أولا أنا ما قلت بخون , ثانيا أتحدى أي بنت أنها تكون بنظافتي ولبسي وعطوري وجمالي وهذا الشي زوجي بفسه يعترف فيه , بس الظاهر أني وايد عليه , ويحب الوصخه وبنات الحرام أونس .

اختي قلبي يعورني

نصيحة مني ... خفي شوي على الرجال

تعرفين ...اتوقع طريقتك اللي كتبتيها راح تجيب نتيجة

انا مثلك ... كان زوجي ولمدة 20 سنة محور حياتي ... هو عن جد رجل رائع من جميع النواحي ..
كريم ...شهم... عمرة في حياتة ما قال كلمة تجرحني ...لكن برودة وعدم اهتمامة في مثل هذه الامور تعور قلبي ...
كنت ابدية على نفسي ... لكن هذا هو طبعة

قلت يا بنت الاجواد خلني اهملة شوي ...
وفعلا بديت .. ما اقصر في الامور المهمة ...لكن الامور الثانوية ....يعني دلع .. مفاجأت ..تقليل من كلام الحلو .. بديت اقلل فيها شوي
قلت خلني اعيش لنفسي اولا ...بعدين هو
البس ...اكشخ ..اتزين لنفسي ....حتى وقت ما يكون هو زعلان مني ... ما كنت اقصر في تدليل نفسي
ما تصدقين اختي ...مرة انفجر فيني ...قال لي انت مو مثل اول ...انت تغيرتي ...انبسطت في داخلي جدا
قلت له...انت اللي خليتني اوصل الى هذا الحد
قلت له سنين وانا اعطي ... وانت كله واحد عندك ...(قد تكون هذه الاشياء مو من اهتمامات الرجل)لكن اذا تعود عليها وبعدين فقدها يشعر بفقدانها..
راح اعطيك مثل ما تعطيني ... مع الوقت صرت انا اعطي كثر ما اخذ وارتحت
لا انا اطالب بما اشتهية ولا هو يطالب باكثر مما يعطي

يعني وصلنا الى حل وسط وارتحنا
بالعكس قوت علاقتنا ...كل واحد عرف وش له و وش عليه

لا افراط ولا تفريط...اعطي فترة وتوقفي فترة حتى يشعر ويقدر بما تعطية

وربي يسعدك

حبيبتي أنا اموت عليه قبل لا أكتشف خيانته لأني شفت وسمعت منه كلام ولا بالأحلام أول ما تزوجنا ألحين ماني عارفه شعوري ناحيته مرا أقول ودي أكرهه عشان أطلب الطلاق بدون ما قلبي يعورني عليه, بعدين هذا زواجي الثاني , وعندي منه عيال , صعب أفشل مره ثانيه , وصعب أخليه يلعب على كيفه لما يجيبلي بلوه على راسي , ما تتخيلين شكثر اجاهد وكافح علشان تستمر حياتي معاه بدون خيانات