محد يقدر ينصحك انتي فكري وحطي الوضعين امامك وشوفي ايها تقدرين تستحملينه..

اما انك تعيشين مع اولادك ولا تنحرمين منهم ولكن ستنحرمين من الحب والحنان والحياة الطبيعيه اللي تكون بين اي زوجين.

او انك تتنازلين عن اولادك وتتركينهم لهالرجال اللي مايخاف الله وقد يجيب لهم زوجة تلعب فيهم وتعذبهم ولكن انتي قد تجدين من يحبك ويهتم فيك وقد تعيشين باقي عمرك متحسرة لما تنازلتي عنه ولا تجدين من يعوضك..

بالنسبه لزوجك انا انصحك في الحالتين انك تشيلينه من حساباتك لانه مارح يتغير واللي فيه طبع مايتغير والحين لما صار معه ضعف جنسي بيستفزك اكثر واكثر لانه صار عنده عقدة الضعف فرح يحاول يقنعك بجميع الوسائل انه راعي حريم وانه تمام عشان ما يشعر بالانكسار امامك..

الرجل اذا اصابه ضعف تحول الى وحش وكانه بينتقم من زوجته لان الرجال مايحب الانكسار امام زوجته فما بالك بواحد اخلاقه زي زوجك ولا تزعلين مني اخلاقه ميح..

يعني انا لو مكانك لا يمكن اتنازل عن اولادي لهالابو اللي مايرحم وشوفي وش الاشكال اللي بيجيبها لهم وشوفي التربيه اللي بيربيهم اياها.. انتي غلطتي من البدايه انك تحملتيه وجبتي خمس اطفال يعني انا لو مكانك اضحي لانه وش يضمن لي اني بتطلق وبيخطبني واحد غيره يحبني ويعوضني؟؟

وحتى لو عوضني بقعد طول عمري متحسرة على عيالي اللي ماتدرين وش ممكن يصير عليهم مع هالابو والبنات بالذات ماتدرين اكتئابهم كيف ممكن يفرغونه اي واحد يلعب على عقلها وتروح فيها البنت..

بصراحه انا اشوف انك تبقين ببيتك اللي سويتيه على مزاجك وتتقربين من بناتك وعيالك قد ماتقدرين وتفهمينهم وضع ابوهم وتخلين الابو بعالمه يعني زوجة بالاسم لا تحاولين تنصحينه ولا تصلحين وضعه والحمدلله الحين تقدرين تتوظفين احسن وظيفه وتصرفين على نفسك وعيالك وهو طنشيه لا تخدمينه ولا تحاولين تسولفين معاه وخليه يسافر ويشوف الدش ويسوي اللي يبيه اعتبريه زي الجدار في البيت..

المهم تكونين قريبه من عيالك واشغلي وقتك بالعمل وتربية الاولاد وممكن دورة لغة او كمبيوتر او اي شي يشغل وقتك ولا يخليك تحتكين فيه وقولي له انت حر بس شرطي ماتدخل علي حرمه في هذا البيت اذا بتتزوج اجر لها شقه واكتبي هذا الشرط بينكم وخليه يتزوج يا شيخه هو اصلا ضعيف جنسيا يعني بيحاول يتزوج قدامك عشان يقهرك ويبين لك انه فحل ويقدر يتزوج وحده احلى منك وفي الحقيقه هو انسان محطم يبي ينتقم منك لانك تفوقتي عليه..

يعني شقي الورقه اللي كتبوتها وخليه يتزوج لين يشبع ما فيه حرمه بتستحمله وخليه يعيش حياته وادعيله في جوف الليل ان ربي يهديه اما انتي مابيدك شي تسوينه..

لكن اولادك حرام عليك لا تتركينهم بالذات البنات والمراهق حراااااااااام يضيعووووون مساكين مالهم ذنب عوضيهم عن ابوهم غرقيهم حب وحنان وتمسكي فيهم ولا تتخلين عنهم ابدااا لانك مارح تسامحين نفسك طول عمرك لو صار فيهم شي لا قدر الله..

هذا رأيي يحتمل الصواب والخطأ بس يارب تتمعنين فيه وتفكرين فيه قبل تتخذين اي قرار..

__________________

شكرا لأخواتي اموله والبحلة بالنفس على الرد .حبيت اقول لأموله انك اذا صممتي بيت ووضعتي كل زاوية فيه على مزاجك وأثثتيه أحسن وأغلى أثاث على ذوقك وتجي وحدة تأخذ عيالك اللي هم قطعة منك وتأخذ بيتك اللي ما طلع بهالشكل الا بثمرة جهودك اكيد بتنقهرين لأنك طلعتي من عند هالرجال بعد صبر سنين لا عيال ولا بيت حتى وهو من فلوسه المهم شيء تعبتي انتي عليه عشان توصلينه لمستوى معين..
وبالنسبة لكلامك اختي البحلة حبيت اوضح لك ان زوجي مهو راعي حريم أو فساد الظلم حرام هو يشوف محرمات من اغاني ورقص لكن ما قرب للكبائر للأمانة ويخاف على اولاده جدا ويحبهم وهذا سبب تمسكه فيهم والا كان تزوج علي من زمان على رأيه وأنا ولله الحمد امرأة مشغولة (موظفة) كما اني أقوم على توفير احتياجات والدتي العجوز من السوق والذهاب بها للمستشفى هي واختي المطلقة ولي علاقات اجتماعية وصديقات لا اجد الوقت الكافي لرؤيتهن وانا كل خوفي ان يتزوج بأخرى وأجد نفسي مطلقة وبدون أطفالي لأني لا اتوقع ان يرضى زوجي طويلا بهذا الوضع وهو المقاطعة لأنه بدأ يلمح لبناتي انه بحاجة لزوجة يعني ان صبرت أنا على هذا الوضع فلن يصبر هو وسأجد نفسي مطلقة بمجرد زواجه رغم ان بناتي يقلن لي فكي نفسك منه..

__________________

كان الله في عونك يا اختي ..

زوجك راح يظل على ما هو عليه .. وانت شفتي ان الزعل من مشاهدة زوجك للقنوات السيئه ما جاب لك الا المشاكل ووجع الراس .. خليه على كيفه .. ربك هو اللي يحاسبه مو انتي ..

ودام انك عايشه في الدور السفلي وهو الدور العلوي و ابناءكم بينكم خلاص يا اختي .. هذا احسن حل ..

تحاشيه ولا تثيرين غضبه .. خليه براحته و لا عليك منه .. لازم تتعايشين مع الوضع او انك راح تنحرمين من ابناءك ..

طمنينا عن اخر اخبارك اختي ..

أميرات ..

بصراحه اختي انا قريت الكلام كلللللللله

افتحي راسك شوي اطلعي خليه يتفرج باللي هو يبيه
وشو اللي يكتب لك ورقه انه مايسوي شي بالسفر وش ذا الاسلووووووب
اللي بيخونك بيخونك بورقه ولا بدون احسكم تلعبون لعبة الشرطي والحرامي ومين يصيد على الثاني شي
اذا هو كلامه وصخ هذي مشكلته واذا هو مو متزن والله ياكثر العيادات ممكن تلجوؤن للاستشاره النفسيه
بس انتي لازم تبدين تصيرين متفهمته شوي واحتوي الرجال ..
عشان عيالك ياشيخه
وقف لف ودوران حبو بعض احتوو بعض ضمو بعض وبلاش اللعبه هذي
والله يوفقك إن شاء الله وتلقين السلام بحياتك الزوجيه

اختي الفاضلة ..
لفظ المشيئة يكتب هكذا ( إن شاء الله ) ..

كل مشكلة ولها حل ..

وحل مشكلتك كالتالي :

(اختاري ليلة من الليالي وتوضأي للصلاة وصلي ركعتين لله عز وجل وادعي بخضوع وتضرع بأن يصلح الله عز وجل زوجك وابو عيالك ثم تصدقي باليوم الثاني ولو بريالين على فقير او محتاج وداومي على الاستغفار)

وفقك الله

شكرا لك اخي ابو فراس لكني ولله الحمد لا يمكن ان اغفل عن الاذكار صباحا ومساء وسيد الاستغفار لا اتركه يوميا وليس ذلك مدحا في نفسي مثل ما يعتقد العضو سوسي لكن هذا واقعي ودائما ادعوا الله ان يكتب لي ما فيه الخير في ديني ومعاشي وعاقبة امري عاجله وآجله وجزاك الله خيرا اخي ابو فراس على النصيحة..

__________________

خليه يتزوج بدون ماتكونين مطلقه انا اشوف هذا افضل حل اهم شي قلتلك اشرطي انك تقعدين مع عيالك في بيتك ومايدخل عليك حرمه ثانيه يأجر لها بيت وبكيفه اهم شي انتي تمسكي باولادك..

__________________

السلام عليكم ...

أختي أنا فهمت أن أكبر أبنائك في سن المراهقة ،،

وما شاء الله عليك متعلمة وفاهمة ان هالسن صعب ويبغاله انتباه شديد وحرص أشد ...

ويلزمهم أب وأم ،، مع ان التفاهم بينكم لازم وواجب اذا مو علشانك انتي وزوجك فعلشان الأبناء ...

زوجك ل رب يحاسبه ،، انتي انشغلي بأولادك ...

واتفقي مع زوجك يكون التفاهم بيبنكم على الأولاد واضح ،،، الأبناء هم الأهم حاليا،، خلي توتر علاقتكم انتوا على جنب ,,,

وأدعيله وادعي لاولادك بالهداية ...

وأذا قدرتي تكتبي البيت بأسمك فاكتبيه لأنك ما تعرفي ايش يصير مع الأيام ...

وحتى يتم لك بيت يأويك وأبنائك ...

وأسأل الله ان يعينك ويصبرك على ما ابتلاك ...

أم حمزة

اسأله تعالى أن يثبتك على الحق وأن يعينك ويحفظ لك ابنائك ويرزقك برهم ويهدي لك زوجك ..

أختي أنا من رايي

حياة 5 من أبنائك أهم من حياتك انتي وزوجك

انتو مش متفاهمين وخلاص راحت عليكم

بس الأهم عيالكم الأاهم انج توصلينهم لبر الأمان بدون ما يتأثرون بمشاكلكم