مساء الورد اشكر كل من رد علي واجابتكم اسعدتني كثيرا , اختي فراوله برد على سؤالك نعم بسكن مع اهله وبنفس المدينه اللي بعد اهلي ساكنين فيها , وياحسرة علي اختي فراوله لايكلمني ولا اكلمه , اخي طارق تصدق والله اني ماعرف حتى اكوي الغتره لاني متعوده على الشغالات من يوم وانا صغيره , والحين احس اني ندمانه لاني مادري شلون اتصرف خصوصا ان عائلته كبيره ومعي بنفس البيت ومادري وش اسوي والله فشله لدرجة ان امي تقول لي انتي مو حقة بيت لاني مررررره دلوعه بيت اهلي . دعواتكم لي بالتوفيق وربي يسخر لي زوج المستقبل . وانتم بعد الله يسعدكم ويوفقكم .

أولا اسئل الله ان يوفقك ويسخر لك زوج المستقبل

انا من رايي تصرفي على طبيعتك

بالصبح لبسي بجامه ناعمه
بالعصر لبسي بدلة بيت
وبالليل ... انتي وشطارتج

لاتنسين المكياج بالصبح لاتحطين مكياج
بالعصر خفيف على لون البدله خلي مكياج العصر الوان فاتحه بارده
وبالليل انتي وذوقج

والعطر
خصصي عطور للصبح تكون ريحتها مو مركزه
والعصر والليل كيفج انتي وظروفج

واذا حضرو اهله عيب ماتضيفينهم
ضيفيهم بس لاتسولفين واذا سئلوج ردي على قد السؤال

انسي الدلع انتي الحين بتصيرين زوجه
خليه يفتخر فيج ويقول هذي اللي كنت اتمناها نصيبي والحمدلله اللي وفقني بحرمه قد المسؤوليه وافتخر تكون ام لعيالي
ترى الرجال مايحب البنت الكسوله .. هذا لا ينفي الدلع .. بس خلي دلع مع عقل

اذا كان قاعد ماعنده شغل خلج معاه
واذا شفتيه لاهي او مشغول شوي او طلع للمسجد للصلاة نظفي البيت مسحي الارضيات وغسلي الحمامات
الرجال يحب لمن يرد يشوف كل شي نظيف ومرتب
بينيله من البدايه انج دلوعه بس ماترضين بالفوضى بالبيت

ومافي اي مقارنه بين بيت بابا وعش الزوجيه
لاتنصدمين اذا شفتي المعامله تختلف توقعي هالشي مافي حظن احن من حظن الام والابو

والله يوفقكم ويهينكم ويرزقكم بالذريه الصالحه ويجعل حياتكم كلها سعاده بسعاده =))

وانا اسفه اذا قلت شي ضايقج او تدخلت شوي بخصوصياتكم

الله يسعدكم ان شاء الله ويخليكم لبعض يارب ومبروووك مقدماً
شعوووله



الاشراف: لفظ المشيئة تكتب بهذه الطريقة(ان شاء الله)

بالعكس اختي ردك ماضايقني بل اسعدني وانا شاكره لك لان ماعندي خوات ينصحوني وانا اعتبركم مثل اخواني واخواتي . بس والله مسؤليه صعبه الزواج واحس اني مو قدها انا . وشكرا لك .

لا انتي قدها

انا كنت نفس شعورك بالضبط في بداية الخطوبه
وانا كنت بمنتهى الكسل اسهر الليل وانام الصبح حتى في بداية زواجي كنت كذا
بعدها جت وحده لعندي وفهمتني ان اللي قاعده اسويه غلط اهو تعب بس وناسه لمن يكون لج مملكه وبيت وعيال بإذن الله

رتبي وقتج وخلي ثقتج بنفسج كبيره والحمدلله مو ناقصج شي

الله يوفقج يالغاليه =))