الله يريح قلبك .كلما اقرأ لك احس بكمية الالم الذي تشعرين به

ساعدي نفسك شوية كي تخرجي مما انت فيه وبما انك حامل فاظن انه فيه نوع من التقبل

يا اختي قدر الله ووقع يجب ان تتقبلي الامر لانك ان كملت هكذا ستخسرين كل شي صحتك دينك لانه قلبك نار ومشغول

لازم تقفي على رجليك وكوني قوية من اجل اولادك هو اننسان ضعيف صديقيني لولا الشيطان والغيرة ولو كان لك وحدك لما اهتميتي به بهذا القدر شوفيه جيدا هل يستاهل ان يحدث لك كل هذا من اجله
والاخرى امرأة مثلك وش عندها زيادة الا انها شارية راحتها وصحتها كوني احسن منها

لن اقول لك تنافسي معها عليه لاني اكره ما عندي هذا الاسلوب واعلم انك لست ممن يفعلونه لكن كما قلت لك من اجلك

والولد ما دام جابه خلاص خليه في النهاية هو طفل ليس له ذنب في كل هذا

اختي العزيزة اعانك الله
انتي طول الفترة تفكرين بكل شي
و طول الوقت ميتة قهر خلاص ارررضي بالواقع
عيشي حياتك
لا تفكرين بتصرفاته و لا به و لا بزوجته و لا شي
قاهرة نفسك عشان آدمي ؟
قومي بحقوق زوجك لاحتساب الاجر
وانبسطي و العبي مع عيالك
وانسي تماما زوجته خلاص لا تفكرين بشي ثاني

السلام عليكم ورحمه الله
اختي هل انتي لما تزوج عليكي اعترضتي بمعنى صرختي روحتي بيت اهلك طلبتي مبلغ مالي او اي تعويض نفسي عن زواجه
اذا الاجابة لا فهذا سبب قهرك ولن تبرد النار اللي بقلبك الا رؤيتك له ينذل ويتوسل لك صدقيني فيه نوعيات ماينفع معاهم الا القوه وقول انا موجود
،،اسمحي لي اختي انتي ضعيفه امامه جدا
انا من رأيي تاخذي فتره نقاهه عند اهلك فتره طويله اذا تقدري وتتركيه علشان نفسك ترتاح
الله يكون في عونك

كيف اساعد نفسي ...انا ماعدت متقبلة مسلسل التنازلات عشانه ...انا من قبل زواجه دخلت على شخص يختلف طبعه وعاداته عني تماما واجبرت نفسي وقلت الحياة مليانه مشاكل ومنعني من الناس وقلت يمكن اكون مرتاحه احسن من الف وحده تدخل وتطلع ومعاها صاحبات بس قلبها موجوع او مايحبها او مايحترمها ...رغم الاوجاع اللي اصابني فيها اقنعت نفسي انه ابتلاء من الله ولازم اتصبر ...زادني الم بزواجه وزاد جرحي اكثر واكثر ...اول كنت لما اهله يجوني احس بغربة لاني مو منهم وإحساس الغربة موجع لناس مفروض يكونون زي اهلك بس كنت لما اقابله بالليل احس بأمان لانه يصير الوحيد القريب مني واللي أتعامل معاه بأريحية ...الحين احس بغربة معاه ومع اهله وكاني مرمية في مكان ومنتظرة ارجع لمكاني....والله ماعاد الم على زواجه وماعاد الم عشانه في شرخ بيننا من زمان وهو يحس بنفس الشيء بس هو بحث عن علاج لنفسه واخذ وحده من منطقته وطبعا بيننا عشرة وعيال عادي يومنا يمشي سواء بزعل ولا برضى

بس المرأة مغلوبة على امرها مظطرة اكمل عشان عيالي بنفس الالم بنفس الوجع بنفس المشاكل ....

انا ابغى اعيش حياتي وحياة اطفالي مالي دخل فيه ولا بظروفه


هو يبغاني اكون متقبله وعادي اتعايش معاه ومع زواجه عادي وعياله على الرحب والسعه

يعني مااستفدت من زواجه غير وجع القلب لان بالنهاية لسى يبغى يفرض عياله علي بطريقة او بأخرى بذكر موقفي امس وراح تعرفي هو لإيش يبغى يوصل

اعترضت وطلبت رضوة وصرخت من ناحية طقم الذهب الي طلبته جابه خفيف جدا وانكسر من هشاشته لكن كان بالشكل حجمه كويس فأخذته من ناحية المال جاب الرضوة ناقصة ويومين سحب جزء منها وبعدها تعذر انه معاه مصاريف واسحبي وبجيب بدالها وكان اسلوب تحايل ابقالي جزء منها الثلث تقريبا وعلمته اني غير مسامحه له وانه خان الثقة فيه قال وش تبغي فيها ....واصرفي على نفسك منها كان موقف لا ينسى له ودرس لي واحتسبت حقي عند الله بان يأخذه الله لي منه بالآخره وسكرت موضوع الفلوس معاه تماما لأني لما ناقشته استوجعت اكثر ....

أمس طلبت اروح لاهلي بالعادة مايمنعني وعادي اروح اكثر من مرة بالاسبوع بس رفض وعدت الطلب وقلت له ابغى السبب امي عندها ضيوف ومحتاجتني رفض
رجعت طلعت وانا طالعه قلت له عشان تعرف ان الغلط غلطك مش غلطي وتقول مارضيتي بعيالي مع اني قلت لك زمان عادي عندهم بس تعطيني حقوقي وماتحاصرني عشان ابنك موجود مابتخليني اطلع


جلس شوي وبنتي الصغيرة اصلا تبكي تبغى تطلع قال تجهزوا رفضت بالبداية بعدين قمت اتجهز قام قال ترى ماكنت بخليك تروحين بس عشان ماتعتبرين ابني السبب رحت والله كنت اساعدهم وانا احس قلبي يبكي بس مظطرة اروح


امي اليوم كمان كلمتها قالت ليش ماجيتي اختك موجودة ..انا كنت مخنوقة ماخبيت عليها قلت عشان تعرفين لو يجيب عياله عندي مابتعرفوني غير مرة بالاسبوع ولا بالاسبوعين ...قالت عادي قوليله الولد مع عيالنا بيلعب سوني لما قالت كذا ..قلت لها ليتني ماتزوجت مطلق ولا واحد معاه عيال ولا واحد اصلا من منطقة ثانية هي ساعتها قالت لا عادي مافي شيء وهذا الشيطان يوسوس لك
انا فاهمه اهلي واغلب الناس انه خذي حقوقك حتى لو عياله عندك واطلعي وادخلي عادي طالما قايمه بواجبهم


وفاهمه زوجي انه يبغى اذا احد من اهله عندي مممنوع اروح واجي ولو يجوا عياله عندي بيصير هذا وضعي اكل وشرب وخدمه
وهو كمان يبغى اتعود على كذا


انا بس غاطسه في النص واحسه انه احد غرقني وابغى اطلع بس مش قادرة
وبس سلامتكم ان شاءالله فهمتوني انه موبس عشانه ولا عشان زواجه انا ماتقبلت الحياة معاه من جديد

الحين انتي ترى ما ضحيتي
يعني معيشة اطفالك بنفسية سيئة و تبكين ويسمعونك ليش ؟
ناقصك نفقة ماكل مشرب ؟؟ يمنعك هو عن الزيارات
هل يضربك!
اللي فات مات
انا اقصد حاليا ارى ان وضعك تمام
ليه ما تكشخين و تزورين الجيران و يزورونك ؟
ليه حزينة وطول الوقت وانتي متحسرة
حرام عشان اطفالك
ليه ماتلعبي معهم و تونسيهم ؟؟؟؟؟
واهلك دايم تروحين لهم خير و بركة

عزيزتي هناك بعض الامور اذا طبقتيها في حياتج بترتاحين

( الرضا بالقضاء والقدر خيره وشره )
ارضي بالحياة اللي انتي فيها خلاص هذا نصيبج
واحمدي الله انه ريلج لا سكير ولا زاني وفاسق
الضره صعبه ولكن ليست نهاية العالم
هي عايشه حياتها وانتي بدمار ونار وقهر
ارضي واقنعني بهذا القضاء
عسى ان تكرهوا شيئاً وهو خيراً لكم
صدقيني كل شي يمر لنا بحياتنا فيه حكمه من الله

( ومن عفا و أصلح فأجره على الله )

خلاص سامحي ريلج على اللي سواه انه تزوج عليج
لانج لو سامحتيه ماكنتي راح تتصرفين معاه بهذه الطريقه
ولاتنسين اجرج الكبير عند الله على صبرج وتحملج لكل اذى و الم نفسي من زوجج

يمكن الحمل حالياً مأثر على نفسيتج

كل ما اقرى مواضيعج اشوف انج وايد منقهره
قاعده تتعبين عمرج اختي على الفاضي بالحرقه والالم
صدقيني هذا مابيفيدج في ولا شي

فكري كيف تعيشين بسعاده و راحه مع ريلج و عيالج

من الكلام اللي تقولينه
مبين انه ريلج يحبج وماله غنى عنج
اصبري عليه حبيبتي وانسي اللي صار
وايد حريم تزوجوا عليهم رياييلهم
صح مب سهل لكن ليست نهاية العالم

ولد زوجج من طليقتج بصراحه عور قلبي
اعتبريه ولدج
وخلج مثل امه
يكفي الشتات والضياع انه ابوه مطلق امه
احتويه واحسني له

استوقفتني هالجملة، مستحيل تستمري معه وانت تفكرين بهذا الشكل، أنه عدوك

يؤلمني وضعك جدا، الى متى؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم