما يخصه فحد بس امه شر وفتنه اعوذ بالله وعفان الله .. وحاليا يبنون لي بيت فبيتهم .. وريلي يقولي لا تنظفين الغرفه الشغاله بتنظف ويوم ييت بشتري مكنسه قالي ما يحتاي الخدامه بتنظف ..

وحليلي والله اني دوم اسولف معاها ومب مقصره مول معاها بس هي مادري شو استوى عليها .. اول شهر من زواجي احسن منها ما في عقب انجلبت جلبه

اختي العزيزه نصيحه لك من الأعماق

عامليها بأحسن ماتستطيعي ولاتلقي بالاً

لما تقول بما أنك مرتاحه مع زوجك

وبالتووفيق للجميمع

شي طبيعي فبداية الزواج ام الزوج بتكون بهالطريقة
انتي للحين ماعرفتيها ولا فهمتيها
هي يمكن قلبها طيب
بس اكيد بيكون فيها غيرة شوي لانج خذتي ضناها
ماعليج بس نصيحتي لج
لاتعاندينها ولاتبينين لها انج متضايقة منها
حاولي تستحملينها فالنهاية هي ام زوجج وتخيلي امج مكانها اكيد بتتحملينها حتى لو كان فيها عيوب لانها فالنهاية هي امج وهذي ام زوجج اللي ماعندج اغلى منه واللي عطتج اغلى ماعندها
تحمليها فالبداية بلا مشاكل وعوار راس وخليها تسوي اللي تبيه ومع الايام بتلين وبتحبج مثل بنتها بس السالفة يبيلها شوية صبر وسعة صدر
مع مر الايام والسنين بتضمج وبتضم عيالج وبتتذكر حسن تعاملها معاج

انا والله حاسه فيج لان نفس القصة صايرة جدامي
حاولي تسوين اللي قلت لج عليه بتعيشين مرتاحه
الله يوفقج
طمنيني عليج عقب

__________________