أسال الله العلي القدير ان يفرج همك وان يصلح زوجك فالدخان مفسد لصوم هداه الله ذكريه بالله دائما والدعي له في هذا الشهر الفضيل بان يصلح الله حاله

__________________
يارب أربط على قلب كل فاقد

اهلااا اختي ثبات

طبعاا حشيش واهم شي من اعراضه احمرار العينين

ولا تصدقينه انه من الغرفة والخرابيط هذي زوجك للاسف يحشش

ولا فيه اي شي بالدنيا يشبه الحشيش والطريقه اللي قلتي والماريجوانا هي الحشيش بس هذا الاسم الاجنبي لها على ما اعتقد او انها مركب ثاني لكن كلهم من نفس المجموعة يعني نفس الاضرار وكل شي

المهم من اعراضه غير اللي ذكرو لك انك تحسينه كانه مستحي ويحب يتحاشى يناظرك وانتي قلتي كانه يقفل عيونه

اما التنكيت والاشياء اللي تسمعين عنها مافيه بالواقع كذا هو ظاهريا بس يكون مروق وهادي بس في الحقيقة انها تنحت مخه وعقله نحت وحالته اذا طول عليها يصير يكسر الخاطر كانه طالع من سجن

واذا الدكتور عطاه علاج مو شرط انه مايحشش او يمكن انه اخذ شي مايخلي الحشيش يطلع بالتحليل

قد سمعت عن شي زي كذا بس والله ماذكر ايش بالضبط بس اسمع ان الشباب ياخذون حاجه اذا جاء احد بيحللهم مايبين بالتحليل

والعيون يمكن بعد ما لاحظتي هالشي قال لاصدقاء السوء اللي يمولونه واعطوه قطره لعيونه يستعملها عشان مايبين الاحمرار وطبعا كل شي بضرره سواء الحشيش او القطره


اسأل الله لك الثبات والعون وان يهدي زوجك ويكفيك شره

__________________
حمداً لله على نعمه وفضله

الدخان ليس يفطر فقط

بل يعتبر معصية خطيرة في نهار رمضان

فضلا عن أن يكون حشيش فهذا أمره أخطر لأنه بلاء عظيم على الأسرة كلها و ليس على الفرد نفسه

و انصحيه و حاولي تدارك وضعه بالعلاج و وقفة أحد ثقة إذا لم يستجيب حتى لا يذهب عنك بالإدمان و الرفقة السيئة التي ربما يصلك شرها عبر زوجك

لا أعرف أبدا شيء يلف إلا الحشيش و كل أنواع الدخان تؤخذ جاهزة

احذري احذري احذري

ونسيت اقول لك اذا كان يحشش عندكم بالبيت يعني حولك وحول عيالك راح يلحقكم ضرر الحشيش بشكل كبيييير الله لايقدر لكم مكروه

__________________
حمداً لله على نعمه وفضله

لا يااختي مايطلع

عادي جدا

زي الدخات العادي

مظلوم الحب
احساسي المرهف

رابع

امير الشوق
الله يجزاكم خير على الرد

المشكلة مقتنع تمام القناعه انه مايفطر وانه زي بخاخ الربو

اهلين والله كيفك ؟


الدكتور لما قلت له عن احواله قال لي ابي اتأكد من شي واحد ان كان يتعاطى فكل الاعراض اللي ذكرتيها من التعاطي
وان كان مايتعاطى فعنده اضطراب مزاج
وقال لي راح اسوي له تحليل علشان اشوف

ولما راح زوجي للدكتور ماكان يدري انه راح يحلل له ابدا ولا حتى جاء على باله لانه راح على اعتبار انه بيغير له علاج الاكتاب

هو الحين مايروح لصدقاء ابدا ولا اشوف عنده قطرة

وانا طول الوقت معه

الله يستر علي من مصايبه لو كان فعلا حشيش

هلااابك ياغالية انا الحمدلله تمام


بما انه كان شاك ان الاعراض اللي عنده من التعاطي اجل عمل له تحليل للحبوب الكبتاجون والامفيتامينات وليس الحشيش لان الحشيش ماله دخل بالاعراض اللي عنده وكنت قايله لك هالكلام من قبل انه اذا كان يتعاطى حبوب فان كل اللي عنده من الحبوب

صدقيني ما اتوقع ان اللي قاعد يسويه غير الحشيش

ربي يكون في عونك ويلهمك التصرف الصواب

__________________
حمداً لله على نعمه وفضله

تصدقين احس اني صايرة كذا مبلمة وعادي عندي خلاص تعبت ماعاد يفرق عندي

بكيفه يحشش ولايسوي اللي يبيه مااقدر امنعه

افتكيت من الشراب وجا الحشيش

ابسألك وش اضرار الحشيش

سبحان الله على كثر ماكان يكره الحشيش ويذكر اضراره الا انه الحين يشربه بشراهة يعني مايجلس بين السيجارة والاخرة نص ساعه

الله المستعان

عموما الدكتور لما ذكرت له تقصيره بالصلاة قال لي اصبري عليه شوي من نفسه راح يرجع يحرص على الصلاة

لما يستقر المزاج عنده

عسى يترك هالبلاء بعد