فعلا أنبسطت كثيييييييييييييير على الموضوع ..
ومو معقول كنت أفكر أنزل الموضوع نفسه ....!!!

وشكرا للأخت سمو الأميرة ع الموضوع الحلو ...

المهم إني بأغسل بنفس طريقتكم مافي شيء جديد بس أهم مافي الموضوع عندي الملون تايد والأبيض آريل مع صابون مبشور الوزير ...والأبيض دودرة طويله ونقع وماء حار مو جدا ...والملون بالعكس وكل ماكنت الملابس أغمق كانت المويه أقل حرارة....

لكن إلي يحيرني الملابس الغامقه مثل الجينز والأسود والكحلي ما أعرف كيف أغسلهم إذا حطيت تايد بتصير زي ما قالت الأخت الماسة عليها مثل النمش ...وإذا حطيت صابون سائل مثل الأومينو مابتنظف تمام ووحدة قالتلي بتستخدم الفيري تبع الصحون وجربته وحسيته حااار ع الملابس بيغير مظهرها ....
فياليت تفيدوني كيف بتغسلوها إنتو...؟؟

والبقع مثل الزيت ياليت تفيدوني عنها لأن عندي تنورة أصابها كريم شعر ....ومسحته بس للأسف عمل دائرة زغيرونة ...وسط التنورة ومو عارفه أزيلها ....فخبريكم يا شطورات

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان

غسيلي متل الأغلبية لكن الفرق بالنسبة للغتر البيضاء والملابس الداخلية اليضاء يعد التشطيف بالماء من الصابون أحط موية وأذوب فيها زهرة وبعض الناس يسموها نيل وأضع معاه قليل من الملطف وأضعها في الغسالة وتلف شوي وبعدين انشفها

أهلين ياحلواااااااااات

غسيل الملابس عندي زي أغلبكم وإذا فيه بقعة أفركها بنصف ليمونة قبل ماأغسلها


وعلى فكرة ..الموكيت ..إذا كان فيه بقع أطلعه بالحوش وبعد ماأبلله بالماء أدعكه ؟؟بالقاااز

أكيد تعرفون القاز أو الجاز..رهييييييييييييييب ويبعد البقع ..

وجزاك الله خير وهذا هو المرجو من الموضوع ... الإستفادة للجميع

أسعدني مرورك

أهلين ملك شادي

الله يوفقك يارب أنتي وزوجك وولدك

أمممم .. أول مرة أسمع عن هذا المنتج .. إن شاء الله أجربه ما أدري إذا موجود عندنا ولا لأ .

وفعلا أنا الكلور ما أحطه إلا على الدعاسات والموكيتات .. وما أستخدمه للملابس أبدا

تسلميلي يا قمر

سعدت جدا بمرورك ونورتي الموضوع

عارفة يا جنة الدنيا . أنا كنت زيك .. لكن بعد فترة بدأت أحس إنو في شي غلط .. يعني أشوف

بعض الناس ملابسهم جديدة .. ولما أسألهم يقولو غسالناها مليون مرة ..

وأنا ملابسي جديدة ومن أول غسلة كأنو لها سنين ..

وأكثر ما يهمني في الغسيل ريحته .. الريحة قبل النظافة .. مدري ليه أختار الصابون وأشمه في

السوبر ماركت مليون مرة ...وزوجي جنبي يقول لي الأخت مدمنة بعدين أشتريه

شووووكرا على المرور حبيبتي

أهلييين يا ألماسة

بالنسبة للكومفورت للبشرة الحساسة ماينفع .. أنا وبناتي وزوجي بشرتنا تتحسس من العطور

عشان كدا ما أستخدمه.. لكن أحيانا أشتريه وأستخدمه لكن في النادر

والله جزاكي الله خير نبهتيني على الموية الحارة .. يعني رأيك أخليها وسط ؟؟

شكلي راح أخليها أقرب للدافية ..

وأكثر البقع اللي أعاني منها والله يا ألماسة هي الحبر ..

ما أدري البنات ماصارو حضراتهم يكتبو على الورق . لا . يكتبو على ملابسهم ..

والمشكلة ما يطلع فرحت وأشتريت مستحضر خاص بس بالحبر .. وما يطلع كل أنواع الحبر .. لا

أنواع وأنواع ..

تسلمي يا ألماسة منتظرة الباقي

وأكثر شي أحتاجة طريقة غسل الثياب البيضة حقت الرجال

صراحة أنا أغسلها وإلى الان مو عارفة كيف أتقن غسيلها .. يعني أحس لونها مو زي وهيا جديدة

أغسلها عادي بالوزير وبعدين بالتايد .. ولوحدها ما أحط معاها شي

بس بعد فترة ألاقي الثوب لونه يتغير ..

شووكرا على المرور يا ألماسة

هلا حبيبتي ..

حلوة تترك حتى تنضج .. ضحكتيني .. طيب وبعد النضج نقليها ولا خلاص ناكلها عادي

أول شي أيش هوا الفانيش ماعرفتو ؟؟

ماشاء الله كفيتي ووفيتي .. وحتى أنا ما أعرف أغسل الثياب والشمغ .. بالرغم إنو زوجي يلبسها يوميا

ومازلت أحاول فيه يترك لبس الثيباب ويعتمد على البدل .. ماعدا المناسبات ..

وكوي الشمغ صراحة ما أكويهم .. أوديهم برا .. لا يمكن أغامر كويهم صعب .. وياخذ وقت ..

تسلمي على المرور وعلى التقرير الراااااائع أستفدت منو كتييييير

امممممممم مو ضوعك جا بمحله انا لي ثلاث سنين من تعلمت اغسل ملابسي انا وزوجي وكل يوووم شكل وطريقة بس عمري ماجربت غليهم في النار مدري مو راضية تدخل مزاجل اصلا ماعندي قدر يوسع
المهم انا طريقتي جدا عادية وغسالتي ام حوضين احط الثياب والموية من الحنفية حارة باردة مالي شغل فيهم واحط الصابون هذا للملونة وللبيضا احيانا كلوركس واحيانا شوية خل يمكن تستغربون بس هذي سمعت عنها باحد المنتديات وفيها نتيجة حلوة يعني تحسين انها تبيض شوي وحاليا اشتريت فانيش اذا انتي تسالي عنه فمعرووووف جدا ويجي دايما بالدعايات

__________________
اللهم لك الحمد حمدا كثيرا

موضوع حلو و عملي
و مفيد

من كنت بنت قبل ما اتزوج
اكره غسل الملابس وتطبيقها

الان مثلك مدمنه غسل الملابس و نشرها وتوزيعها
وزوجي كمان مسميني باسم خاص وليس للنشر

من اولد و اخذ ملابس المواليد الجدد

عندي ملابس من اول طفل و اخر ولاده

بتسالني الي ممرضه قلتلها صار لهم عندي فوق ال10 سنين و استخدمتهم مع اطفالي كلهم

اتعجبت

تقول انا من اول طفل وما عدت اقدر استخدمهم

ولحد الان محتفظه فيهم
وملابس الاولاد كانها جديده
والسر
انها اول ما تتوسخ اغسلها
بماء بارد ما يتجاوز ال40
و باقصر وقت ممكن
ما نظفت ما الح عليها بالدعك و الغسل
تنظف في الغسلات الجايه

و و الملابس البيضا
بين فتره و الثانيه
اجيب البانيو للمواليد و انقعهم فيها
و تتغير لون الماء اغير الماء و استمر بالنقع و اخذ البانيو وعلغساله
و انشرهم

وما احب الكومفورت ومشتقاته
لانها تسبب حساسيه و تخلي الكل تعطس

الملابس استعمل لها صابون يتحمل درجات حراره منخفضه
و اقسمها حسب اللون

و في الشتاء الغسل عذاب
فاختصر في الملابسبس الداخلي يوميا يتغير حتى الفانيله

الشراشف و المناشف
احبها ناشفه ما احبها طريه
وهذا معقد بنتي
ما احس انها نظيفه اذا ما كانت ناشفه وخشنه
اغسلها لوحدها طبعا

و كل واحد منشفته
و الصغار لهم مناشف خاصه
مثل البرنص بقبعه
بس ما فيها اكمام
وموديلات مختلفه

اخيرا حابه اذكر معلومه
ادمز عقدني
ملابس الاولاد تفقد بريقها
من اول غسله


طولت سامحوني
بس عذري اني مدمنه غسيل