يامظلوم...زوجي عنيد وراسه يابس


مو راد علي...احافظ على ماءوجهي ابرك

وبعدين يمكن قرر الطلاق ليش اركض وراء سراب

[/COLOR]

دخلت الموضوع باعتقادي انك تسألين كل الرجال؟؟ (لماذا)
ولكن الاولى اختي الكريمة ان تسألين (زوجك) فقط ...
وتحتاجين ايضاَ ان تسألي (نفسك) ايضاً ..(لماذا)

ولأن صورة الخلاف بينكما مشوشة قليلاً ..فأني ارى علاقة من طرف واحد على الارجح وهو انت ..
تصرف زوجك الاخير كان (انتقامياً) ..ولكن (لماذا) ؟؟
زوجك ضربك ..لماذا ؟؟
(مع انني لاأؤيد الضرب )

هل هو عصبي ..هل انت عصبية ايضاً ؟؟
هل انت مقصرة معه ؟؟
هل ..وهل ...وهل ...
؟؟؟؟؟؟؟؟؟؟؟؟

وجودك الآن معنا هنا بالمنتدى للبحث عن مشكلتك فرصة كبيرة لتستعيدين توازنك من جديد ..
عيدي حساباتك وفكري بشكل أشمل واكبر ..
ماذا يريد هذا الرجل منك وانت لاتقدمينه ..؟؟
هل هو سيء الى هذا الحد .. ؟؟؟
هل حياتكما خالية من التفاهم المنطقي ولايوجد بها احترام؟؟؟

اسئلة كثيرة تحتاجين انت تخرجي اولاً من الصورة (المشكلة) وتنظري اليها بعين محايدة ..

انا لا اقول بأنك مخطئة ..ولا اقول بأن زوجك مخطيء
ولكن الصورة مشوشة وغير واضحة ..
وبودي لو توضحي الصورة بشكل اكبر
وشكراً

طيب اذا كان عنيد خليك احسن منه ولو مره الحياه يبغى لها تنازلات كثير ولو من احد الطرفين

انتي تقولي مو راد علي طيب انتي جربتي تكلمينه او تراسلينه؟؟؟

طيب اهو يعاملك ويدور ضاك هل انتي قلتيله ماني سعيده معاك وترفعين صوتك عليه وفضحتيه عند الجيران؟

والله على قد ما تقدري تدورين رضاه وتسعدينه صدقيني بيحاول يسعدك لما ترجعون لبعض ان شاءالله

يعني مافيها شي لو بينتيله انك متمسكه فيه هذا بيكون ابو عيالك في يوم من الايام والعناد ما راح يفيدكم انتم الاثنين بالعكس بتزيد الفجوه فيما بينكم

يعني انتي سوي اللي عليك والباقي على الله انتي تقولي ما قصرت ودعيت طيب تحركي عشان تكوني ريحتي ضميرك وتفائلي خير ومسألة الكرامه راح توديك للطلاق لاسمح الله وصدقيني اذا يحبك بيرجع لك بس هو يمكن يبي يأدبك والا من داخل نفسه ما يبغى يهدم حياته ربي يصلح شانكم

__________________
أستغفر الله اللذي لا اله الاهو الحي القيوم واتوب اليه

تسلمون جميع والله يسخرلك كل ماتمنيتوا

ياابا فارس اسال وانا ساوجيب...

وعشان اختصرلك الحب موجود اقسم بالذي رفع وانزل هذه السماء وهذه الارض اننا نحب بعض وبدرجات كبيره

لكن القلب مجروح من تصرفه لدرجة مااني قادره اواجه

__________________

استغفر الله استغفر الله استغفر الله
لا اله الا انـــت سبحانك اني كنت من الظالمين

الأعضاء ماشاء الله ما قصروا

وبعدين الرجال منتظرك تسع سنين ولا يستمر زواجكم إلا 9 شهور .. معقولة

يا عمري أنا ماراح أسألك عن مشكلتك معاه .. بس بجاوبك بشكل عام

زوجك ممكن يكون عنيد لكن انتي بعد عنيدة ودلوعه

وعناد مع عناد ما تمشي الحياة

وشوفي انا بإعتقادي إذا الرجال يحبني و مافيه صفات سيئة رئيسية ويخاف الله فيمكن للحياة أن تستمر

واي عيب ممكن تحمله واي مشكلة ممكن حلها بالنقاش

ثانياً أنا متأكدة انه يقول لنفسه جلست 9 سنوات انتظرها عشان تكون هذي النتيجة

وأنا متأكدة بعد أنه عمل اشياء كثيرة عشان يسعدك ويحسسك بقيمتك عنده .. لكنك حطمتي ثقته

وقلتي له انا مش سعيدة معاك .. يعني كل الي سويته ماكان له قيمه ادري انك تحبينه بس شلون طاوعك

قلبك تقولين هالكلام

وتأكدي أن اي كلمة الانسان يتفوه فيها ترجع له مثلها .. والكلمة السيئة مثل الحجر والكلمة الحلوة مثل الورد

فلو قلتي كلمة سيئة أو جارحه أو مؤلمة فستعود عليك حجراً وإن اهديتي ورده فسهدين الورد

فإن لم تستطيعي أن تهدي ورد فلا ترمي حجر

أقصد بهذا الكلام أن قاموس الكلمات الي يسم البدن انسيه .. تراه يأثر في النفس تأثير سيء جداً

وبعدين ضروري تعرفين انك اصبحتي انسانة مسؤوله مو كلما صار شي قلتي ودني بيت اهلي .. وتصارخين

وكأنك طفل مدلل يقعد يصارخ ولا يسكت إلا لما تتنفذ طلباته .. كل شي ممكن يصير بس بالهون


وبعدين راقبي نفسك وقت تعصبين وانتبهي لا تنطقين بكلمة ولا تتصرفين تصرف وانتي معصبة لأنه قاعدة عامه

المعصب ضروري يقول او يعمل شيء وبعدين يندم ويضطر بعدين للأعتذار .. مثل الي صار لك

راقبي تصرفاتك .. ولا تقولين شيء إلا لما تهدين وتوزنين كل كلمة وايش تأثيرها في الي بتكلمينه

هل هي حجر أو وردة

وبعدين راقبي نبرة صوتك أثناء النقاش الحاد أو الخلاف .. شغلي كنترولك وحاولي قد ما تقدرين ان نبرة صوتك

ما تعلى على نبرة صوته .. مع الايام راح تتعودين بس تحتاجين جهد فيالبداية عشان تتقنين الهدوء


الشي الأخر : أن زوجك لما رجعك بيت اهلك كان تصرفه نابع من شي معين وهو أن حياتكم اصبحت على حافة الانهيار

طلاقين صار .. يعني ما بقى إلا طلقة وحدة وتحرمين عليه .. مافي رجعه إلا بعد زواجك من رجل ثاني

انتي فاهمه الخطر الي يتهدد حياتكم الحين .. فأهو ما خلاكِ عنده عشان ما تنضغط اعصابه ويطلقك

ويفشل الحب الي دام 9 سنوات في 9 اشهر


وبالنسبة لعدم رده على مسجاتك .. طبيعي ..

شوفي عدي كم مرة قلتي انا مش سعيدة وكم مرة قلتي وديني عند اهلي ومن هالكلمات

ضروري ترسلين مسج تبين له انك شاريته مثل ماهو شاريك .. وانك غلطانه بكلامك

ارسلي وحاولي تكلمينه وحتى لو ما رد مرة او مرتين .. حاولي وخلي الكلمات الحلوة تمحي الكلمات المحبطة

لا تيأسين ولا تقولين كرامه لأنك انتي غلطانه والغلطان ضروري يصحح غلطه

ربي يوفقك يا عمري اتركي العصبية والعناد ... والدلع له وقته مو على طول دلع

وإن شاء الله تعيدين عند زوجك وتبشرينا

__________________

هلا اميرات الحكمه


انا بمااني اذكره بالله ورسوله.


ياجماعة الخير...اهلي رافضين اتصل ليش؟؟

لما اتصل ابوي عليه لما جابني قال له تعال نجلس نتفاهم ونصلح

وش رد على ابوي قال عندي ناس وبعدين لا اتصل ولا شي ....لا حياة لمن تنادي لااتصل ولا سال

كيف تبون اتصل وارسل واطلب واترجاء.....عيب وين شيمة الرجال وين وين...

لا ولن اتصل....انا اسفه اعذروني

__________________

استغفر الله استغفر الله استغفر الله
لا اله الا انـــت سبحانك اني كنت من الظالمين

أسال الله الرحمن الرحيم في هذه الساعه المباركه ان يرد زوجك اليك رداً جميلاً

اللهم ياربي الف بين قلبي ابي رضاه وزوجها واجمع بينهما فالقريب العاجل وسخر زوجها لها


عليك يالتوكل على الله والدعاء الدعاء هذه الليالي مباركه فرصتك وفرصت كل مسلم

__________________

اقولك حاجة ولا تزعلين مني

اسلوبك في طرح المشكلة متعب .. قاعدة تعطينا بالقطارة كلمة كلمة

يا بنت الحلال قولي شنو أكثر شي تتهاوشون عليه ؟؟

ايش سبب مشاكلكم الرئيسية ؟؟

ايش آخر مشكلة صارت بسبب ايش ؟؟

__________________