أول ماقريت موضوعك تذكرت موقف بس ترى مهو انا hh
مرة من المرات كنت قاعدة في الملحق أنا وخالتي أم زوجي وأخوات زوجي وكنت لسة عروسة جديدة مابعد كملت سنه وفيني رجة مهيب طبيبعية المهم كلمت أبو الشباب مدري هو كلمني قلت له وينك تأخرت؟؟ قال في الحارة وسوس لي إبليس قلت ليش ماتروحين تتخبين ورى الجدار تروعين رجلك إلا وأسمع باب الكراج ينفتح وأطييييييييييير أركض اتخبى ورى الجدار واسمع باب الكراج يتسكر وانا عاد اقوم استعد احمي يديني للخبطه واسمع باب السياره ينفتح واخذ نفس وأسمع خطواته جايه المهم مادريت الا الرجال يمشي عاد طريقه الجدار الي عند الكراج اذا دخل يصير معطيني ظهره وآنا وراه ياليت يوم إبليس غزني قال أصرخي في وجه أو أسحبي شماغه بس بليس قال أهبديه وظلام جهة الكراج وأجي طايره وبأقوى قوة أقدرأسويها أخبطه مع ظهره من ورى بين كتوفه <<<<الله من الجفاسه حتى في المزح خخخخخخخخخ مسكين هو من قوه الخبطة ومادريت الا الكراج ينفتح مره ثانيه صار الي جاي أول واحد أخو زوجي وهو الي تلقى الضربة أرض جو والله إني بغيت أنحاش من باب الكراج يوم أنفتح من الفشيلة وأطلب الطلاق إلتفت علي أخو زوجي قااااااااااااااااااال عمىىىىى عاد آنا بغيت أزعل يوم قال عمىىىىى لا وبعد <<لها وجه تزعل جان أقول له آآآسفه آآآسفه ومغطيه وجهي بيدي ( أحسبك فلان) <<<<يقالك ستيره متغطيه خخخخخخخخخخ قال تكفين خفي على أخوي عاد آنا الي أنصى رجلي وآنا أزبد من الحمق <<<بعير مو أنسانه وأقوله السالفه قال أشوى فيه ولا فيني خخخخخخخخخ قلت رح تعذر له عاد رجلي قال ترى فلانه تحسبك آنا لأني مكلمه قايل آنا قريب حول البيت قال الله يصبرك ياأخوي أنتبه لاتزعلها تذبحك اذا هذا مزح أجل شلون إذا زعلتهذي هي الانوثه يالافندر عاد انا اقولك ان الانوثه تطلق ع اشياء كثيره مواقف مختلفه وهي عموما كل شي بالمراه ممكن توصف من خلاله بالانوثه صوتها نظراتها حركاتها مفاتنها غوايتها واغراءها رقتها ونعومتها اسلوبها وطريقتها بالحصول ع الاشياء الدلع والتغنج من جهه والتمنع والرغبه من جهه طرقتها بالتعامل وخصوصا مع زوجهعفها بمواقف عاطفتها وحنانها بمعنى تقدر الموقف وتتصرف فيه بذكاء انثوي بطررريقتها الخاصه وعموما الرجال يختلفون برغباتهم من الانثى |
للأسف
أكثر مايفتقده الرجل في زوجتة هو الأنوثة. وأما تعريفها لدى الرجل... فهو نسبي من كل رجل لآخر... ولكن هناك أشياء يرغبها الجميع بشكل عام وهي ... تعبيرات الوجه... المشاغبة والفكاهة التلقائية... إبراز المفاتن بشكل غير متكلف من كثرة الزينة واللباس ... كثرة الإبتسام وصفاء الوجه ... إشعار الرجل بخضوعها له. ولذلك... تجد الزوجة وهي معذورة في ذلك ... مع العشرة والإهتمام بالبيت والأبناء... تقسو ملامح وجهها... ويكثر إرتفاع صوتها وكثرة شكوتها مما تعانيه في يومها... وتعتقد أنه بمجرد لبس عاري أو دلع ممجوج... فهي تمارس أنوثتها مع زوجها... والذي بدوره لم يعد يشعر بأنوثتها... لأنه أحس بالفرق كيف كانت زوجته أثناء الملكة وبداية الزواج وكيف أصبحت. الموضوع يستحق الشرح والنقاش من زوايا متعددة... ولكن ما ذكرته يعتبر موجز بشكل عام. بارك الله فيك |
كوين
عطينا اللي عندك خن نستفيد أكثر سبحان الله البنات يقولون لي انتي ناعمه وهاديه بس زوجي يقولو العكس |
السلام عليكم جميعا
عندي مشكلة صغيرة جداً أتمنى منكم مساعدتي انا صفاتي وطبايعي نفس طبايع البنوتات يعني لو زعلت او اي شي تصرفاتي اقرب للطفولة المهم زوجي يحب ويعشق الأنوثة ومايحب الدلع او البنات الكيوت اللي تصرفاتهم نعومة وطفولية يحب البنت تكون راكزه وذكية ومغرية وأنثى الحاصل انا مدري ايش هي الأنوثة ولاني قادرة افهمها ابدا ابدا نفسي افهم ايش هيا الأنوثة صدق مااتكلم عن المواصفات الجسمانية لا اتكلم عن التصرفات والدلع وإلاحظه قد مايحب الأنوثة لكن يحب الشقاوة الولادية شوي يعني ينبسط يوم أسوي شغل الحواري عجزت افهم كيف اجمع بين الاثنين دايم يوم يعصب يقول انتي مجغه <<يعني دلع يغثثثثثث <<................... عاد ومنكم نستفيد ممكن تعطوني افكاركم ونقاشاتكم حول الأنوثة نساء ورجالا اكيد فيه بنات يهمهم هذا الموضوع انا حبيت اسال لانه مافي شي نقدر نطبقه ونتعلمه ونحبه يدون مانفك رموزه ونفهمه وياليت تساعدوني بفك رموز الأنوثة ربي يسعدكم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|