اشكر جميع من شارك بالرد
الكل اجمع على ان سبب الزواج هو الاستقرار و الخلفه ....الخ
لكن هذي اسباب عامه و مع الاشياء اللي ذكرتها في موضوعي تختفي و تصير الحياه جحيم
اغلبنا اذا جا في باله الزواج يقعد يتخيل مثل اللي نقرأه في الروايات (زوجين يموتون ببعض و مستعدين للتضحيه من اجل كل شيء ، و فرح و مرح وهيصه) و الحقيقه غير ذلك
وبالذات بالزمن هذا صار الزواج عبء و مسؤوليه ، اختنا "موهبة الكويت" ضربت مثال حلو
اقتباس:
الشغل في مشاكل هل معنى هذا ان كل واحد يقعد في بيته ولا يشتغل تجبنا للمشاكل
|
يعني مافي شي يجي ببلاش ، لكن انا قبل ما اشتغل او ادخل في صفقه اقول لنفسي ايش راح احط و ايش راح يطلعلي يعني في الصفقات التجاريه اذا كنت باحط مية الف و يطلعلي ميه وخمسين فهذي تعتبر صفقه ناجحه لان اللي ضحية فيه طلعلي اكثر منه لكن في الزواج وهو مثل الصفقه لكن الفرق انه صفقه خاسره (برايي الشخصي) لانك تحط اللي فوقك و اللي تحتك و راحتك و نفسيتك و في النهايه ما يطلعلك إلا المشاكل.
اقتباس:
المشاركة الأصلية كتبت بواسطة خواطر مبعثرة
شر لا بد منه
خخخخخخخخخخخخخخخخخخخخخخخ
لالا صراحه صراحه
.
.
مدري (: (: <<<<<<<<< بتصفق
وعلى فكره انا معاك بنسبة 70%
يعني صدق حلو الاستقرار النفسي والعاطفي
لكن لمن يصير مشكله خخخخخخخخخ ويا كثرها ممن مشاكل كل الاستقرار يروح (؛
والله ما الومك بتفكيرك,,
ولا ادري ايش اقولك
|
صدقتي "الزواج شرٌ لابد منه"
اقتباس:
المشاركة الأصلية كتبت بواسطة خفايا صامته
يكفــــــي ان الزواج اكماااااااااال نصف دينك ولو ماكان له شأن عظيم كان ماكان نصف الدين وليس الربع او الثلث..
استقرار نفسي وسكينه وموده
وذريه واطفال .....(تكفي كلمة بابا او ماما منه او ابتسااااااامه برائه تنسيك كل همومك )
اللهم ارزق كل محروم بالزواج والذريه الصالحه,,,,,,,
|
اغلبكم يحسبني اتكلم عن الزواج بشكل عام ، نعم الزواج هو اكمال لنصف الدين وهو استقرار وبه يبنى المجتمع لكن انا اتكلم عن الزواج في الزمن هذا ، صار كل شي شكليات يعني تلقى الحرمه ليل نهار بس تفكر تروح السوق الفلاني و تلبس الساعه الفلانيه و وش بيقولون علينا الناس و الرجال همه وش يشتري سياره و سهر باليل في الاستراحات
باختصار خلوني اسوي لكم مقارنه بين حياة العزوبي و حياة المتزوج
1- العزوبي ماوراه احد ينام متى مايبي و يقوم متى مايبي (بدون تضييع صلوات) اما المتزج بما انه مسؤول عن زوجته يعني لازم يضبط جدوله و وقته مع وقتها فلو صارت تبي تروح عرس لازم يسهر تحى يوديها ويجيبها و اذا صارت قايمه لازم ماينام حتى مايتركها وتطفش (وتشوفون كثير مشاكل بالمنتدى زوجه تقول زوجي يرجع من الشغل وينام ويتركني)
2-العزوبي يطلع و يدخل وغير مرتبط باحد يعني لو اني معزوم اروح ولا افكر في احد و ارجع في الوقت اللي يريحني لكن المتزوج بما انه مربوط بزوجته فلازم مايكثر طلعات و اذا طلع لازم مايتاخر لان هذا حق من حقوق زوجته.
(ترى ماعندي طلعات كثيره و ترى ما احد معبرني بالعزايم بس انا اتكلم بشكل عام)
3-العزوبي مرتاح من شي اسمه مشاااكل ، صحيح مافيه حياه بدون مشاكل لكن حنا العزوبيه اكبر مشكله ممكن نواجهها هي وش الغدا اليوم ولا كفر السياره مبنشر ولازم اصلحه اما المتزوج هو وزوجته حرب تعايره و يعايرها و همز ولمز
4-العزوبي يسوي اللي يبي في بيته ولا لازم يحسب اي حساب لحركاته يعني مثلا انا لو رجعت من الدوام متنرفز ارجع البيت و اسوي اللي يريحني و في اسوأ حاله ادق راسي بالجدار اما المتزوج يرجع من مسؤوليه الدوام و يدخل في مسؤوليه حقوق الزوجه انه لازم مايعصب عليها و لازم يقعد معاها و تعرفون ان الواحد يبي يرتاح ببيته لكن في نفس الوقت مايحق له يبرم بوزه على زوجته المسكينه لان عنده مشاكل بالشغل! لا وحتى وقت الجلسه على الكمبيوتر صارت هالايام محسوبه على الزوج
5- المتزوج حركاته محسوبه عليه يعني لو حب يعطي امه هديه لازم يعطي ام زوجته هديه بنفس القيمه ولا تقوم الدنيا و ماتقعد
6-وآخر شي هو المصاريف العزوبي تكفيه ريالات معدوده و يعيش احسن عيشه اما اذا تزوج لو يستلم عشره ماتكفي وكل هذا بسبب الشكليات و فلانه سوت وانا ليش ما اسوي.
البعض ممكن يقرأ كلامي ويحسبني طايش و لا كسول ، للعلم انا اغسل ملابسي و اكويها و انظف و اطبخ (طبخي يجيب المرض ) واجلي الصحون يعني لو عندي زوجه بارتاح من كل هذا.
هذا بعض من ما يدور في خاطري و العذر و السموحه على الإطاله.