الله يسعدكم ياااارب
كنت محتااااجة أضحك ..
بس تعبت من الضّحك والله !

العُقبى لدينا ،،

الله يسعدك اخوي فاغر

والله ضحكت من قلبي ...........ما شاء الله عليك الله يحفظك لزوجتك ويحفظها لك

انا عقب الملكة ما كانوا اهلي يرضون اجلس مع زوجي على انفراد ما يسمحون اذا جا في الصالة مع الجميع ..........مافي أمل يتكلم معاي ولا يسوي حركات .........ومسيكين كل مرة يجينا يطلع من عندنا مقهووووووووووور حدددددددددده


وكان توه راجع من الدولة الأجنبية اللي يدرس فيها تعرفون ما صدق ملك .............وكان متخيل الوضع كلش مختلف عن اللي صار عقب ..................


عاد هو يبي طريقة يختلي بي يسولف ويحس انه معرس ...............


اللي صار خالي متزوج اخته ..........بس خالي ما يرضى أبد ان زوجي يقابلني كل هلي على راي واحد


فأخته الله يسامحها سوت فينا مقلب ................نادتني على اساس تجهيزات العرس لأنها كانت تساعدني انا تطمنت ورحت بيتهم ...........ومن صوب ثاني زوجها اللي هو خالي ما كان موجود في البيت


راحت وخشت اخوها في غرفة النوم .................وقالت لي اسبقيني انا خذت راحتي شلت عباتي وشيلتي ودخلت غرفتها


الا الباب ينصك وراي .................وأنا اطالع وراي الا زوجي وأنا مت من الخوف والحياء وبغا يغمى علي وبغيت أصيح


من الصدمة جلست على طرف سريرها .............جا زوجي ومسك يدي وانا راسي على تحت ويدي باردة مسك ايدي وضمها وقبلها ............ويوم شافني بهالحالة ...........رثى لحالي وقام بس يسولف ويقول كلام حلو


وللحين يتذكر هالموقف ................واتذكره ولا نسيته .

هههههههههههههه
أحسن برضه محد يفهم

آآآآآآآآمين

جزاها الله خير
أخته

فاغر حبيبي أسعدك الله مثل ما أسعدتنا ،

بخصوص أيام الملكة الحمد لله تمت بأحسن حال ( تقريباً شهر ) كان ودنا (أنا ووالدي) ان تكون أقل من ذلك ولكن أصبحت شهر بسبب ظروف والدة زوجتي ، لأنها يوم الشوفة كانت بشهرها الأخير وبعد كتب الكتاب باسبوعين تقريباً ولدت بالسلامة ، فانتظرنا انها تقوم بالسلامة ومن ثم تزوجنا ، طبعاً أهل زوجتي مايعجبهم هذا الكلام (فترة الملكة ) يريدون الفترة اكثر من كذا ، ولكن والدة زوجتي ماشاء الله عليها متفاهمة وساعدت بتعجيل الزواج.

طبعاً فيه مواقف كثيرة جداً : منها المحرج والمضحك والمبكي ، اكتفي هنا بذكر اثنان:
الاول : بعد الشوفة كانت خطيبتي (زوجتي حالياً) ستسافر مع والديها الى جدة لمدة أسبوع تقريباً ، وبعد مالبستها الأسورة التي دليل موافقتي عليها وهممنا بالخروج من المنزل ووصلت الى الباب الخارجي نادتني والدتها : يافلان ماودك تسلم على فلانة قبل ماتسافر ، أنا فرحت وطبعا بنفس الوقت مرتبك وخجلان ، المهم رحت عندها وكانت واقفة عند باب الفناء الداخلي ، وقلت لها تروحي وترجعي بالسلامة وراح توحشيني <====== عاد هذه الكلمة الى الان و زوجتي تذكرني فيها وتقولي : خير إن شاء من متى المعرفة (راح توحشيني من أول لقاء) .

المهم بعد ما قلت لها هذا الكلام راحت قالت كلام أنا رأيته أجرأ من اللي قلته ، قالت : ماعندك صورة آخذها معاي عشان أتذكرك فيها !!!. عند هاالجملة وابليس ماقصر (يقول :اكيد انها طلبت صور من اللي قبلك ، هذي البنت جريئة وش قلة الأدب تطلب من رجال ومن أول ماتشوفه صورة ) المهم رديت عليها وقلت ماعندي (وانا صادق) .

المهم ذاك اليوم ماعرفت انام وطلعت بالسيارة في منطقة فاضية جنب بيتنا ووقفت السيارة واستلقيت على شنطة السيارة ووجهي للسماء وأنا أفكر في امر هذه البنت هل تناسبني أو لأ
والذي جعلني اتردد عدة أسباب كلها جاْت من يوم الشوفة:

1- طول واحنا جالسين مانزلت راسها للأرض وانما كان نظرها للأعلى وراسها مرفوع تقول كانها بنت الملك.

2- حاطة رجل على رجل.

3- البنت واثقة من نفسها كثير تتكلم معاي بكل ثقة وجرأة ولم ترتبك أبداً ، بل انا المرتبك تقول كاني انا البنت وهي الرجال.

4- سألتها عن دراستها (داخلة معهد حاسب بعد الثانوية) فردت علي بكلمة انجليزي ، مع اني اعرف انجليزي الا اني قلت في نفسي الله يستر بكرة وش موقفي امام عيالي وحرمتي اقوى مني في الثقة واللغة الانجليزية وطبعاً في الجمال .

5- استغربت ان البنت كاشفة شعرها وتنورة جنز وحركات ، وأمها محجبة وحامل في شهرها الأخير .

آخرتها قلت ياولد توكل على الله بعد مشاورات مع الوالد والوالدة ثاني يوم.


عاد تصدقون بعد الزواج أكتشفت الحقائق التالية:

1- انها كانت مرتبكة بداخلها.

2- رأت شكلي غريب ولكنها ارتاحت لمظهري.

3- انها ماتعرف من الانجليزي الا الكلمة اللي قالتها ذاك اليوم.

4- صح طلعت واثقة من نفسها بس مو للدرجة اللي تضايقني.

5- راسها كان مرفوع لأنها كانت تسوي نفسها متابعة للتلفيزيون الذي كان بالمناسبة معلق في زاوية المجلس.

===============
موقف آخر :
يوم الزواج وعند فقرة انها ترقص مع أمها على المنصة ،تعرف وش خلوني أسوي !! خلوني أمسك البنت اللي توها مولودة ! تخيل عريس وبمشلح وجالس على كرسي الكوشة وماسك في حضني مالها كم اسبوع .

قلت لزوجتي في اذنها بعد ماجلست مازحاً: ماتخافين أحد من المعازيم يظن ان هذه ابنتنا !!!!!!!!

تسلم يا فاغر...موضوع حلو عن جد....والمشاركات مضحكة..وتنسي الواحد همه...
مو قصدي إنها أيام تتنسي...بس كلمة تنقال وقلتها.....شلون ننسى أحلى أيام العمر....

__________________
[IMG]http://www.*****************/thumbnail/Baby001.JPG[/IMG]

هههههههههههههههه
هههههههههههههههههههههه
الله يسعدكم قول آمين

بصراحة حلوه ما تعرف إلا هالكلمة
يعجبك الإنسان اللي يسوي نفسه فاهم وهو يفتح الله

مراحب اخوي وتسلم على المشاركة

لا لا لا
مالي شغل

انا زعلت

والله انك ضحكتني من قلب يا فاغر
وذكرتني بيوم الزواج
وقفنا على الكوشه عقب ما قطعنا مسافه ميل وانقطع نفسي وياها
طبعا كل ما نمشي فستانها طويل واحس انها بتتعرقل وبتطيح وانا ماسك روحي وفيني ضحكه عليها
المهم وصلنا مسكينه هي تقول لي ارفع الطرحه وانا اطالعها واضحك ما اسمعها من الاصوات المرتفعه
وهي تضرب على رجولي بخفيه ارفع الطرحه وانا اطالعها ابتسم
اخر شي فهمت المسكينه انها تبيني لازم ارفع الطرحه
والشي الثاني اللي للحين لين شافت الفيديو تعتب علي
وقت اللي رحنا نفتح البوفيه
كل واحد طبعا لازم يعطي الثاني ملعقه صغيره فيها شي بسيط من الاكل
انا شنو سويت حطيت الورقه عنب كامل في فمها (حلجها ) ما تعبت روحي اقصها
طبعا هي انصدمت من اني ما قطعتها ليها ودخلتها بسرعه
ومسكينه توررطت حدها شلون تبلعها وظلت مسكينه ساعه وجهها احمر ومو عارفه تمضغها وبس خدودها متنفخه وفيها صيحه وانا اضحك عليها مو قادر
والمحرج اكثر ان الكاميرات مركزه عليها وفي الصاله شاشات كبيره تنقل لهم العرض
الله بس على الموقف
كسرت خاطري بس
ذكريات بس حلوه

يعطيك العافيه يا فاغر
تسلم على الموضوع
ذكرتنا باللي مضى