انا مو من البنات اللي اول مشكله تجيها تكتب بالمنتدى
انا مرات كثيره كنت في بيت اهلي زعلانه و اقرا واحل مشاكلي بنفسي
سنتين وانا بمشاكل
الان قررت اكتب لاني استنفذت جهدي كله لانجاح العلاقه وابغى استشير احد محايد

هل بعد خروجك من البيت يوعدكِ انه لن يمد يده مرة ثانبة؟
ولو ترك الضرب هل ستحبينه ؟
او هناك اشياء ثانية كرهتك فيه ؟

حبيبتي زواج زي كذا بتطلعين منه اقللل شي مريضه نفسياً هذا ماصار زواج وحب وموده ورحمه هذا الزواج حرب ومصارعه الحين انتي عند أهلك كلمي ابوك واخوانك يوقفونه عند حده وهالمره قرار حازم ويعاملونه بشده ويعلمونه قدرك الاااااا الضرب مابعده شي
حتى لو يحبك ماعليك من هالحب لأنه مافادك بشي عاملوه بصرامه وخليها للرجال واذا مد يده بعد كذا يستاهل ينضرب صراحه.
ويطلق وتشترين راااااااااحتك. الله يفرج همك حبيبتي.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

ماشاء الله عليك احسك عاقله ومحتويه مشاكلك ولاكن مايمنع انك تستشيري
عندي سؤال ذكرتي انك وانتي ببيت اهلك كنتي تحلي مشاكلك بنفسك فهل حصل وادخلتي اهلك ببعضها وكيف كانت حلولهم وياليت تذكري لنا مثال

__________________
تمنيت حبـاً يدوم طويـلاً .. فـدام الحب وَ رحل الحبيب.

طبعا يوعدني ويحلف بصدق اعرف انه صادق وقتها
لكني من داخلي اعرف انه مراح يتغير لانه كان يقولي ليش متحسسه كل اخواني يضربون حريمهم ويعشقونهم
وابوه كان يضرب امه للاسف
يعني عندهم طبيعي الحرمه تنضرب من زوجها ليش هالحساسيه
طبعا بعدين صار يقول لا غلط وماابغى اضربك وانا اسف احس بس عشان يرضيني
سؤالك صعب وعالوتر الحساس
في البدايه كنت اشوف انه لو ماضربني راح اعشقه
بس ذحين بعد ماتكرر الضرب تغير الوضع صرت اشوف كل عيوبه غصبا عني
شهادته اللي اقل مني
بالمناسبه هوا مره اثناء العصبيه قال مو عشان شهادتك وذكر تحصصي تحسبي نفسك محد قدك (انا جامعيه وهوا ثانوي) وانا ماجبت لها سيره ابدا حسيته يحس بالنقص
وزعلت كثير لاني كنت معجبه بثقته العاليه بنفسه اللي طلعت مو حقيقه
وانا من الصفات المهمه عندي يكون واثق بنفسه
قصتي طويله
هوا رجل شهم وانقذ حريم من داخل سياره مقلوبه قدامي احيانا احسه سوبرمان بس سوا اشياء خربت عليه
الصلاه يقصر فيها مايصليها بالمسجد
القرض اللي اخذه مني ناقض كل شخصيته مرررره مو لايق عليه ياخذ مني قرض
ندمانه ندم عمري اني اعطيته لاني صرت اشوفه اقل مني بعدها
القرض والضرب سببين رئيسيين خلوه يطيح من عيني

__________________
لا اله الا انت سبحانك اني كنت من الظالمين

ابغى اضيف شي
اختنا مجروحه** لديها مشكله نفس مشكلتك بالضبط وعانت نفس المعاناه من ضرب وشتم وتقصير في الحقوق وحاليا هي ببيت اهلها وقاعده تفكر بحل جذري لمشكلتها وقررت انها تعود لزوجها ولاكن بشروط حاسمه وحازمه فهل جربتي العوده لزوجك بشروط

__________________
تمنيت حبـاً يدوم طويـلاً .. فـدام الحب وَ رحل الحبيب.

لاء طبعا كنت اقولهم عشان يخلوني اجلس عندهم ومايحسو اني دلوعه
في البدايه غلطتي كانت الضربه الاولى اني جرحت رجولته وتسامحنا ووعد اهلي مايضربني اذا زعلته
وهوا مره يحب اهلي فرحة عمره لما يزورونا ويكرمهم كثير
بعدها تكرر الوضع واهلي زعلو ومره امي قالت لي احنا فرطنا فيكي
وهوا من النوع اللي يصلح صورته بشطاره
لانه مهتم كيف يشوفونه اهلي
ابويا اكثر شي قاهره القرض يقول عشان كذا يضربك لانه ماسكك بالقرض والبنت
وحاليا ابويا قالي اشترطي عليه يرجع القرض ويتعهد مايضربك
انا في مرات سابقه شرطت عليه وماوافق يقول انا عزيز نفس وانتو تبغون تهينوني
هوا مره عنده كلام الرجوله ومدري ايه
المهم رفض واقنعني بطريقته وكنت ارجع له لانه طيب من جوا واقول بنفسي مراح اعصبه بس تحصل وانا ماني ملاك وصار اللي صار
وابويا وقتها زعل مني بس راضاه زوجي بطريقته
وذحين ندمانه اني كنت ازاعله اسبوعين وارجع لانه مره يشتاق لي وماكنت اقدر افارقه
ذحين مقويه قلبي لاني اكتشفت انه اهلي يعانون معايا لازم احسم الموضوع
قرقر وايد ادري

__________________
لا اله الا انت سبحانك اني كنت من الظالمين

هوا مايضربني بقوه يعني اثار وتكسير
بس ضرب اهانه
احس اني غبيه وانا أبرر له بس ايش اسوي

__________________
لا اله الا انت سبحانك اني كنت من الظالمين

في شي كمان محسسني بتانيب الضمير
انا عندي حالة التشنج المهبلي يعني مقصره معاه بالفراش كثييييير
وهوا من هذي الناحيه متفهم وحنون وطيب ومثالي و وفي وكل حاجه حلوه
وادري انه اصعب شي عالرجال يصبر على هذا الشي
عشان كذا كنت اسامحه كثير بعد مايضربني لاسباب تافهه
لانه مكبوت بسببي مره
حتى في مرات قلت له مو تفرغ فيا بالضرب عشان مااشبعتك جنسيا انا مالي ذنب وهوا انفجع وانا اصيح
تحسنا كثير الحمدلله بس لسي محنا طبيعيين وادري انه اهم شي في الحياه الزوجيه الراحه الجنسيه وهوا محروم منها بسببي
اكتب وانا ابكي
بس هذا القدر
يمكن هذا سبب لعصبيته وغيرته لانه يقولي دايما احسك مو ليا حسسيني انك ليا

__________________
لا اله الا انت سبحانك اني كنت من الظالمين

مشاكلنا كثيره ومعقده
احس اني يئست

__________________
لا اله الا انت سبحانك اني كنت من الظالمين