حياتي لجيتي تكلميه لا تقولي ابغى لأنه بيعتبرها صيغة امر
قولي انا مشتاقه اني اطلع معك طلعه رومنسية وشوفي ردة فعله |
مشكورة حبيبتي والله لايحرمني اراءكم واقتراحاتكم،،
حبيبتي طبعا اكيد استخدمت هالأسلوب، بس المشكلة مو برفض زوجي للطلعة او ... لالالا،،، المشكلة اني بحس انه بيستحي نطلع انا واياه لحالنا قدام اهله، بحسه ما بحب يميزني بطلعة بتمشاية بكلمة حتى بكلمة بيني وبينه،،، ما بعرف ان كان احساسي صح والا لأ، بس انا هيك احساسي،،، لهيك اذا طلعنا لازم تكون معنا اخته والطلعه بتكون على شرف اخته،، انا صح اني بتحسس وبزعل بس ما عمري بينت ولا حكيت،، وهي اول مرة بكتب بالمنتدى عن مشكلة تخصني،،، يمكن لاني حاسة حالي بجد حابة فضفض، محتاجة حد يوجهني لطريق او وسيلة كون انا لهلا ما استخدمتها! |
علمتني الحياة انه الحق يؤخذ غلابا ... واللي تعطي وتعطي بدون ما يشعر زوجها بأنها أعطت يضيع حقها وما بيعرف عنها حدا.
صدقتي والله، صار من الطبيعي انا نعطي ونعطي وبدون مقابل!!! نصيحتي لك بأن توضحي لزوجك بطريقة غير مباشرة تضحيتك ... انتي متضايقة لبعده عنكم ومتحملة لكن ما أشعرتيه بضيقك ويمكن هو يظن بأنك مرتاحة وما تغير عليكي شي . وقت مشكلتكم ممكن يكون فهم من ردة فعلك بأنك ما شعرتي بحجم المشكلة اللي وقعتوا فيها ولهذا ما تأثرتي . ممكن، بس هو مرات أيام المشكلة كان يقول انو لولاكي كان مابعرف شو صار فيي، لولا انت جنبي وبتعطيني دفعة تفاؤل وأمل وتهوين للأمور كان وكان ووو..، هو من النوع يلي بيكبر الموضوع وبحمله كتير فوق طاقته حتى لو كان مابيستاهل (قصدي غير عن الشغل والمشكلة ايامها) مابعرف يضل خالي بال بدون ما يشغل باله بشي ويخاف ويحمل هم كل شي... بس كمان بالمقابل مرات (بس كان يكون وقت زعل) كان يقول بما معناه انك انت مش مهتمة ولا مأثر عليكي شي! ، بس بوقتها بينتله موقفي ويلي حاسة فيه وبالوضع وانه الوضع بيحتاج تخفيف احسن من اني اقعد اندب الحظ انا واياه ونضرب كف بكف!! حبيبتي بيتا والله ما بتتخيلي مدى تأثره أيام المشكلة ووقت قعد بلا شغل، والله انو كان منهااااااااار كتير وكل ما يشوف ولد صغير او حدا رايح عدوامه عيونه تدمع، وانا عارفة انو لما كان يكون لحاله بالبيت كان يبكي،،، ايامها صدفت مرات اجاني عمكتبي ولقاني عم ابكي،، يحكي معي عالتلفون يكون صوتي متغير،، هو عارف اني بزعل لزعله وبتأثر كتير عارفني من الأصل بطبيعتي حساسة، بس بحاول اخفف عنه!! وهلا كتير اوقات بس نحكي مع بعض مابقدر امسك حالي من البكي، بسكر الخط وبحكيله خلص شحن او اي شي، بس هو كمان بيحكيلي (كذابة، كنت تبكي!!!).. فخذي حال الوسط .... لا تتشكي كل شوي وبرضوا لا تسكتي على الاخر وكأنك مرتاحة ... خليه يشعر ويفهم بأنك حاسه بكل شي لكن عشانه متحملة . وبدون منية وتحميل جمايل بالعكس متحملة بكل أريحية ومحبة . ولو اني متأكدة انو بيعرف، بس مش غلط، مابخسر شي،، بالعكس من الأفضل التذكير الدائم ممكن تظهري له شعورك من خلال تعبير ايجابي مثلا تقولي له يااااااااااه شو حلو تكون معنا .. فرق كبير عن أيام شغلك ربي يعطيك العافية ويوفقك ... جملتك ينفهم منها بأنه وقت غيابه صعب لكن بدون كلمات شكوى فهمتي علي ؟؟ الله لا يحرمنا منك يارب، المشكلة انو مافي (((وقت تكون معنا))) وانا هاد يلي مضايقني ومجنني! إذا اشتريتوا شيء مكلف تقولي الحمد لله تتذكر لما كنا كذا وكذا والله أيام كانت صعبة وما حسستك بخوفي وقتها لكني كنت كذا وكذا وتضحكي بعدها وكأنك تتذكري شيء مضى وانتهى بهيك توصلي له المعلومة بأنك شريكته ومثل ما شاركتيه بأيام النكد يحق لك تشاركيه أيام الفرح .. الله يهونها ويحنن قلب زوجك عليكي |
حبيبتي .. الله يفرج همك ويريح بالك يارب.. عاتبيه بمحبة.. وصارحيه باللي في خاطرك.. قوليله ايش تبغي منه بالزبط.. عشان ترتاحي.. والله يسهل أمورك و يجعلكم قرة عين لبعض .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|