اخوانج واخواتج تعاملهم بنفس الطريقة ؟

شالأسباب اللي تخليها تحرقج ؟

اكتبي موقف معين بتفاصيله

__________________

حاجة الناس إليكم من نعم الله عليكم ، فـ لا تملوا النِعم ☁✨

لا والله بل اريد التخلص منها

اريد ان انطلق لاهدافي وامحو هذه الذكريات السيئة

موعشانها لانها لاتستحق ان اموت من اجلها

هي وامثالها يفترض يموتون

آآآه يازين

والله ماادري عن ايش ولا ايش احكي

المشكله احس اني مقيدة لان بعض الامور ما ينفع تنقال هنا



من يوم ربي خلقني وهي اطباعها غريبة وكنت الاحظ هذا الشي من الطفولة دايم تكذب وتقسم بالكذب وتتكلم بهتان في الناس وكان فيها القسوة بس علي انا واختي

بعدين زوجت اختي بعد الابتدائي مباشرة وهي بعمر 13 زوجتها وهي مغصوبة تبكي ماكانت تبغى هذا الرجل وابويه مايقدر يقول لا او غلط

ولمن اختي كانت فيه كانت قسوتها منصبة عليها اكثر مني وكانت على لسانها دايم انا اكره الاناث انا اكره ...... تقصد المنطقة الحساسة للانثى لكن تقولها كذا بالاسم بدون حيا او خجل مع اننا كنا صغار وماكنا ندرك ليش تقول كذا

كانت دايم تمثل على الناس وابويه انها وجعانه وهي مافيها الا الشر

مره من المرات كنت رايحة المدرسة ، قالت اعطيني الوان مائية من عندك

والله اني افتكر المشهد كانه اليوم اخذت لون رصاصي غامق وجلست تلون جزء من وجهها من تحت العين

ورجعتلي اللون وانا مفجوعه ليش تسوي كذا ، وفجأة وبدون مقدمات جلست تصارخ وتبكي تقول الحقوني

ودخل ابويه وقالت شوف وجهي وش صار فيه قرصني عقرب ، اول مره اشوف عقرب يستخدم الالوان المائية ، كل هذا الكلام قدامي عيني عينك بس عشان تروح المستشفى

كانت تقابل واحد هناك وانا اعرف بس ماكنت اقدر اتكلم لان ابويه مسحور ولا يدري عن اي شي تسويه ، ولمن كبرت كم سنة كنت اشوف حالها يزيد ولها تخبيصات كثيرة بعد مايروح ابويه الدوام وكنت ابكي ولااقدر اتكلم

ولمن صرت اهددها اني اعلم عليها ، كنت اتوقع انها بتخاف ، لكن بالعكس زاد اذاها وصارت تدور الزلة علي عشان تضربني .

لمن كان ابويه يداوم كان احيان عمله بالليل كانت تحط لاخواني علاج في العصير عشان يناموا وتاخذ راحتها وانا كنت امثل عليها اني نايمه عشان ماتعطيني علاج وقتها كنت في المتوسط

ولمن يناموا اخواني وكلهم اصغر مني كنت اشوفها لمن تطفي النور وتدخل واحد ، كنت اطالع مع فتحة الباب ، والله العظيم الين اليوم اشم ريحة عطر هذا الرجال ومازلت اذكرها ، وكنت اجلس ابكي وخايفه وحزينه على ابويه ولااقدر اتكلم

وكانت تسبني بالفاظ وسخة جدا وكل محور هذي الا لفاظ يدور حول المنطقة الحساسة ، وكانت تحب تضربني من هذا المكان مااعرف ليش .

كانت تسبني بالفاظ جن............

كذا مره مثلت انها وجعانه وابويه صدقها وكان عندي مدرسة يقومني من النوم يقول حرام امك وجعانه خلينا نوديها المستشفى وكنت ابكي لاني عارفه انها رايحه تقابل واحد ، وكانت تفضحنا في المستشفى وتصارخ يقولون مافيك شي ارجعي البيت وهي تقول الا وجعانه نوموني

وكانت تاخذ معاها ارواج وكحل واغراض زينة في كيس وهي رايحة المستشفى ، ومره وحده من الممرضات شافتها بالكيس وفتحته وجلست تضحك قالت اول مره اشوف وحده وجعانه وجايبه مكياج معاها

كل شي محفور في قلبي ماني قادره انسى

كانت تضربني لاي سبب

مرة جاتننا اختي المتزوجة وكنا جالسين نتقهوى وفجأة بدون مقدمات ضربتني بالفنجان وجا في جبهتي وقالت ليش تجلسي معانا انا اكرهك وبعدين قامت بتزيدني ضرب وخرج برا الشقة والعمارة فيها ناس غيرنا جلست عند الباب وقفلت الباب وخلتني برا وجلست كم ساعه وفتحت الباب ودخلت


ومره قالت ياليت عيالي الذكور بنات عشان ازوجهم واخذ مهورهم ، وابويه كان جالس ، بعدين قلت انا : يعني هذي قيمة البنت عندك ؟
قالت لابويه شفت شفت قوم اضربها وقام ضربني الله يسامحه دنيا وآخره بالخيزرلن على فخوذي وحط وجههي تحت رجله وقال لعد تشتكي امك منك

ابويه مايدري ان امي تكرهني لاني امنعها وادافع عنه ، وهو بطبعه اصلا يخاف منها واصلا ماهو بوعيه


مره كنت جالسة مع اختي افرح اذا جات لان ماعندي اخوات في البيت ..وكنت اشتكي لها من امي وكانت تتجسس علينا

ودخلت هايجة ضربتني ضرب مبرح بسلك وجا الضرب على وجهي ورقبتي وكان واضح جدا وكنت اروح المدرسة مكسوفه ماابغى احد يشوف

سرقت مبلغ ضخم من بيت اختها عشان تعطيه الولد اللي تعرفه ، هذا الولد في عمر عيالها لكن ماهي صاحية ماعندها لامخ ولاضمير يردعها، وبالفعل اعطته والنتيجة صارت قطيعة بينها وبين اختها ، وقالت لابويه انها مظلومه وان اختها اتهمتها بشي موصحيح ، وابويه صدقها وصار مايطيق خالتي

مرة تنومت كان عندي تكيس ع المبايض ، وجلست يومين اصلا ماجاتني ولاراحت معي ، وبعدين الدكتور خرجني لان كان عندي اختبار ، وقال امورك بسيطة تحتاج علاج دوائي وبس .

وبعد فترة راحت عند الناس اللي مخدوعين فيها وقالت لهم انهم سوولي عمليه في المستشفى واني خلاص فقدت عذريتي بسبب العملية.

ولمن قابلتني وحدة وسالتني حسيت بطعنة كبيرة وقلت لها اني ماسويت شي ، ورجعت البيت واجههتها واعترفت قالت ايوا صح هذا اللي صار ، يعني تكذب الكذبة وتصدقها .

ورحت لابويه بكيت قلت له انك ماانصفتني ولمن ناداها اقسمت وجحدت وتحلف بكل شي اني افتري عليها وانها مااعترفتلي بشي


دايم لمن اجلس مع ابويه او اخواني تزعل وتجلس تخاصم وتضرب في الباب تقول هذي تحرضكم عليه مع اننا مانكون نهرج فيها بس خلاص ماتبغانا نتكلم

تزعل اذا ابويه او اخواني اعطوني فلوس او جابولي شي مع ان عنها هي فلوسها

ابويه ماانصفني واخواني فيه منهم نسختها وفيه واحد نفس ابويه مايتدخل وفيه واحد يقول تعاملي معاها كانك تتعاملي مع مجنونه


ارهقتني نفسيا احس اعصابي تالفة

ماكتبت كل شي كتبت بس بعض الامور



سمعتنا جدا سيئة بين اقاربنا
علاقتها مع اهلها سيئه وكل اقاربنا ينفرون منها ويعرفوا انها حقت مشاكل
لكن انا مالي مفر منها الا الموت


والله لو اتكلم من هنا لبكره مااخلص حسبي الله ونعم الوكيل

مااعرف اذا عندي اخطاء املائية مافيني حيل ارجع للكلام حاسة بصداع فظيييع

انتي مبتلاة و لك الاجر على الصبر ان شاء الله
وامك والله اعلم ماهي في وعيها
وتصرفاتها تدل على انها معقدة نفسيا و تحتاج الى العلاج
اذا اعتبرتيها مريضة نفسيا و تصرفاتها خارجة عن ارادتها وانها ضحية راح تخف الرغبة بالانتقام او تتلاشى
لذلك حصني نفسك و ادي الصلوات بوقتها وًتصدقي وادعي ربك
وان شاء الله ربي بيسر لك اموركً

................................

__________________

لا حول ولا قوة الا بالله العلي العظيم
كم عمرج يا تماضر ؟

.

ليش ما تحاولين تظهرين لها المُسايرة يمكن تكف عنج الاذى ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

زين ابيها المسايره ما ينفع مع امها ،،، الام منتهيه تدخل رجال البيت وتتعامل مع السحر وتحرقها باماكن حساسه وتسرق فلوس هل هاذي ينفع معاها مسايره
بس يا تماضر انا خايفه امك تقطع نصيبك بالزواج بسبب سمعتها
انتي كم عمرك ؟؟ وهل تقدم خاطب ؟؟ وكيف مستواك العلمي ماشيه تمام ولا الظروف اثرت فيكي
عندك خال او عم تقوليله المشكله ويوقف معاكي ويفهم ابوكي بكل شيء
لان ابوكي معمي على عينه ولازم ينفك السحر ويعرف بضرب امك المبرح ويعرف بالخيانه
حبيبتي قلبي تقطع عليكي لا تسكتي لازم ابوكي يصحى ويعرف بكل شيء
اذا احد من اخوانك عاقل كلميه قوليله خلاص كفايه لحد هنا وساعدني اتخلص من امي وتعيشي بشقه لوحدك وتروحي تكملي دراستك او تشتغلي
بس ترى امك مريضه ادعيلها بالشفاء العاجل او كلمي مركز استشارات اسريه يشوفو وضعك ويكلمو ابوكي يدافع عنك الاب هو السند و ولي امرك
ابوكي صفر بالشمال
اجل لو قدر الله ومات ابوكي ايش حتعملي ؟؟؟ تروحي دار رعايه الفتيات لا سمح الله
وبعدين لمن تضربك وتحرقك ليش ما تدافعي عن نفسك وتبلغي احد من اخوالك او اعمامك اذا ابوكي مالو لزمه زي الجدر بالبيت

الحمدالله على فضل الله علينا فعلا نشوف مصايب غيرنا تهون علينا امورنا
انا معك لو كلامك صحيح هذي علاقتها فيك علاقة عدو مع عدو .هي مريضة نفسيا ولكن انت بتاكيد مرضتي نفسيا بسببها ومراح تشافين الااذا بعدتي عنها . انتبهي لتنخرطي في طريق سيء عشان ظروفك العائلية . اذا تقدري تخرجي من البيت انت وابوك لمكان ثاني وتتتركي امر امك لزمن يكون افضلك
ولاكل يوم تعيشين بعذاب الانتقام لااتركيها وابعدي عنها هذا افضل حل

في يوم من الأيام علمتنا تمآضر و قالت :

مُمْتَنَّة أنا لكلّ علاقة ذَهَبَتْ وجعلتني أَخِرُّ ساجدة وأهتف :"يارب -سبحانك -لايدوم الاّ وجهك".


مُمْتَنَّة أنا لكلّ الصَّفْعَات والصَّدْمَات التي جعلتني لاأنظر للبشر بعين الكمال ، وجعلتني أَخِرُّ ساجدة "أن يارب لاكَمَال إلاّ لك وحدك".


مُمْتَنَّة أنا لكلّ خَيْبَة يَعْقُبُها "سَجْدَة".اه

كتاباتك من أجمل الكتابات و خواطرم التي كنت تكتبيها كانت جميلة جداً رغم كل الظروف الصعبة التي عشتيها كان قلمك جميل جميل جميل جداً

سبحان الله كل إنسان تمر به في حياته منغصات تعكر صفو حياته و مزاجه

لدي سؤال ما أكثر شيء يجعلك تفرحين ؟

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

كان الله في عونك

بقولك شي مافي حل حقيقي او نهائي لمشكلتك، لكن لازم تتعلمي تتعايشي معها ولاتخليها محور حياتك والا راح تصبحي بدورك مريضة نفسيا. لازم تعملي لنفسك عالم خاص بما انك كبيرة يعني ماعدتي طفلة ملزومة بكلام امك. انشغلي بالعمل، شوفي عمل تطوعي يخليك تقضي وقت طويل بالخارج في جو مساعدة الآخرين اذا عندك علاقات طيبة مع اخوانك او خوالك تقربي منهم لازم تعمري حياتك بعيد عنها حتى تعرفي تعيشي.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم