سواء داومت أو ما داومت
ما عمرها قامت قبلي أصحى وأطلع وهي بسابع نومة وفي العطل أصحى وأفطر وهي بسابع نومة وإذا كان عندها دوام بتكون مشغولة بنفسها الأمور تساهيل |
هل تصحي مع زوجك قبل خروجه للعمل؟؟
عن زوجتي هيا و العوامل المحيطه من (هرمونات , مزاج , حالة صحيه , زعلانه , الخ الخ من عوامل الحريم) اذا هيا صحيت قبلي خلاص تقوم و لكن لو انا صحيت قبل خلاص تستثقل انها تقوم عشان على بال ما تتزين اكون قد طلعت و انا افضل انها ما تصحى معايا لما اروح الدوام عشانها لو صحيت بدري يتأخر الغداء!!!! وشنو يكون دورك من اول مايصحى لحد مايطلع؟؟ هيا دايما تكون متحمسه انها تسوي فطور و كلام كثير و لكن انا دايما اقول لها اني انا ما افطر (فطوري كوب قهوه و كيكه) و اعتقد هذا اللي يخليها تكسل انها تصحى خصوصا اني استمتع اني انا اسوي قهوتي بنفسي |
ما عندك أحد ما رح أظلمها خليني أقول وابااااااااااااااااااااااااااااااااااااااااااااااا ااااااااااااااااالغ جداً وأقول هيا كلها سنة متفرقة من أصل 15 سنة زواج اللي شعرت فيها بهذا الشعور .
لا تصحى قبلى ولا تقوم لما أرجع وهي نايمة ولا ألقى فطور في الصباح ولا غداء في الظهر ولا عشاء في الليل وكله من المطاعم ولا تجهز ملابسي ولا تشيل مني الأغراض أذا جبت شيئ معاي للبيت ، حالتنا في البيت مثل العزبة لكن الحق يقال عزبة نظيفة ومرتبة هذا أقصى اهتماماتها . لكن في مواضيع الأكل نأكل بغير ترتيب يعني لو جبت شيئ من المطعم مثلا البيك مثلا ، رح نأكله من نفس صحونه اللي أخذناها من البيك وإذا جبت كبسة ممكن نحطها في صحن واحد أما السلطات التابعة من علبها مباشرة. أقول الله يخلف علينا بس . شكل القضية منتهية منتهية ..... الله يجيب الخير |
أنا اواصل سهر حتى الفجر لأن زوجي ضروري يصلي الفجر بدوامه أو بعد الصلاة مباشره يكون بالصفه حق عمله قبل الصلاة أصحيه وأجهز له حليب زنجبيل أوكافي ويتوضأ ويلبس ويجلس يشرب الحليب وأجلس أقرقر عليه بالسوالف حتى يأذن وقرب الإقامه أستودعه الله وأفتح له الباب ويروح يا إنه يصلي بالطريق أو يصلي في مسجد عمله ومقر عمله قريب من البيت بعد مايروح أصحي عيالي يروحوا يصلوا بالمسجد وأنا أصلي وأضبط لهم فطور وأجهزهم للمدرسة وبعد مايروحوا أحط راسي إلين الظهر
وأصحى أجهز الغداء وزوجي أحيانا يجيب فطور الصباح ويجي يزعجني وأنا نايمه يصحيني علشان نفطر سوى أضطر أصحى مجامله له علشان لوماصحيت يزعل وماعاد يفطر أقوم من نومي غصب عني ونفطر مع بعض ويرجع دوامه وأنا أواصل نومي وأحيانا يسون قطه هو وأصحابه ويشترون فطور ويفطرون مع بعض وكذا دواليك وأنا ماكنت أسهر من أول إلا يوم عرفت هالمنتدى الطيب أحب أتصفحه بوقت هدؤ فما ألقى غيرباليل زوجي وعيالي ينامو ا وأنا أستلمه وما أفكه إلا قرب صلاة الفجرحتى دائما لمايصحى زوجي يسألني مانمت باليل صح أقوله ماجاني نوم يقول بلاك والله من ذا المنتدى مطير عقلك ونومك لاتنسين نوم اليل أحسن وأفضل لجسمك من نوم النهار ويستلمني نصايح حتى أنا أجيب له سالفه وأغير عليه سالفته وأنسيه الموضوع بس ياويلي لوقلت آه اليوم راسي أحسه مصدع يقول أكيد من قل النوم أنت ماتنامين باليل بس بطلت أقوله راسي خلاص حبه فيفا دول وينتهي الألم حتى أرتاح من نصايحه عموما قرقرت عليك واجد مشكوره أختي على موضوعك الطيب. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|