أول شي أنا لو مكانك بروح أهتم وأنظف الغرفة
مو عشان زوجي زعلان عشان أنا راقيه وما أرضى بالتقصير خصوصا اذا فيه اطراف ثانية خارج بيتي
ممكن تستغل الوضع للأسوأ..

وبعدين يا اختي كلنا نمر أحيان بظروف غير مناسبه
أو ننجبر على أمور نشوف انها خارج نطاق حياتنا
بس لازم نمشي ونمشي ونمشي عشان نعيش لأن المنافع بإذن الله أكثر والحياة تزين مع الوقت

أما من أقل شي تدقرين كذا ماراح تعيشين لا معاه ولا مع غيره...

و بعدين وش فايدة شهادة مظلومه بعد ما فرجتي خلق الله عليك وخليتي اللي ما يشتري يتفرج؟!!!!
أولهم سلفتك ذي وزوجها؟؟!!!!!

ياحليلك ياجرح اجل زوجك مو متزوج وحده غيرك

انصحك انك فورا تقومين وتنظفين الغرفه واجعلي نيتك صاااادقه لوجه الله الكريم فقط

وحبه حبه راح تلقين زوجك بصفك حتى لو كنتي غلطانه وراح يجيه يوم ويعرف انهم ماكانو يستاهلون ( اقصد اخوه وزوجته )

بس المهم حاليا اشعريه انك سمعتي كلامه وانه هو اهم شخص بحياتك عشان كذا انتي لبيتي طلبه لأنه الغالي الوحيد عندك

( كوني سهله معاه فبداية حياتكم حتى تسيطري عليه لاحقا )

__________________

جرح حبيبتي... شكله ابليس متربع عندج اليوم و مسوي حفله عندج...

تعوذي من ابليس يا اختي... لأن الموضوع فيه طلاق... إذا هو عقله صغير و يقرن الطلاق بتنظيف الغرفه... لا يصير عقلج اصغر و تعاندينه...

حبيبتي إذا وقع الطلاق ما في مفر منه بعدين... و ما في فايده من البكاء على اللبن المسكوب بعدها ( و هالجمله لكم انتوا الإثنين.. انتي و زوجج)...

دامه هدد بالطلاق لاتنظفينها علشان مايتعود

واذا سالك نظفتيها لاتردين
واذا قال ليش مانظفتيها

علميه انك زعلانه من تهديده على هالشي البسيط

ماتوقع في رجال عاقل بيطلق زوجته علشان هالسبب
وانتي اخبر بزوجك


اذا ممكن يطلقك علشان هالسبب اقصري الشر
ونظفيها وبعدين وضحي له مايحق له يهددك بالطلاق علشان تنظيف غرفة

السلام عليكم ورحمة الله تعالى وبركاته

اذا زوجك أمرك بشي مافيه معصية فلابد أنك أتنفذين طلبة ، أما رفضك لطلبة فهو خطأ خطأ خطأ
والحديث النبي علية السلام يقول ( إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت)

وبعدين يا أختي الناس حالين على زوجك ضيوف!! والضيف أولاً وأخراً هو ضيف الله
ف حتى لو زوجة اخوه واخوة مو طايقينك!! أعملي بأصلك وطيبك وجملي زوجك قدام أهلة.

وأجرك على الله.

__________________
استغفر الله واتوب إليه

اختصري المشاكل ونظفي الغرفة
ترى بعض الرجال عقولهم صغيرة مثل الاطفال وخذيه على قد عقله
الله المستعان بس

__________________
انا لله وانا اليه راجعون

شرعا لست ملزمه بخدمة أهله ..
و لا خدمته لكن تخدميه من باب العرف ، لكن ماله حق يجبرك
على خدمة أهله ..
و طاعة الزوج تكون في حدود حقه
و ليس فما هو خارج عن حقه ..

وان كان يأخذ الطلاق سلاح بوجهك كل مرة
فأقولها لك بكل صدق .. الحياة معه غير مضمونه
ان كان هذا اولها ينعاف تاليها ...

ياحبيبتي العقد الفريد صرت راقيه بدل المره الف ونظفت لهم بيت كامل عشان يدخلون وهو نظيييف قامت سلفتي عبت راس حماي لدرجه عمتي استغربت من تصرفاته وفكرتني اني معبيه راسها عليهم او شي وسالتني انتي قايله لها شي قلت لا قالت احدري منها
وحماي صار كل مكان ادخل فيه يزاعق ويقول اخرجي ابي اجي
ويسميني ظروف
وزوجي شايف وساكت بس هو مايراضها على زوجته ان احد يتعدى عليها ولابحرف وش ذنبي ان حظي كذا
بعدين انا مافرجت احد على زوجي مثل ماقلتو انا بقوم بظيافتهم واسوي لهم عشا بس مسألة انه يجبرني انظف او يطلقني هذي اللي كبرت عندي كبر السماء وعناد فيه مارح انظفها هالمره عشان ذا التهديد

خلاص لا تنظفيها
وخلينا نشوف اخرتها هههه
يا بنت الحلال مشي الموضوع هالمرة بس علشان الدنيا عيد وبس يكون مبسوط منك افتحي هذا الموضوع معاه بكل لطف وبصوت هادي ونقاش عادي ووصلي له وجهة نظرك بسهولة واطلبي منه يفصل بين الامور وما يربط شي بشي
اكيد فهمتي علي صح

__________________
انا لله وانا اليه راجعون

أختي في الله غزلان
يشهد الله انك من أخواتي اللي اعتز فيهم في هالمكان
بس ترى فيه بنات يفهمون هالكلام غلط!! وفيه شي لازم يتوضح

يعني فاطمة بنت محمد رضي الله عنها لما كانت تطبخ وتخدم زوجها وتطيعة عملت حاجة خارج الشرع!!
نساء النبي رضي الله عنهن لما كانوا يخدمون النبي كانوا يعملون حاجة خارج الشرع؟؟ تعتقدين النبي علية السلام بيوافق انهم يسوون له اشياء خارج الشرع!!
وكذلك الصحابيات رضوان الله عنهن!!

وأمي وأمك وأمهاتنا جميعاً كانوا يسوون هالاشياء بس عشان العرف!!

أختي غزلان
الله خلق المرأة عشان تآنس الرجل وتكون له البيت والسكن والراحة والطمأنينة والمودة والرحمة!! وهاذي وظيفتها بالحياة!! ف لما تخدم زوجها في امور غير حقوقة الشرعية مهي عيب ولاهي إهانة بالعكس هو أجر لها ورضا تكسبة من عند زوجها وحسن تبعل!! ولاتنسين ان حسن تبعل المرأة لزوجها هو جهاد في سبيل الله.

ولاتنسين كذلك ان النبي علية السلام قال في معنى الحديث (لو كنت أمراً أحداً أن يسجد لغير الله لأمرت المرأة أن تسجد لزوجها) فهل هالزوج مايستاهل انك تطيعينة خصوصاً بان الجنة ماتدخلينها إلا برضاة!!

__________________
استغفر الله واتوب إليه