وليش ما تسئلين زوجك عن سبب تغيره عليك؟

يمكن الزوجه الثانيه اسلوبها وجاذبيتها في الكلام تخليه يفضل جلوسه عندها

ايوه سألنا قال كيذا من حقي اتزوج

وهو وزوجتو في عمر بعض

طيب يفضلها اكثر ماقلنا حاجة بس يعاملني كيذا ليش ؟
مهما حاولت اراضيه وادلعه ماينفع ياااااااااااااااارب

لازم تطالبينه بشكل مباشر بحقوقك عليه وتوضحين له اهمية العدل بينكم وانك رضيتي فيه وهو متزوج على اساس العدل المعقول بينكم

هو ممكن يميل قلبيا للزوجه الاولى لكن في امور المبيت والمصرف والتعامل لازم يكون عادل

صحيح ان البعض يوجه كلامه للزوجه الثانيه في الترتيب ويقول ( الدخيل يرضى بالقليل ) لكن ارى ان هذا الكلام مجحف لأن الزوجه الثانيه لها نفس حقوق الزوجه الاولى تماما وعليها ما على الاخرى .

الخوف ان زوجك معتبرك تجربة والحين اكتشف ان نتائجها ما ترضيه !

عشان كذا دايم اقول أن الرجل المتزوج يخوف .. ليش ؟؟

لأنك ما تدرين عن نيته وسبب زواجه وهل هو جاد وإلا لعاب ويحب التغيير او زعلام مع زوجته لكنه يحبها ويبي يغيضها ويأدبها .. يعني هروب من مشكله

يا أختي أكيد راح يميل لزوجته الاولى .. لأنها خابزته وعارفه له وهو متعود عليها ومو مستعد يفهم شخصية بنت من جديد ويتفاهم معها ..

مو تقولين يدور عليكِ الزله .. ؟؟!!خلاااااااااااص طاب الخاطر الحين ورجعت المياه إلى مجاريها مع زوجته الاولى ..

والحين عنده مهمه جديده وهي الهروب من مشكلة جديده هو زواجه الثاني

اسفه ما عندي لك نصيحه بس الرجال الي ما يخاف الله لا تأمنين جانبه

ولا عندي شي ثاني .. لأن إذا قلبه ما انفتح لك لو شنو تسوين و الله مراح يعجبه ..

أهم شي القلب يحبك أو لا ..

وهذا الشي يبين من اسلوبه في التعامل واالفاظه .. إذا يجرحك كثير ويقلل من قيمتك فهو لا يحبك

شوفي يا عمري .. خلي أهلك يكلمونه

ابوكِ اخوانك .. خليهم يشوفون شنو سالفته

شنو مفكر ان راحته بس المهمه وان هو بس الي مشاعره وكيانه له قيمه !! وانتي شنو مو انسانه لك مشاعرك واحاسيسك .. مو تزوجتي عشان تستقرين .. وين حقوقك ..

و إلا ياخذ بنات الناس كذا عشان من حقه ياخذ اربع .. وانتي وين حقك ؟؟ ايش الاحتقار هذا

يا اختي خلي اهلك يكلمونه بالحسنى .. ليش راميك بيت اهلك .. عرفي وش يدور براسه

انا ما اطالبه بشي الي يجي منه اقبله ولا اضغط عليه

طيب لو افترضنا انو فعلا كيذا ايش الحل ؟ اطلب الطلاق؟ ع انو عندي طفل والتاني في الطريق؟

ماكان بينه وبين زوجتو اي خلاف وهي راضيه وتعرف بزواجه مني

ايش تقصدي يعني يبغى يتخلص مني ؟

هو الظاهر منه انو يخاف الله ويراقبه بس معايه ما اعرف !

ايووووووووووووه ما يهتم في زعلي وردة فعلي من تصرفه ويزعل مني على شي مايتزعل منو لو قلت وديني مشوار زعل مني

الله يخليك انصحوني ابغى المشورة

تعبت والله تعبت يكون طيب معايه ايام ومن اول ما اطلب منو مشوار يزعل ويستمر زعله ايام على حاجه مش مستاهله