اخوي انا كنت زيها بالضبط و احياناً ازود منها
لو اهلي اعترضوا على شي و انا عارفة بداخلي انه غلط
بس بسويه عناد فيهم حتى لو بضر نفسي فيه
غالباً هالشي يكون عند البنت العنيدة و اللي توها ما جربت الحياة
ولا عاشت مشاكلها و تعلمت منها
و احياناً ممكن البنت تعاند في امور كبيرة لكن الاحتواء و التفهم هم اللي يغيرونها
والحمدلله ربي رزقني بزوجي الأول و فهم مشكلتي مع العناد
قدر يتغلب عليها و غيرني بشكل تام
بالبداية كان يقولي لازم تسوين هالشي او غصب عنك بتسوينه
بس لما شاف اني بعانده بزيادة, وبقوله عناد فيك بسويه
مع اني اكون بيني وبين نفسي مو مصممة اسوي مجرد فكرة
لما يعاندني زي اللي يقولي روحي سويه , و يخليني افكر اسويه باسرع وقت ممكن
ف/لقى الانسب انه يجيني من ناحية العاطفة , يقولي هالشي غلط وانتي عارفة
بتسوينه عناد فيني , لو ما سويتيه قدامي ممكن تسوينه من وراي
انا ابيك تتركينه عشان ما تزعليني منك , و لو سويتيه بدون علمي انتي خنتيني
و هو عارف اني ما اقدر اخونه و مستحيل اقبل احط نفسي في موضع خيانة
يعني مشكلتكم مو كبيرة لدرجة تتركها , هي تربت على هالطبع ,لكنك تقدر تغيرها
اهم شي تعرف وش مفاتيح شخصيتها , تقدر تجيها من باب الحب او الاحترام او الخوف عليها
انت ادرى بخطيبتك , اسأل الله ان يهديها و يجمع بينكم على خير