تحدثت مع والدتي اطال الله بعمرها بالموضوع
رفضت هي ووالدي فكره البناء نهائيا
الوالد رافض جدا يغير اي شي بالبيت
ولمحت انها بالماضي كانوا يجتمعون كلهم بغرفه وحده ...وان الناس طول عمرها تتزاحم والضيق بالقبر ولا نخلي الدنيا اكبر همنا واحنا بنعمه كافي المسكن غيرنا مو محصله
هالكلام والديباجه كلها توقعتها لانهم اصلا مو مقتنعين بمدى تعاستي بهالمكان
بكيت تضايقت هددت دخلت ناس بالموضوع
مافي مجال
اهلي مايفهمون اني مو معترضه ابدا
لكن وضعي معلق يعني لو بنت مخطوبه بقول ماهمها تفكر بتتزوج وتطلع
لو ولد مصيره يتشري بيت ويطلع
لكن انا مو من هؤلاء اعيش وضع مؤقت بشكل دائم وهالشي جدا صعب
اصعب شي لما يكون الاهل انانيين
ولما كلن يعيش حياته وانت على الهامش
دعواتكم لي رجاء بالفرج وان الله يغنيني ويعطيني ويدهشني ويفرحني وينسينيدهمي وغمي ويوسع علي ويرزقني من فضله من اوسع ابوابه
الله كريم لاينسى عباده
ونصيحتي لكم اتقوا الله ببناتكم
تراهم جد ضعيفات لاتقدر تطلع ولا تسكن برى ولا تروح ولا تخطب ولا تتستقل

حاسه بحرقة بصدري والم شديد ...
ونوبه غضب كبيره
كيف اتخلص من هالمشاعر السلبيه

والله يا اختي ارى انك مكبره الموضوع كثير ،، انا كنت عايش طوال عمري في غرفة 4*4 ودورة مياة مشتركة مع جميع افراد الاسرة وكثير من الاحيان انتظر دوري للدخول ،، حتى انتقلت لشقة مستقله بحمد الله ،، واقصد بهذا الاستطراد انه محال ان تعيشي طوال عمرك في هذي الغرفة ،، الاحوال تتغير والدنيا تتغير ،، ولا يستحق الموضوع ان تبني حواجز بينك وبين افراد اسرتك ،، اهم شي هو الحفاظ على علاقة طيبة مع العائلة ،،

وايضا ذكرتي ان موظفة ولك مصدر دخل جيد وهي نعمة محرومه منها كثير من الشباب قبل البنات ،،
واقصد هنا انه ممكن في المستقبل يكون عندك مبلغ كافي يفيدك في بناء او تغيير سكنك ،، لا تيأسي وخلي تفكيرك للمستقبل .

انتى اللى حاطه نفسك بهذا الوضع
ومستسلمه لضعف ..
عندك مادة ايش يمنعك من الاستقلال ؟!
اما انتظار الشخص اللى بيحررك مو حل ابدا
للاسف كثيرااات يعتقدن نفس الاعتقاد
عيشي حياتك و ابسطى نفسك بنفسك
حققي استقلالك ..
حرام يضيع العمر بالضغط و الانتظار

هذا انت قلتها انتقلت لشقه كامله مستقله ماشاءالله
يعني مو طول عمرك بغرفه
سؤال هل وصل عمرك اربعين وانت بذيك الغرفه والحمام المشترك

مااقدر يافيلكا
في حياتي استقليت باشياء كثيره
جميع نحاحاتي وانجاتي حققتها الحمدلله بدون رجل
ولا عمري انتظرت فارس الاحلام
واقول لطالاباتي لازتتنظرو احد يحقق لكم احلامكم
الا هالموضوع حارت فيه نفسي
سبحان الله اذا ربي ماكتب شي مايصير
في امور التغيير يكون من الاخرين صعب تغييرهم
فتتعايشي معهم
واحيانا صعب تتعايشي
عموما اذا اغلقت الابواب باب الرحمن موجود
الله يرزقني فرج من عنده

ممكن تقول ليا ايش الصعوبة في الموضوع ؟!
امك و ابوك ! ماهم عذر لان بصراحه ماتهمينهم انتي و لا راحتك و المهم اخوك عندهم ..
منتي صغيره عشان يتم التحكم فيك الى هذى الدرجة ! ولا بتسوين شيء محرم او خااارق ..
الى متى محرومه من ابسسسط حق لك ؟! اجل كيف الحقوق الكبيرة ؟!!
انا استقليت مع ان ماكان عندى دخل كبير
وتنقلت حسب وضعي المادي وشريت سياره مع انه كان ممنوع علينا القيادة .
اشتغلت مع انهم كانوا معاررضين اطلع ..
بس عمرررى ماشاورت احد بشيء فيه راحتي وانا ارغب فيه ..
فيها صعوبة ؟! طبعا و فيها عداوات و فيها كلام بعد .. لكن بالاخير الكل راح يدور رضاك و هذا وضعي الان حرفيااا ..
مافيه اجمل و لا اروع من الاستقلال ..

جدا صعب
يمكن ضروفك غير
سالفه الاستقلال لوحدك صعبه بالسكن
يمكن كان معاكي اخوكي
انا مامعايا احد

اخوي كان معي بشكل صوري فقط !
اسمه له غرفة عندي بسس ..
لكن كواقع نهائياً ماكان موجود
وقلتها لك سابقا خذى واحد من اخوانك كصوره
كحجة انه معك احد تسكتينهم فيها
ومع الايام يصير الوضع عاادي و متقبل عندهم
او ممكن اذا سويتى ضجه و انه بتطلعين يوسعوا لك الغرف ..
اما انه تجلسي كذا تنتظرى تنحل من نفسها بطريقة سحريه ماراح تنحل .. وماتجني الا مزيد من الضغط النفسي ..
ظروفي فعلا تختلف و ممكن كانت اسوا بكثيير من ظروفك لكنى تحديتها كلهاا ..
تفاعلت مع موضوعك لانى جد حاسه فيك 😔

شكرا لج فيلكا لتفاعلك
مشكلة اهلي الابديه تعقيد الامور هداهم الله
ومشكلتي الصمت ثم الانفجار
سنوات اقدم غيري علي واضحي وهذه نتيجه التضحيه
انتي تافهه وعاقه ومكبره الامور
مع هذا متفائله
وعندي خطط جميله ناويه عليها
ومتاكده ان الله بيرزقني من واسع ابوابه