السلام عليكم
عبودي اسمح لي اكون قاسي شوي في ردي على موضوعك...

اذا كنت فعلا تحب زوجتك الاولى ماكنت رحت وخطبت....
حياتك معها لاتطاق؟ بدل ماتبكي على اللي صار في اغلى انسانه على قلبك وماتتعب من المحاولات انها تتعافي تجي تقول (لاتطاق) وفوق هذا تخطب وحده ثانيه؟ للاسف اللي قريته في موضوعك انك ماتحبها ... من كتابتك يبان انك انسان اناني
يا اخي انا لو صارت لزوجتي (لا سمح الله) اللي مابيني وبينها حب وتزوجنا زواج تقليدي ماكنت اقدر انام وهي في حاله مثل كذا..شلون انسانه حبتك وتمنت تعيش معك طول حياتها وتحقق لكم امنيتكم تتخلى عنها في وقت هي تحتاجك اكثر من اي وقت ثاني
مرضها هو مرضك
تخيل انت مكانها وتجيك تقولي طلقني الحياه معك لاتطااق

انصحك بالمحاوله في العلاج النفسي مع اكثر من طبيب
العلاج النفسي تشخيصه و طرق علاجه تختلف من طبيب الى طبيب مو مثل الطب التقليدي اللي يعتمد على اعراض واضحه
حالة زوجتك والله اعلم انها حاله اكتئاب شديده ... وتحتاج مراجعه طبيه ضروريه
ودي اساءلك هل جاتها هالحاله بعد ولاده لاحد اطفالك؟ من حالات الاكتئاب المنتشره في النساء هي حاله الاكتئاب بعد الولاده ولكن ماتستمر لفتره طويله لكن في بعض الحالات النادره ومايكون فيها علاج تستمر حاله اكتئاب مابعد الولاده الى فترات اطول
لو تعرف انجليزي اعمل بحث على النت عن موضوع postpartum depression
اذا ودك اقدر اترجم لك في رد منفصل ترجمه عن هذا الموضوع

تحياتي
والله يقومها بالسلامه ويهديك الى فعل الصواب

اخوي شرقاوي
انت ماتعرف بحالتي
انا تأثرت كثيرا بمرضها وفعلت المستحيل لاجلها
صبرت وصبرت ولكن للصبر حدود
اقول الله يسامحك وبس

__________________
سبحان الله وبحمده
سبحان الله العظيم

اخوي عبودي لاني عارف انه ردي كان قاسي وفعلا كنت خايف من ردك هذا اللي بيكون فيه رفض لاي شي اقوله عشان كذا انتظرت على النت عشان اقدر ارد عليك بسرعه

والله ماكان قصدي الا الخير وانا ان شالله اوعدك دايما اني اتذكر اني ماعيش في حياه الشخص اللي عنده مشكله

بس الله يخليك اسمعني في شي لاتعتمد فقط على العلاج بالقرآن فقط والعلاجات الشعبيه....
الامراض النفسيه جدا معقده وعلاجها ياخذ وقت كبير ويحتاج له اهتمام وحرص اكبر على الادويه والمراجعات الدوريه

انا اعرف شخص جاته حاله اكتئاب لاكثر من ثلاث سنوات تقريبا لحد ماتوصلنا الى علاج نافع ولله الحمد
خلال الثلاث سنوات يمكن راجعنا اكثر من ثلاث اطباء وكل طبيب كان له عنده طريقه معينه في العلاج
ولما وجدنا الطبيب اللي تعافى ايده الشخص ومر بحاله استقرار قريبه من السنه ..جته انتكاسه (يعني رجعت له حاله الاكتئاب) وطلع بعدين سبب الانتكاسه انه بعد ماتشافى ظنينا انه خلاص الحمدلله العله واختفت وبدينا نقلل من اهتمامنا بالادويه والعلاج وهذا الغلط ..لان المرض النفسي مرض مزمن تقريبا
لكن لله الحمد بعد العوده على العلاج حالته مستقره وطبيعيه جدا

ممكن كلامي هذا يشجعك اكثر انك تنفصل لانك بتقول حالتها حتى لو تعافت بتكون غير مستقره وممكن تجيها انتكاسه

نقطه ثانيه: تتخيل لما انت تتزوج ولا راح تعدل طبعا بينهم بتنسى اللي بينك وبين زوجتك الاولى؟ بتوقف تفكير في حالتها كل يوم؟ احساسك بالذنب تجاه ماسويت بيختفي؟
تتوقع انت الان انك بتشتري راحتك بزواجك الثاني بس والله لو انا مكانك ماظن انها بتكون راحه لي

انا اقول كلامي والله احط نفسي مكانك اصبر وانا مرتاح لكل شي اسويه ولا اتزوج ثانيه انبسط في البدايه واحس اني سويت شي غلط في حق انسانه يؤثر على حياتها بشكل سيء

مالومك عبودي قرار صعب
فكر في حياتك الحين وتخيل نفسك تعيش معها بهالاسلووب طول عمرك
وفكر في حياتك بعد ماتتزوج الثانيه وش بيكون حاله زوجتك الاولى وسلامه اطفالك وتربيتهم (لانها هي بتكون مسؤووله عنهم في غيابك )

الله يشفيها يارب
الله يمتعها بالصحه والعافيه
ويعوض صبرك خيرا
يارب يارحيم ارحم ضعفها وقلة حيلتها..

__________________
.. ربي لك الحمد والشكر ..

اخوي شرقاوي انت ليه مصر ان الزواج من الثانية غلط
يأخي الحمد لله احنا مسلمين والاسلام شرع لنا التعدد لمثل حالتي
انا صبرت وتحملت
انا ماني متزوج فسقة هذي ضرورة ياأخي انا متزوج بالاسم فقط من يقول اني متزوج
انا سؤالي الصعب اني مستحيل اعدل واحتمال الثانية تريحني وتنسيني معاناتي
هل اطلق؟؟؟
واذا ماطلقت هل علي ذنب ؟؟؟؟

__________________
سبحان الله وبحمده
سبحان الله العظيم

والله مابيدي إلا الدعاء لك

الله يكتب لك الخير وين ماكـــان

ويشفي زوجتك ويرجعها لك ولأولادك

الله يكون بعووووون الجميع

اخوي شرقاوي انت ليه مصر ان الزواج من الثانية غلط؟

يمكن لان شخصياتنا مختلفه اعطيك رائي على حسب شخصيتي انا ودي اتزوج ثانيه وثالثه ورابعه واهلي مافيهم شي
والله فاهم قصدك انك مانت عايش
اصراري انك ماتتزوج الثانيه على اساس انك بتعيش حياتك مع الزوجه الثانيه وبيكونون اطفالك مع امهم اللي بتزيد حالتها الى اسواء لما تعرف بزواجك وصدقني سلامه اطفالك بتتاءثر

سمعت عن حالات امهات قتلوا اطفالهم بسبب حاله اكتئاب؟ صارت واكثر من مره وكانوا اشخاص متدينين
لان الاشخاص المصابين بالاكتئاب بالعاده يصاحبها هلوسه ..يعني يعيشوا في عالم اخر من غير حقيقي يتخيلوا اشياء غير طبيعيه يصدقوا انها طبيعيه وتدفعهم يتصرفوا تصرفات خطيره جدا

عشان كذا انا مصر انك ماتتزوج ثانيه خوفا على سلامه زوجتك الاولى واطفالك
لكن فيه حل
انك تتزوج بالسر ولاتترك بيتك عشان عيالك تذكر لاتعتمد عليها وهي مريضه في تربيتهم

والله يكون في عونك يارب

ماقول غير الله يعينك ..

الي فهمته من كلامك ان صارلكم متزوجين عشر سنوات تقريبا صح؟؟
متى بدت تغير عليك زوجتك ؟؟؟ اكيد عشتو في البدايه ايام ولا احلى... محد يقدر يمنعك تتزوج .. الصراحة الحق معاك .. بس حاول تعدل.. وعط زوجتك الاولى كل الحب.. يمكن تتحسن حالتها .. مهما كان بينكم جفا وتباعد اغرقها بحبك .. ماتدري شكثر بتأثر عليها .. صل استخارة بزواجك الثاني وبعدين توكل على الله ..لكن لا تنسى زوجتك الاولى واعدل بينهم ..

والله يعينك ويوفقك ..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

حسبي الله ونعم الوكيل
الله لايوفق الحساد

__________________
سبحان الله وبحمده
سبحان الله العظيم