الاخت الفاضلة ..

بغض النظر عن مشاكلكم السابقة : خروجك من البيت دون إذن خطأ كبير, وتصحيحه بالرجوع ولا يجوز بحال الخروج من البيت دون إذن الزوج ..

ثم بعد عودتك يمك لك التناقش معه حول جميع الأمور ومن ثم التوصل إلى حل يفيد الطرفين جميعا..

ولكلن لا يأخذك الغضب والانفعال إلى أن تتجاوزي أخطائك وتنظري إلى الجانب الآخر بل صححي خطأك ومن ثم طالبيه بتصحيح أخطائه..

أسأل الله لك التوفيق ...

عزيزتي الغالية ......استخيري وارجعي .....ترى الطلاق ماهو سهل
ووضع مطلقة فيه مافيه ....مادام زوجك يصلي .....ارجعي والشكوى لله
إدعي لزوجك بالهداية, والله يصلح مابينكم ..
وقولك ماله عندي معزة هذا عشان الظروف الحالية ,وبعدين تطلع المعزة غصب , وأنا مريت بكل اللي مريتي فيه , واسألي مجرب
ضربني طليقي , وصارت لي قصة , وطلعت مثل طلعتك لكن بعد استخارة دامت شهر , وتطلقت , أرسل رسالة (أنتي طالق ) مافيه مهلة ولا شي .
الحمد لله -مادمت مستخيرة فهذا هو الأفضل لي إن شاء الله تعالى -أسأل الله تعالى أن يعوضني خيرا منه ......آمين
وصلى الله على نبينا محمد وعلى آله وصحبه وسلم تسليما كثيرا

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

استخيري يا اختي وادعي الفرج من رب العالمين !!!! واذا هو ندمان وتاسف فليش ما تبين تردين له !!!!!!!!
حاولي باسلوب حلو انج تفهمينه انج ما تقدرين تستحملين المعامله هذي !!!!! يمكن ينصلح حاله!!!
الله يفرجها عليج !!!!

__________________
سبحان الله وبحمده *** سبحان الله العظيم

سبحان الله وبحمده ***سبحان الله العظيم

اقترح ان ترجعي لبيتك
ولايلزم عل زوجك ان يذهب ويسلم على ابيك
لاادري لماذا الناس يعلقون حياتهم على ان فلان سلم علي او لم يسلم علي
مع ان السلام سنة وكأن الشخص الذي اذا رآك ولم يسلم عليك خرج من الملة
قد يكون لم ينتبه لك قد يكون محرج منك الخ............................
فالرجل تكون لديه عزة نفس تمنعه من ان يؤدي ماتقوله له زوجته وخصوصا في مواقف كهذا الموقف

رأي شخصي قد يناسبك او لايناسبك

أقترح عليك أنك ترجعين ..
لأنه هو ماطردك من البيت أنتي طلعتي بدون أذنه..
وهو استسمح منك وطلب منك تسامحينه وليس واجب عليه أن يسلم على أبيك..

يا اختي ارجعي وطمنينا عليكي والله يا اختي الطلاق ماهو سهل زي ما يقولون نار الزوج ولا جنه الاهل والله رح تندمي اذا مارجعتي يا الله يا اختي اعزمي وروحي بيتك الله يهديكي ويهدي زوجك ويرجعكم لبعض محبين اكتر من اول

اختى انتى الحين ... رايحه فيها ....
انتى زعلانه لانه ما سلم على ابوووووك ولا عشان مشاكلكم
بصراحه احس زوجك طيب .. ويحبك .. واكبر دليل انه يقول لك سامحيني
يا اختى صدقيني ما احد راح ينفعك في الدنيا هذي الا زوجك
بكرة اخوك بيشك فيك وباخذ جوالك لو تطلقتى
وابوك بيقفل عليك الباب ويقول لك طلعه ما فيه
وامك بتصري على قلبها هم ..لانك جالسه عندها
ولو كان عندك عياااال ... بتصير المشكلة اكبر واكبر ... يمكن زوجك يطنش المصروف
ويصير هم ثاني على قلب ابووك

انصحك لوجة الله ..ما فيه عائلة في العالم من دون مشاكل ...
انتى اصبري واحتسبي ... وعااملي زوجك زي البزر الصغير..
انتى شفتى الطفل الصغير اللي مع امه ... اللي عمره سنتين ... لما هو
يصارخ على امه وهي تبووسه ...
ترى الرجل عند زوجته زي كذا والعن ... دلعيه ... ترى هو محتاج لك

نصيحه اخرى

انتى ارجعي له ... ولما ترجعي له ... لا تتكلمون في الماضي
حتى ولو جرحك او سبك ... قولي له خلاص ..صفحه وطويتها في حياتى
خلينا نجدد الصفحه ... لا تحاولي تخلينه يتكلم بالماضي
سوي العشاء والغدى على الذ مايكون ...

نصيحه اخيرة ..
زوجك ما يسوي الحركات هذي الا لانه فيه شي فيك مو عاجبه .. راجعي نفسك
غيري من اسلوبك ... شوفي انتى ايش فيك شي مايحبه وغيره

وبالاخير
صدقيني زوجك .. هو سندك .. وهو ابو عيالك .. وهو عشريك ..
وهو الوحيد اللي تقدري تاخذي منه الحنان والحب .. وهو الوحيد الصادق معك

ولو ما عجبك فيه حاااجه ..تذكري انه فيه الف حااجه تعجبك

وبالأخير
الله يووفقك .. اليوم سوي القهوة .. وخذي امك .. وروحي بيتك ..
ولو ما لقيتيه في البيت ..ارسلي له مسج .. قولي له تعال ابيك ضروري
انا في البيت ... واجلسوا واتقهوو .. وسوولفوا
بس لاتفتحي موضوع المشاكل قدام امك
وتذكري انك مأجورة

والله يوووفقك ويسعد

اخوك
احاول اساعد

نصيحتي لك اختي العزيزة ... أن ترجعي الى بيتك خصوصاً أن هذه الفرصة الأخيرة إذا كنتوا متطلقين مرتين ... ارجعي وتأكدي إذا كان زوجك صادق يبغى يراضيك والا مجرد كلام ... فإذا كان فعلاً ندمان على الي صار ويبغى الامور تضبط فبها ونعم وان كان مو صادق فتكوني انتي سويتي الي عليك ... خصوصاً عزيزتي انك خرجتي بدون علمه وهذا خطأ فعودي اليه وحاولي ان تتصالحوا وتبدأون صفحة جديدة .. أسأل الله أن يوفقك ويسعدك دنيا وآخرة .

(( وقبل هذا كله .. لاتنسين الاستخارة والدعاء))

وتحياتي للجميع

السلام عليكم

أختي العزيزه..

أكيد هو غلطان في حقك 100%..والضرب ليس بشيء هين أبدا.. وهو غير مسموح ولا نتسامح فيه..

ولكن..

إنت غلطتي أيضا..

طلعتي من بيت زوجك إلى بيت أهلك وهو لا يعلم بذلك..

أغلقتي جوالك ولم تسمحي له بالتواصل معك والتحدث معك وهذي مصيبه برأيي.. كيف بالله سوف تحلين مشكلتك.. وتتصافى قلوبكم وإنت مسكره جوالك؟؟

المسجات هاذي حبيبتي لا تسمن ولاتغني من جوع.. بالعكس تجيب الضغط.. والرجل لا يتم التعامل معه بهالطريقه.. والرجل ما يجي بالعناد أبدا..

وإذا زوجك رفع السماعه وكلم أمك يشكيلها منك كذا وكذا وكذا.. تأكدي أنه متضايق منك بشي أو أكثر وهذا الي دفعه إنه يكلم والدتك الله يحفظها.. لأنه متضاااايق منك..

والحياه الزوجيه ليست مباراه ورح نشوف مين اللي رح يفوز فها و مين الي رح يكيد الثاني؟؟

الحياه الزوجيه أخذ وعطاء.. تسامح وتضحيه..

أنا ما أقول لك تنازلي عن حقوقك .. وإسمحيله يضربك عشان تمشي الحياه.. بالعكس.. تمسكي بحقوقك ولكن إعرفي الأسلوب اللي تاخذيها فيه..

دائما وأبدا إعملي اللي عليكي وزياده شوي عشان لا تتركي له ممسك عليكي.. وتكوني عامله كل شي وما يقدر يقول عنك غلطانه بنص شي..

طيب تعالي نشوف..

بينك وبين نفسك.. ولا تجاوبيني بس جاوبي نفسك.. إنت شايفه إنك معطيه زوجك كل حقوقه.. وإنه ماله حق يتذمر ؟؟

نصيحتي لك.. إفتحي موبايلك.. وكلميه.. وتحدثوا.. وقوليله.. إنت غلطت بحقي.. وضربتني.. وهذا شي يضايقني جدا.. وخليه يكلمك ويقولك بالمقابل هو شو مضايقه.. ولا تشدي معه بالكلام..

وإذا هو عصب إنتي إرخي.. وخلي الكلام أخذ وعطاء..

والله يا عمري الوحده مالها غير زوجها.. لازم تسايسيه.. وتخلي عقلك أكبر من عقله..

وتذكري الأيام الحلوه اللي بينكم.. وبالآخر إذا شفتي كلامه صار لين معاك.. قوليله مثلا مر علي نطلع نتعشى في مكان.. وبهالطريقه ما تكوني نزلت نفسك ورحتي البيت ( وأنا ما أشوف إنه شي غلط ) وأيضا هو لن يتضايق إنه تنازل وأخذك..

أتمنى إني أكون فهمت الموضوع صح.. وجاوبتك عليه بطريقه جيده..

طمنينا عنك..

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

فرج الله همك ويسر أمرك

__________________
أستغفر الله الذى لا اله الا هو الحى القيوم وأتوب اليه...
الهم انى أسالك بأسمك الأعظم الذى اذا دعيت به أجبت وأذا سئلت به أعطيت أن تقر عينى وترزقنى الذريه الصالحة وكل اخواتى بالمنتدى وكل من تأخرن فى الانجاب
آمين ..آمين ..آمين ..

( ربي لا تذرني فردا و أنت خير الوارثين )

اللهم اغفر لاخي وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الخطايا كما ينقى الثوب الأبيض من الدنس آمين

اللهم صلى على سيدنا محمد و على آله و صحبه أجمعين[]