والله شوف .. الحمدلله انا اعمل وعملي صعب يتطلب المزيد من الوقت والتفكير والتركيز .. ومع هذا مهتمه بمنزلي و بزوجي و ببنتي و من يجي اترك اللي بيدي و اقابله وبالليل ابقى معه لما ينام وبعدها اقوم اسهر مع بنتي للصبح اجهز له ملابس الدوام و الفطور وكل شي و لما يروح انام واصحى الظهر اجهز الغدا وعلى هالحال واذا كان تعبان اهتم فيه كأنه صغير و اهتم ب ادويته .. و اذا كان محتار بشي يسئلني ياخذ رايي .. اهتم حتى بشغله و بدراسته و ب اختباراته وكل شي واقفه معه .. ومع ذلك الحمدلله لا بد تصير خلافات كل فترة طويله الحمدلله مو بشكل دائم .. لكني حريصه جدا جدا على اهتمامي بكل شي .. عشان كذا زوجي فقدني مره بفترة الاربعين رفض اكمل 40 يوم عند اهلي وكان بيجيبني من اول اسبوع لان ماعاد يعرف يتصرف بشي وصار يروح متأخر للدوام ومايفطؤ ويرجع وقت صلاة مايلقى مطعم فاتح و اهله مايسوون غدا الا ع وقتهم هم .. وكل وقته انحاس و اغراضه ضاعوا و صار يداوم ويكون ناسي بطاقة العمل او شي مهم .. وبصراحه حمدت الله انه انحاس بعدي و فرحت كثيررررررررر لان انا طلعت اساس التنظيم وانا ماكنت عارفه ان اللي اسويه شي مهم و له أثر .. و انه صار مايقدر يستغني عني الا اذا كنت مسويه له مشكله ومضايقته ههههههه
|
فهمت عليك شوف الرجل غالباً يغار من المرأه الي بمواصفات جدتك ياانها ماتوضح له انها فخوره بشخصيتها وتظهر له خضوعها وهنا اهتمامها فيه مايعارض لانها تحس بزوجها وبغيرته منها
او انها تحس انه غلطان وانه بس يبغى يكسرها واعتقد هنا يقل اهتمامها فيه والله اعلم |
هذي هي شخصيتي نفس ماتطرقة له تماما
لاانكر من تحمل تلك الشخصيه تعاني من الضغوطات لانها تسعى للكمال |
طبعا
اذا كان الزوجان لايغلقان على انفسهم بالتقليديه و النقارنه بمعنى الزوج لاينظر لزوجته ويعمم على نظره الرجال و المجتمع للمراه عودها لاتعطيها وجه حدد لها قنن لها لاتناقش معها مواضيع عامه هي مراه بالبيت تقضي حرائجه وتدير منزله والزوجه كذلك ليه ماتصير مثل فلان يسفر عياله او المصروف او هات وليه ماعبرت اهلي هذي التقليديه و التنافسيه وكل واحد بياخذ حقه من الثاني هي الي تخلي الصداقه معدومه بصراحه اتمنى لو اتزوج يكون زوجي صديقي مااحاسب على اي كلمه انه بيمسكها علي او اخاف كيف بينظر لي الصداقه بين الازواج حالتت نادره |
بالوقت الحالي بكل صراحة ما اعتقد موجود
نعم قد تكون مستقلة / صديقة لزوجها / لكنها لن تهتم بتفاصيله وتدلله كما لوكانت زوجة عاطفية مرتبطة ارتباط وثيق مع زوجها أو تابعة له . في بالي الان 4 من اقاربي .. واحدة دكتورة اكاديمية والثانية بزنس وومن والثنتين الباقيات وحدة موظفة ووحدة زوجها رجل اعمال .. للاسف مايستمتعون بخدمة الزوج وتغلب علاقتهم طابع الصداقة فقط . نعم ناجحة واراءها سديدة والكل يحسب لها حساب لكن من ناحية زواجها ترى انها مساوية له ولا ترى انها تابعة له او " كلمته تمشي عليها" هذا بمجتمعي بالوقت الحالي ومن كلامهم حتى يتضح |
واااارد جدًا جدًا
ان وجدت الزوج الصديق والمعطاء كنت اطلق ع طليقي مسمى صديق وكان هدفي من هذه التسمية ان أؤصل في نفسي ونفسه كوننا أصدقاء و أصحاب خاصة في بداية زواجنا، وكون زواجنا تقليدي ان تعتبر شريك حياتك صديق لك امر في غاية الأهمية وله تأثير لاشك رائع على سير الحياة الزوجية ولكن ان تضحك على نفسك وتقول انا صديق زوجتي او انا صديقة زوجي وفي حقيقة تعاملنا مع بعض نحن ابعد عن الصداقة ، نحن اقرب الى عقد لا ادري ما اطلق عليه ولكنه حقوق واجبات من حقي كذا ومن واجبك كذا وانا امنعك عن كذا وانا لست مجبرة بكذا هنا ينطلق الخصام ، واعتقد اغلب شبابنا لايريد زوجة صديقة الا فيما تهواه نفسه في اللعب ولحظات المتعة الخ اما في الأشياء التي اعتبرها جزء من حياتهم والتي يفترض ان تمر مرور سلسل بين الأصدقاء ولاتخلو من مراعاة مصلحة الطرفين كدراستها كتعليمها، كحياتها الاجتماعية يفضّل الرجل امرأة وفق نظام هذا من حقي وواجب عليك كذا بصرف النظر عن مصلحة الطرف الأخر ولا أنكر وجود بعض النساء من ذلك الصنف التي تعجز عن توفير الصداقة في محيط علاقتها مع زوجها لانها تقيمها ع اساس حقي تنفق علي زي ماكان ابوي ينفق وحقي كا اطبخ لك وووووو وتجي تقول تذكر يوم اكون صديقتك ذااااااك اليوم!! وذكرت الرجل اولا او جعلتها غالبا لان حسب السائد في مجتمعاتنا للرجل التحكم الأكبر في زمام الزواج انتي وهو لم تكونو اصدقاء مثل الشخص الذي دخل مدينة ترفيهيه ساعة زمان وطلع منها اقول ختاما ان توافرت بين الزوجين الصداقة الحقيقية يأتي معها العطاء اللذيذ اما غير ذلك يأتي عطاء قائم على حقوق وواجبات ، قد يحاسب فيه احد الطرفين الاخر يومًا ما |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|