انا خلاص تعبت تعبت والله عاهدت نفسي مره ثانيه اذا مد يده علي اني اخلي الشرطه يسحبونه للسجن وأقول للشرطي لا تقصر لي فيه وما أتنازل لين يدفع لي تعويض مادي وعساها تجي طلااااق ان شاء الله خلاص ماعاد ارضى بالذل
وبعدين اللي يقول الضرب خفيف ؟؟؟ بقولك ظهري ويدي كلها كدمات ؟؟؟ هذا خفيف ؟كيف لو سقطت ؟؟؟
واصلا مايحق له يمد يده علي ؟؟؟ ان كان الدين قال ان الناشز واللي أتت فاحشه اول شيء توعظ ومعروف الوعظ يكون كذا مره ثم تهجر ؟؟ ثم تضرب تضرب ضرب غير مبرح والضرب غير المبرح يكون بالسواك وحطوا تحت كلمة السواك الف خط ولا غير كذا قال الرسول ليسوا أولئك بخيااااركم ؟؟؟؟! يعني الرسول ماشجع وقال ان هذا مافيه خير ؟؟؟ هذا الكلام للرجال اللي يشجعون ضرب المرأة ولايرضى ع نفسه انه يضرب او يهان !!!!
وايضاً في حديث للرسول يقول فيه لولا القصاص لضربتك بهذا السواك ؟!!!
يعني السالفة فيها قصاااااااص ومحكمة الهية كبرى تقااام وياخذ فيه المظلوم حقه من الظاااالم !!

انزين روحي اشتكي عليه .. ليش كل ها العصبيه ...

لنفرض اني أجرحه بالكلام مو اتكلم معاه كلام عادي لا اجرحه بالكلام ؟؟ يحق له يمد يده علي صح وبتعذرونه اكييييد !!! الدين قال كذا صح ؟؟؟!
...

خلاص اشتكيته ولو حاول يمد يده علي مره ثانيه وما استفاد من الدرس اللي اخذه قبل أسبوع
بشتكيه وأخلي رجال مثله يادبونه ويعطونه درس ماينساااه طول حياته ☺

هدي هدي اختي ما احد قال ان ضربه لك ممسموح وشئ طيب وبادره انسانية منه ..

عقبنا على الحالة فقط وسبب تصرفه من وجهة نظرنا قد تكون صائبه وقد تكون خاطئه لكن لحضنا نقطة عليك وعلقنا عليها انك انسانه عنيده وتحطين راسك براسه وش تتوقعين منه كل واحد وردة فعله لكن ما نقول ان ردة ضربه لك صح فرقي اختي الكريمه .

الله يهديك بس

محد قال انه له حق يضربك , كلنا اتفقنا انه غلطان ويستحق العقوبة لأنه مد يده , اقرأي الردود مرة اخرى , كلنا اتفقنا انه يستاهل يتعاقب

بس ما نحط اللوم كله عليه , طريقتك في سرد المشكلة مستفزة , لا تسردي القصة من الاخير , او من المنتصف , قولي ايش صار من البداية , ليش عصب , ليش سحب منك الجوال ؟ تقولين للتأديب !! طيب ليش للتأديب ؟ وش مسوية انتي ؟ هاتي الكلام كامل عشان نحكم .

واضح من ردودك انك عصبية وتراددي زوجك بالكلام , مافي رجال حتى لو كان غبي , يضرب زوجته وهي حامل وضرب مبرح كمان , اكيد فيه سبب , وسبب قوي كمان , العقل يقول كذا , لا بد انه فيه سبب قوي

الله يعينكم على بعض ,

قال نقطة اخوي بدر واعقب عليها مافيه رجل يحب العناد والمرادد وانك تحطين راسك براسه ... والله انا راحمك بتتعبين لازم تهدين اللعب شوي

طيب ليه ماتغيرين اسلوبك معه وشوفي النتائج والله اكاد اجزم ان زوجك يحتاج لتقدير وحسن المعاملة ويتغير 180 درجه خوذيها مني ك رجل ونعرف بعضنا .


( وارجع اقول ان ضربه لك خطأ فادح عشان ماتقولين جالسين نبرر له مسألة الضرب)

اقول ياحلوتي ذا الموضوع يبيله تدخلين اطراف من اهلك ابوك اخوك..مادام وصل الامر للايذاء الجسدي وانت حامل قولي اللي عندك ويقول اللي عنده اللي مايعجبه ويستفزه اتركيه وهو شرعا لايحق له ايذائك بهذي الطريقة.يمكن علاج الامور بطرق كثيرة انتي معك روح اخرى لو لاقدر الله اصابه شي في ذمته .بس ضروري اهلك يدخلو دام الموضوع وصل كذا لازم يعرف انه كل شي له حدود ..المعاشرة بالمعروف والاحسان وليست بفرد اللسان او العضلات 😐

شوفي انا لما كنت صغيره كان ابويه قاسي علي ..
والحين لما تزوجت تغير معايا كثير ..
وغير كذا انا ماحب احد يتشمت فيني ...
اذا جيت وقلت لهم ان زوجي ضربني ومن ذا الكلام ، امي راح تعايرني بذا الشيء (اذا زعلت مني ) واخويه الصغير .. انا ماحب احد يعايرني و يغلط علي بشيء زي كذا طول حياتي ..
ايش الحل بوضعي ؟؟

..انا استغرب من بعض الردود تركتو الاهم وجيتو لموضوع زوجها وانها استفزته ومدري ايش هذا يناقش في جلسة بين الزوجين لازم يعرف فيهما كل واحد حدوده وواجباته وحقوقه ..يعني الموقف اللي ذكرته يوحي بانه الزوج يبيله جلسة ارشادية ...يعني معليش حنا صار لنا الحمدلله وبفضل الله وحده سنين متزوجين يعني ياما استفزينا بعض وضايقنا بعض وياما تصالحنا بس مايصير مواقف زي كذا مهينه سلك ورفس وخرابيط وعشان ايش عاد تلاقي السبب تافه..وحضرة شيطان لااكثر..يعني معليش لاتركزو عليها انت استفزيتيه وليه تشتكيه ياناس حرام عليكم مو انسانة هي وآدمية لها حق الكرامة انتو تخيلو انفسكم تنضربو كذا لاتقولو حنا رجال الكرامة الانسانية لاتعرف ذكر من انثى يمكن هي غلطانة وهو غلطان بس هو غلطه اكبر ولازم يتدخلو بينهم عقلاء الاهل الله يكون بعونك ياعزيزتي انا رأيي تدخلي اهلك ..هذا الشي اللي ممكن يخليه يرتدع عن هالتصرفات وشكله والله العالم انه نادم ع حركاته معك بس برضو يبيله قرصة اذن برايي من اهلك الله يصلح مابينكم ويسخر ه لك..اللهم اجعل ماكتبناه حجة لنا لاعلينا وفي صالحهما لاعليهما واسعدهما ماتعاقب الليل والنهار