وعليكم السلام ورحمه الله وبركاته



يالبى قلبهم الى يشتكون من حماتهم


تدرين عاد لو انا منك انسى الموضوع كله وارجع اسولف واضحك معاها والا كان شي صار


هم كذا العجز الله يهديهم تطلع لهم طلعات ومثل ماتقولين هي حبوبه معاك وطيبه ودايم حبيبه لاتخسرينه على شي قالته يمكن وهي معصبه او مقهورة من شي وطلعت حرتها فيك



يعني لاتنسين كل الحاجات الحلوة الى فيها ومنها على سبب وغلطه وحدة منها بس



طنشي الموضوع وارميه بالبحر وانسى كل شي



لاتنسين انها ام ابو الشباب


وعشان عين تكرم مدينه


ربي يوفقك ويسعدك دنيا واخرة

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

السلام عليكم اختي الغاليه ..


انا صار لي نفس موقفك .. انا وام زوجي بمجمع ... يعني يجمعنا سور واحد .. ومره اتصلت علي وزوجي جنبي .. قلت الو :

قالت : وين شغالتك اعوذ بالله ما تجي وما تساعد خليها تجي تساعد خدامتنا .. والشغل كثير .. ووو..

وانا طول الوقت اقول ان شاء الله .. طيب .. اخر شي سكرت السماعه بوجهي ..
طبعا كل هالكلام كان بصوت عالي ..
انا طبعا كتمت البركان وسكتت .. وارسلت لها الخدامه وهي كانت مشغوله ..

المهم .. بعد كم ساعه رحت لام زوجي .. وسلمت عليه.. قامت ضحكت .. وقالت : معليش حطيت التعصيبه فيك وصرخت عليك.. انا بالعاده لما تعتذر عن شي سوته لي .. دائما اقول : لالا عادي انا زي بنتك ..

بس هالمره كنت معصبه من جد وما احب اللي يرفع صوته علي مهما كان ..

فقلت لها : ايه بصراحه يمه استغربت منك .. مو بالعاده .. اول مره تسوين كذا ..

قلتها وانا اضحك بس الرساله وصلت ... وصارت اذا بغت خدامتي او اي شي تستاذن وباسلوب حلو ...

وهي من جد طيبهو اعتبرها مثل امي واناديها يمه .. بس كل شي له حدود ..

وانا احس اني طولت .. بس ابي اوصل لك الطريقه وكيف تشرحين لها وباسلوب حلو ان كلامها معك ما اعجبك حتى لو قالت لك امزح

والله يهديها ويسخرها لك

لكل مسلسل نهايه الا مسلسل الحموات هذا حبيبتي ماله نهايه .. وسعي بالك كل من عليها فان ويبقى وجه ربك ذو الجلال والأكرام.. ممكن توريني طقم أسنانك الحلو ماسمعت علي الضحكه مافي أحد يسمعك..أتمنى لك كل ماهو أجمل بالوجود..في رعايه الله

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

وعليكم السلام

والله أعلم حكاية أن أمي تسلم عليكِ ، عبارة عن جس نبض من ناحية الأم .

وغير كذا ترى الكبار يمونون ومزحهم ثقيل ، وغير كذا يعتقدون أنهم أكرموكي بأن مزحوا هذا المزح الثقيل معكِ ، لأنهم يعتقدون والله أعلم أن المزح الثقيل دليل المحبة .

الله يعينك ويعينها ويعيين المسيكين اللي بينكم

وبالتوفيق.

اقتباس:

المشاركة الأصلية كتبت بواسطة أخي في الله الله يعينك ويعينها ويعيين المسيكين اللي بينكم

اللهم آمين للجميع
وخصوصاً للي بينهم ....

الله يجمع القلوب على خير ويكفيها شر تحريش الشيطان


دمتم بحفظ الرحمن

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

حطي حد للموضوع
مو من حقها تحرجك قدام الناس
هي ماترضى لبناتها هالشي اكيد
ليش الوحده تطلع من بيت ابوها عشان تنهان ونقولها تحملي

__________________
اللهم احفظ لي زوجي وسخره لي واحفظ لي اولادي

بنت غامد
الله يجزاك خير على كلامك
ايه خلاص لازم انسىىى

ملك شادي
ايوه من جد فيه حاجز بسيط مابغى اخذ راحتي كثير معاها بالكلام
هي قوية مررة وطيبة معي مررة ومحترمتني لكن اذا عندها شي او في بالها شي
ماتهتم لاحد ابداااااااااااااا يعني قوييييييييييييييييية
وانا قدرت اكسبها ولله الحمد لكن هالموقف مدري كيف جا
ومابغى اتعود احاسبها وتحاسبني
اذا فيه ميانة كثييير خلاص يقل الاحترام وانا ابغاها تحترمني مثل ماحترمها
وان شاءالله مصيري انسسسسى
مشكورة على اهتمامك لي حبيبتي


غموض السنين
ايه والله ام ابو الشباب وهذا اللي خلاني مااكبر الموضوع
ولا لو غيرها والله ماخلي احد يفشلني قدام خلق الله
بس يله اتذكر هي اللي جايبة ولدها لي واقول الله يطول بعمرها ويسامحها




دانة الرياض
اف اف كل ذا صار لك
انا اقول يمكن مع مرور السنين وبعد انجاب الاود تكون العلاقة غير
لساتي عليهم جديدة ماكملت سنتين

__________________
اللهم لك الحمد والشكر
"ولئن شكرتم لأزيدنكم"

saapna81
اضحكني كلامك عن المسلسلات
جزاك الله خير


أخي في الله
دايم يقول امي تسلم عليك بس مايمنع انه احتمالك في مكانه
وكلمتها ماهي مزح ابد اللي يمزح يبتسم ولما يشوف الطرف الثاني ماعلق يحاول يكلمه الين يصير بينهم ضحك صح ولالا؟
كلامها كان جد متأكدة منه
وضحكت على الله يعين المسيكين اللي بينكم
ليه شسويت له؟ اول ماقال امسحيها بوجهي
قلت طيب حصل خير ولاعد قلت ولاكلمة اللهم مبين بوجهي ذاك اليوم اني ضايقة
وهو حاس انه امه غلطت مية بالميه واكبر دليل صاير حليو معي مرررة حاس بالذنب
مع انه ماله دخل بالموضوع وانا حسسته انه مهما صار هذا شي عادي يصير بأي بيت
اللي مضيق صدري اكثر انه صار قدام الناس بس
انتو يالرجال تحبون تدافعون عن انفسكم وانكم مساكين امام هالمشاكل
الا حنا هالمساكين والله
لو هالحركة طلعت من ابوي ولامن احد اخواني كان تشوف رجلي شايش يمكن يقول مانيب داخل بيت اهلك ثانية بس حنا يالحريم ضعوف نخاف
والله لو ماهي ام زوجي كان ماخليت هالحركة تعدى


عزوبي بس رجل
نفس الكلام موجه لك
وجزاك الله خير على دعواتك الطيبة


ناني
ودي احط حد بس خايفة كل شي ينقلب ضدي

__________________
اللهم لك الحمد والشكر
"ولئن شكرتم لأزيدنكم"

أختي الكريمةنصيحة لله

إذا أردتي أن تنجحي في حياتك الزوجية نصيحة لله أن لا تدققي على تصرفات أمك زوجك مهما كانت . إعتبريها أمك ولو مجاملة وأصبري على كل تصرفاتها مهما بلغت وستكونين أنتي الفائزة وستكبري في أعين الناس . أنا زوجتي الثانية إذا أخطأت عليها الوالدة تقوم هي يعني زوجتي وتقبل رأس أمي مع أن أمي الغلطانة . صارت أمي تموووووووووووووت فيها وكل يوم تقولي جبها البيت عندنا ولا ترضى عليها بأن أحد يمسها بذرة

__________________

أختى....
قال تعالى((فمن عفى وأصلح فاجره على الله))

__________________
[IMG]http://[/IMG] ((كل نفس ذائقة الموت))
ا((للهم أرحم أخي أبو عبد الإله رحمة واسعة اللهم تجاوز عنه )) طلب لمن قرأتوقعي أن يدعوا لأخي بالرحمه

(( الم * أحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * ))اللهم فرج كرب أخوي وفك أسرهم...وثبتهم على الحق الذي يرضيك...