أكيد أنا غلطت لما قارنت

هو معند الحين ,,, أنا الصباح مارضيت أسكت وأقفل الموضوع << احنا ننام الصباح ونصحى قبل العصر

لأنه يبغاني لما نصحى نلبس ونروح لجدته ,,, عشان كذا مافيه وقت انه احنا نتناقش إلا الصباح

وحبيت أخبره اني ماراح أرضى بهالشي


أنا ماهمني أروح لقرابته والا لا أنا دايما أروح معاه للي يبغاه ,,,, أنا اللي همني الحلف وبس

لو ماأروح لقرابتي أبدا لكن ماأبغاه يحلف .... أحس إنا متخلفين بهذا الأسلوب


الله يعطيك العافية أختي قرين

__________________
حسبي الله لا اله الا هو عليه توكلت و هو رب العرش العظيم
اللهم يامقلب القلوب ثبت قلوبنا على دينك ويا مصرف القلوب اصرف قلوبنا إلى طاعتك

أختي أميرات :::



هو جانا فترة تقريبا 3 شهور مانطلع نتمشى ولانروح السوق ولا شي عشان دراسته


إلا اللهم انه أحيانا يطلع فيني بالسيارة بنص الليل ندور شوي ونرجع ,,, يعني مافيه حياة بهالوقت هذا

والا نطلع من أهلي ونروح لمطعم وناخذ الطلب ونرجع البيت << بس لما يكون هو جوعااان فقط


أنا أبغى أروح السوق وأروح مطعم يعني وهيك شغلات


بعد ماخلصت ال3 شهور

طلعنا مرة من المرات قبل صلاة العشاء عشان بيروح محل يشتري له غرض

وانا كنت بالسيارة وشفت محل أعجبني وقلت لما يجي بقوله أنزل لهذا المحل

لما جاء قلتله ورفض وقال انا جوعان خلينا نروح ناكل ,,, وهو كان جوعان من قبل لايروح للمحل اللي يبغاه

وغير كذا هو اذا صارت الحاجه له يطير يجيبها لو بالمريخ ,,, وأغراضي يأجلها حتى لو هي ضرورية

المهم أكمل السالفة ,,, أنا زعلت من كلامه وماأعجبني ,,,, وقالي تكفين لاتخربين يومنا وتزعلين

قمت وانفجرت عليه وبصوت عالي وأنا مقهووورة وشايلة بقلبي عليه

وقلت له إنت وإنت وإنت وليش تسوي فيني كذا ,,, من متى ماطلعت ولاتمشيت ولارحت السوق

وقعد يقولي إنتي شتبغين بالمحل لك حاجة فيه ,,, أصلا أنا بعمري طلبت منه شي مو ضروري لأنه عصبي وما يحب ينزل السوق

يعني لو انا رايحة مع أخوي كان أخذت راحتي ونزلت للمحل لو مالي حاجة

وغير كذا هو مايحسسني اني كبيرة

المهم أنا قارنته بأزواج يقربون لنا ومايعجبونه خلقة ,,, قلت شوف اللي ماأعجبوك ماخلوا شي ناقص زوجاتهم ماشاء الله ,,,

وهو عصب علي وقعد يهاوشني ويتلفظ علي << أنا أدري غلط اني أقارنه بأحد غيره لكن والله من القهرر وخاصة انهم مايعجبونه أخلاقيا


رجعنا البيت وحنا ساكتين ,,, الصباح تهاوشنا هوشة كبيرة مرررة

ومن بكرى الصباح جيت بتناقش معه على طووول سواها هوشة وعصب وحلوف ومدري ايش عشان ذكرت له الطلعات والتمشاية

هو دايم يقولي إني ماأحترمه واني أرفع صوتي عليه


على فكرة ,, أنا حاولت أراضيه 3 مرات أو 4 ,,, بس هو رفض وبقوووة وداااااائما أنا اللي أتنازل


وقعدنا 5 أيام مانتكلم مع بعض ولاشي

وكل هال5 أيام أنا كل يوم أحاول أراضيه وهو مو راضي

وكان يبغي ينهي حياتنا وكااان مصررر على هالشي

أنا كنت أفكر جديا بالطلاق ,,, لكن سبحان الله ,,, كنت أدعي بصلاتي وأستغفر

وشي يقولي لاتروحين لبيت أهلك قلت بصبر

وبعد 5 أيام انصلحت العلاقة ورجع لي زي أول وأحسن الحمدلله ,,,, ومر أسبوعين كاملات ( هذي مدة الحلف الأول )

ومن كلامه يقول إني تحسنت ,,,. بس اليوم خرب كل شي من قالي برنامج اليوم

أنا كنت أبغى السوبر ماركت من شهررر

وأبغى السووق من 4 شهور

وقالي اليوم ان شاء الله بعد مانصحى نجلس شوي وبعدين نروح لجدتي ( في المدينة اللي حالف علي فيها أزور قرابتي) .... احنا بنروح عشان نجيب أمه من عند جدته

بعدين وحنا راجعين مباشرة نروح للسوبر ماركت بعدين السوق


أنا بهاللحظة قلتله بمزح ,,,, لا ماأروح لين تقطع حلفك علي

هو ماأعجبه كلامي ,,, أنا الصراحة كرامتي ماتسمح لي أروح هناك وهو حالف علي .... عصبت وقلت لا

لازم تشوف لك صرفة ماأروح يعني ماأروح وبتناقش معه ,,

ولايعطيني مجال وعشان كبريائه وعشان ماتنكسر كلمته يقولي : بعدين نتكلم بالموضوع اذا صار لك مشوار لأحد قرابتك هناك

قلت أنا اليوم بروح لجدتي هناك ,,,, يله خلنا نتناقش في الموضوع الآن ,,,

عصب وقال لا ,,, والحلف راح يستمر


قلت أنا ماراح أروح معاك واللي بتسويه سوه

وقعدنا شوي هو راح ونام وأنا قعدت وكتبت لكم هالموضوع



* على فكرة أنا لما يراضيني زوجي أو يتنازل عن شي هو يبيه ماأحس اني قويته واني فارضة شخصيتي عليه ولا أحس اني نفذت اللي براسي *

أنا ماأحب هذا التفكير ,,, وأنا أشوف الكثير من النساء يفكروا فيه .... بالعكس أنا أحسه تنازلات عشان حياتنا تستمر ... ويكبر بعيني أكثرررر وأكثرررر

لكن هم أخذوا فكرة إنا راح نستقوي عليهم اذا هم تنازلوا عن شي حتى لو يضر حياتنا



على فكرة زوجي راح يقرأ الموضوع ان شاء الله

انا ماخبرته اني نزلت موضوع فيه قلت بخبره بعد مايكون فيه ردود

سواء لي أو ضدي ,,, كلينا لازم يعرف خطأه

والله يعطيكم العافية

__________________
حسبي الله لا اله الا هو عليه توكلت و هو رب العرش العظيم
اللهم يامقلب القلوب ثبت قلوبنا على دينك ويا مصرف القلوب اصرف قلوبنا إلى طاعتك

كلام اكثر من رائع

فعلا لا تعوديه على كذا بيظل كذا طول عمره

الله يعطيك العافية على هالمداخلة الحلووة

__________________
حسبي الله لا اله الا هو عليه توكلت و هو رب العرش العظيم
اللهم يامقلب القلوب ثبت قلوبنا على دينك ويا مصرف القلوب اصرف قلوبنا إلى طاعتك

الله يعطيك العافية حبيبتي عالماخلة الحلوووة


والله يعييييييييين

__________________
حسبي الله لا اله الا هو عليه توكلت و هو رب العرش العظيم
اللهم يامقلب القلوب ثبت قلوبنا على دينك ويا مصرف القلوب اصرف قلوبنا إلى طاعتك

أميرات


أنتظرك أختي ,,,

__________________
حسبي الله لا اله الا هو عليه توكلت و هو رب العرش العظيم
اللهم يامقلب القلوب ثبت قلوبنا على دينك ويا مصرف القلوب اصرف قلوبنا إلى طاعتك

أختي أميرات :


كلامك كله أعجبني وهذا اللي راح يصير


يعني أنا لما كتبت الموضوع وبردت شوي وطفت النار اللي بصدري

رحت براضيه وأتأسف وبقوله اني بروح معاك لجدتك ,,, لقيته نايم ,,, بوسته ولمسته وبعدين نمت

قلت اذا صحينا ان شاء الله بتكلم معاه


لما صحينا ,,, كان ماله نفس شي وقلت لما يصحصح بتكلم معاه

راح يصلي ورجع وبرضو شكله ماتغير سكتت وصبرت شوي

بعدين قمت وجبت له أكل ,,, مارضي ياكل ,,, أنا انقهرررت وعصبت وقلت لو ماتاكله برميه ماراح آكله

<< مشكلتي العصبية ودي أموووت ولاأعصب ,,, حياتي راح تتدمر من عصبيتي ,,,, الله يهديني


المهم تناقشنا بالموضوع ,,, وقالي المشكلة اللي فيك مازالت مستمرة وإنتي ماراح تتغيرين ومن هالكلام

وأنا اذا قال لي ماراح تتغيرين ,,,, أنقهررررر ,,, أحسه مايبين بعيونه شي

والله كل يوم أدعي وأستغفر وأحاول أتغير من أسلوبي ,,, وكل هالأيام اللي راحت يقولي ماشاء الله متغيرة ومتحسنة

واذا تهاوشنا يقعد يتنكر كل شي أسويه له


وغير كذا .. هو عنده انه مايغلط أبدا أبدا ,,, واذا قلت له عيوبه وغلطاته ... يدافع عن نفسه ويطلع نفسه براءة من أي موضوع



طيب عرفنا انهم الكل فالكل .... بس مو لدرجة انهم مايغلطون


وترى هو عادي عنده الطلاق ,,, هو يقول انه يحبني ,,, بس مايربط الحب بالراحة النفسية


طيب يعني أنا مرتاحة نفسيا ,,,, أنا بعد أعاني معه بس أسكت وأتنازل


مو زيه ,,, هو خلااااص ينهي كل شي ,, واذا قلتله شي قالي لاتحطي راسك براسي

أنا شي وإنتي شي آخر ,,, أنا صاحب الكلمة هنا


هو يحس انه تصرفاتي معه اني حاطة راسي براسه ,,, بس أنا والله ماأحس بهالشي أبدا

وأنصدم اذا قالها لي .. انا أقوله أنا أبغاك تحس فيني بس وتحط نفسك بمكاني

مو كل شي تصير فيه الرئيس ,,,

وغير كذا .... أنا مرتاحة معها ,,, بس اذا فت غيري من البنات ,,, يعني اخواتي أو أخواته أحس اني بنقص عظيييييم


يعني هو يعاملني زين ورافع قدري عند أهلي وأهله ,,, والحمدلله

لكن من الناحية المادية ,,, يعطي نفسه أكثر مما يعطيني

والحين من مدة شهرين صار محدد لي مصروف شهري ,,,

ومرة وحدة بس رحت معاه السوق ,,, ومرتين رحت مع اخوي

بس والله أحس بنقص عظيييييييييييم ,,, يعني فيه أشياء ضرورية ماهي عندي وساكتة والله


وغير كذا :

هو مايهتم بأي شي يخصني

يعني مثلا أنا عايشة مع أمه وأخته ,,, وأعاني من أشياء منهم ... مع ذلك ماحرك ساكن ,,

اللهم مرة وحدة والزن والموووت راح واتكلم مع أخته ,,, ولاأشووف أي تغير ..

أنا شكتت لكن بنفس الوقت مقهوووورة الى الآن


والشي الثاني:
انه يحس اني ماأحتاج شي وانه طلباتي مو معمه أبدا ... وبنفس الوقت أمه يعطيها اللي تبغى << ماقلت شي أمه وواجب عليه طاعتها ,, لكن يعدل معي بعد


وغير كذا :

حنا ناعاني من مشكلة الحمل ,, الحين مرت علينا 8 شهورر

ومع ذلك أنا اللي بلشانة وأنا اللي أتعب وأنقهر من هالشي وهو ولاعلى باله والدليل :

إنه انا اللي طالبت بإني أروح أكشف وأحلل ,,, وبالمووووت وافق << هذي السالفة لها 3 شهور

وطلعت سليمة الحمدلله


وأنا أطالبه بإنه يروح يكشف ,,, وهو رافض ولا على باله ,,, ويقول اذا مر 8 شهور أروح حنا الحين طبيعيين

المهم مر 7 و8 شهور ولا راح ,,, وكل يوم أقوله ويقولي بعدين اذا صار فيه وقت

مع انه كل الوقت فااااضي ,,, والله شي يقهر


وأنا كل اللي معاي واللي بعدي تزوجوا أولادهم معهم ,,, ماشاء الله ,, اللهم لاحسد والله يخليهم لهم

بس والله أنا أموووووووووت قهررر ,, والحل ان شاء الله بايدينا



هذا كله مايأثر على نفسيتي ... هو مو مقتنع ,,,, ويقول أشياء عادية


مشكلته مايعرف متطلبات المرأة ,,, ومايعرف شي عنها ,,, ويقول لي إنتي ماتعرفين شي بالحياة الزوجية

لازم ولازم ولازم ( يقصد المعاملة )


والله انا تعبت معه ,,, أقسم بالله ماشفت في بيت أهلي اللي شفته هنا

أهلي حالتهم المادية ميسوورة مررررة ,, ولله الحمد ,, لكن والله ماطالبت بإني يوفر لي زي عيشتهم


يعني المفروض يقدر شوي ,,, بيت ملكي مافيه ,, وليت فيه راحة هنا والا والله ماقلت شي


حتى ساكتة الحين ,,, لين مانستقر ويتوظف لأنه هو الحين يدرس يونزل لنا راتب من الدولة

__________________
حسبي الله لا اله الا هو عليه توكلت و هو رب العرش العظيم
اللهم يامقلب القلوب ثبت قلوبنا على دينك ويا مصرف القلوب اصرف قلوبنا إلى طاعتك

صراحة أمي صار لها نفس موقفك بالضبط

حنا بجدة و بنت خالها بالطائف جالسة فترة طويلة و دايم تزور أمي بس أبوي قال مافي روحه لها

قلنا ليش قال عندهم دش في البيت سكتت أمي و زعلت بنت خالها و صارت ما تزورنا أبدا

بعد فترة بنت خال أبوي تزوجت و سكنت بنفس المدينة و زارتنا مرة وحدة بس بعد أسبوعين جاء أبوي قال لأمي

خلينا نروح عند فلانة يقصد بنت خاله و المشكلة عندها دش نفس الشيئ يعني إستانست أمي بس تذكرت بنت خالها

و جاءت تستشيرني قلت يما لو تروحين

تكونين مغفلة لاتروحين أبدا و إستغرب أبوي من ردة فعلها لأن أمي مرة طيوبة قال ليش قالت عشان بنت خالك جاءت

يعني و أنا عندي بنت خالي كمان ماني برايحة بعدين أمي تنازلت و قالت نمر عليهم الأثنين أبوي قال لا بس بنت خالي

أمي حلفت ما تروح قالها و الله في أحد محرضك قلت لها إيه يما مرة وحدة كوني قوية

وش الفرق بينهم

نفس الشئ زوجك خليه يكفر عن يمينه وتروووووووووووحين لهم كلهم .............

زوجك يقصد عصبيتك و توترك .. خليك هاااديه .. دايم اذا بتتناقشي مع زوجك خذي

نفس عميق و انت تتكلمي عشان ترتخي اعصابك و يهدى صوتك ..

اقتباس:

وغير كذا .. هو عنده انه مايغلط أبدا أبدا ,,, واذا قلت له عيوبه وغلطاته ... يدافع عن نفسه ويطلع نفسه براءة من أي موضوع

اكره شي عند الرجل ان تمد له زوجته اصابع الاتهام و تعدد له عيوبه و اغلاطه ..ما يقبل ابدا ابدا ابدا .. وقد يعاندك و شي طبيعي انه يدافع عن نفسه .. هم يغلطون لكن اسلوبك في اظهار عيوبه غلط .. اعلمي يا قلبي ان اللي تتكلمي معاه هو زوجك مو اخوك الصغير ..

اقتباس:

واذا قلتله شي قالي لاتحطي راسك براسي أنا شي وإنتي شي آخر ,,, أنا صاحب الكلمة هنا

راقبي اسلوبك .. لا تتكلمي باسلوب تحدي يا اختي .. رققي اسلوبك في الكلام ..

اقتباس:

لكن من الناحية المادية ,,, يعطي نفسه أكثر مما يعطيني

يعني لازم المبلغ اللي يصرفه على شؤونه لازم يعطيك مثله حتى لو ما تحتاجيه ؟؟

اقتباس:

والحين من مدة شهرين صار محدد لي مصروف شهري ,,,

اقتباس:

ومرة وحدة بس رحت معاه السوق ,,, ومرتين رحت مع اخوي بس والله أحس بنقص عظيييييييييييم ,,, يعني فيه أشياء ضرورية ماهي عندي وساكتة والله

والله يا اختي مدري وش اقول لك .. الله يهديهم بعض الرجال اذا الزوجه اعتمدت على اهلها في تدبير امورها خلالالاص يرفع يده عن امورها ..

واذا تريد ان تعتمد عليه ما تلاقيه .. كل يوم يطلع لها بحجه شكل عشان يتهرب من المسؤوليه ..

قولي لزوجك انا تزوجتك وانت اللي مسؤول عني .. لازم مره في الشهر تقضي لي اموري الخاصه ..

اقتباس:

هو مايهتم بأي شي يخصني يعني مثلا أنا عايشة مع أمه وأخته ,,, وأعاني من أشياء منهم ... مع ذلك ماحرك ساكن ,, اللهم مرة وحدة والزن والموووت راح واتكلم مع أخته ,,, ولاأشووف أي تغير .. أنا شكتت لكن بنفس الوقت مقهوووورة الى الآن

اختي اصعب شي على الزوج انه يختار بين زوجته و امه .. لا تحطي زوجك في مثل

هذا الموقف لانه بكل تأكيد انت الخسرانه .. لانه يصير في صف اهله وانا ما الومه

حلي مشاكلك مع اهل زوجك بينك و بينهم و لا تدخلي زوجك فيها ..

بالنسبه لمشكله الحمل لا تلحي كثيرا على زوجك .. اطلبي منه بشكل غير مباشره انه

يفحص نفسه .. يعني زوجك من ملاحظاتي من خلال كلامك ما يحب الاوامر المباشره

حطي هذه النقطه في بالك .. لا تعطيه اوامر .. تكلمي معه بشكل طلب وليس امر ..

اقتباس:

مشكلته مايعرف متطلبات المرأة ,,, ومايعرف شي عنها ,,, ويقول لي إنتي ماتعرفين شي بالحياة الزوجية لازم ولازم ولازم ( يقصد المعاملة )

هذه هي مشكلتكم انتم الاثنين .. كل واحد مو عارف للثاني .. لكن يا قلبي لا تخافي ..

اختك اميرات اللي صار لها قرابة 25 سنه متزوجه مرت بنفسك وضعك ..

ما تعانيه يا اختي شي جدا طبيعي ولا يدعوا للخوف والقلق بالحب و التفاهم كل شي ينحل

طووولي بالك اختي و لا تكثري من الاوامر و الملاحظات على زوجك ..

انتم محتاجين وقت عشان تفهمون بعض ..

ربي يسعدك و يقر عينك بطفل يملي عليكم حياتكم و يزيدكم سعاده ..