شكرًا جزيلاً لردودكم شخص شخص ..
من طرحي للموضوع وأنا أحدث الصفجة وعند كل رد أفكّر أكثر

سلبيّات الوظيفة بالنسبة لي بعدي عن زوجي وبعد ابنتي عنه ..
وللأسف زوجي عنده عيب جدًا مزعج وهو إني إذا سافرت عنه مستحيل يتواصل معي !
مو بس أنا حتى أهله , وهم ببيتهم يوميًا يمرهم ويشوف أخبارهم بس يسافرون بالأشهر مستحيل يتصل ويسأل عن أخبارهم ع الرغم من امتعاض والديه من هالطبع , وبنهاية صاروا هم يتصلون يطمنونه عنهم !

هذا بالنسبة لي مو شيء سهل , أحب تكون علاقتي الزوجي مستقرة وتزعجني جدًا النزاعات والتجاهل .

الشيء الآخر أنا ما أعرف إلى متى راح يستمر الوضع وأنا بمدينة أخرى , بحثت في النت ولقيت ناس بقرى نائية من 8 و 9 سنوات ولسه ماجاهم النقل للرياض ! وأنا بصراحة ماعندي استعداد للمرمطة هذي .

أما النقل لمدن قريبة من مدينتي الرياض فهم نزلوا مدن تبعد عن الرياض أكثر من 300 كيلو ! ومستحيل إني أروح يوميًا سنييين .. ماعندي صراحة القدرة ع الصبر .

والأهم رأي زوجي بالموضوع .. بالبداية كان متحمس وفتح قوقل مابز وبحث لي ع أقرب الأماكن وكذا وجاب لي حلول .. هذا أمس ..
اليوم قال لي اصرفي النظر عن المدن القريبة من الرياض (تبعد 315 كم وفوق) وحطي فقط منطقة أهلك ,
قلت طيب وأنت ؟ مارح تنقل معي ؟ قال مستحيل صعب جدًا النقل بعملي .

وبعد المغرب قال لي اشتري راحة بالك بدل ال8 اللي تاخذينها بغربة خلّيك بأهلية جمب البيت ويجيك 6 وأنت مرتاحة .

واستخرت وأحس صدق ماحد الله لكل هالغرابيل ! خصوصًا الحمدلله حالتنا المادية جيدة ومو محتاجة أبدًا ..

أرسلت إيميلات لكذا جهة بالرياض , ودعواتكم يتيسر الموضوع وأرتاح من العطالة والروتين

وشكرًا مرة ثانية ع ردودكم سهّلت لي اتخاذ القرار جزاكم الله خير

المشاركة الأصلية كتبت بواسطة wa1121 مو من شروط الوظيفة شهادة الاقامة خاصة في التعليم كل واحد يتعين في مدينته ولاكيف ؟

المشاركة الأصلية كتبت بواسطة ZOTA 300 كيلو بسيطه .. ولا تعتبر مسافه كبيرة أصلاً .. بعدين في رأيي الوظائف التعليميه سرااااب عندي أختي الصغيرة متخرجه من قسم الرياضيات بتقدير ممتاز مع مرتبة الشرف لها ثلاث سنوات تقدم ومعروف احتياج الرياضيات كيف .. قدمت شمال .. جنوب .. شرق .. وغرب المملكة في كل المناطق النائيه .. ولا طلع اسمها مره .. الخلاصه الواحد يجرب حظه .. مو مضمون تطلع لك الوظيفة وان طلعت خير وبركه ووقتها تجلسي سنه وبعدها تقدمي نقل ..

المشاركة الأصلية كتبت بواسطة نوني الحزينه25 واحصل على موافقة الهيئة الصحية للتخصصات الطبية وافتك من وزارة التعليم بكبرها اللي يبون يودوني قلعة وادرين🌚

المشاركة الأصلية كتبت بواسطة سكر2 طيب يانوني اذا اجتزتي الهئيه بيعينوك الصحه بنفس الرياض؟

المشاركة الأصلية كتبت بواسطة نوني الحزينه25 بالنسبه للوظائف التعلميه انا مافكرت اقدم هالسنه من بين الاسباب انو في مدن نائيه او قليلة الحضاره وانا والله متعوده عللوناسه بالرياض وماقدر اتنازل عن هالشيء ولا عند مدارس بنتي اللي لا يمكن القى زيها والكوادر اللي فيها بالمناطق المذكوره ، بالنسبه للمدارس الخاصه من خبرتي فيها الراتب مو 6 الاف الراتب 3000 للبكالوريرس + دعم الموارد البشريه 2500 ياخذون منك للتأمينات من 300 الى 500 على حسب المدرسه وينزل لك صافي من5000 الاف ال 5200 اذا المدراس ( حراميه ) زي اللي اشتغلت فيها فكانو يسرقون مني دعم الموارد ويعطوني 2300 او 2000 حسب مزاج المالك طبعا طلعت واشتكيت ولا حياة لمن تنادي لي عنده 15 الف الحرامي الله لا يبارك له ان شالله ، لانهم خبو العقد ولا سلموني اياه وكنت جاهله بحقوقي القانونيه واني لازم اسلم العقد مو يكون عندهم هو وشهاداتي والشيء هذا كثييييييييير حصل لبنات اعرفهم شخصيا لذلك انصحك تصرين على استلامك لصوره من عقدك موقعه وعليها ختم المدرسه قبل البدء ب اي نشاط تعليمي عشان ماتطيحين باللي طحت فيه ، بالنسبه لوقت الفراغ انا ادرس كامبردج الان وبعدها ب اسعى لاجتياز اختبار التوفل واحصل على موافقة الهيئة الصحية للتخصصات الطبية وافتك من وزارة التعليم بكبرها اللي يبون يودوني قلعة وادرين🌚