وعليك السلام ورحمة الله وبركاته

طيب إنتِ اسألي نفسك دحين ( بأقلدك في كلمة دحين )
ليش تبغيه يصلي ..؟؟
أكيد خايفه عليه من عذاب الله سبحانه وتعالى ومن النار ..صح
طيب
لو صلى .. وكنتِ أنتِ السبب في إنك قومتيه للصلاة
مو لكِ أجر ..؟؟
طيب ليه تحرمي نفسك من الأجر .. حتى لو كان هو إتكالي أو كسلان
ماتدري .. يمكن بتصحيتك له .. ربي يرضى عليك ويكون سبب لدخولك الجنة .. لأنك أعنتي مسلم على فرض واجبة عليه .. بغض النظر هو زوجك ولا لا

يعني زي صاحبتك إللي إنتِ موصيتها تدق عليكِ وتصحيك لصلاة الفجر
هي إيشلها بيك .. غير إنها تبغى الأجر

حاولي أن تتركي أمور العناد وأنا مالي دخل وماأدري إيشكلو وهو حر بنفسو .. وأجري ورا الأجر

ولاتنسي أن هذا أيضاً من حسن العشرة بين الزوجين

بارك الله فيك

حبيبتي صفاء ..

ماشاء الله عليك ، ألاحظ إنك تفهمي بالشخصيات كثير ..
و أتمنى تفيديني ..

ما أعتقد أبدا أسلوب التخويف هذا أو الترهيب بيمشي معاه أبدااااااااااااااااااااا ..
لإنه يرفض أي أسلوب ( يتعاملوا أهله فيه معاه ) ..

.
.

هو من يوم اتولد و هما يقولوا له كل يوم ( صلي ) .. حتى لو هما ما يصلوا ( يقولوا له .. صلّي )
تعودوا ( يتأمروا عليه .. و يفرضوا سيطرتهم عليه ، لإنه ما يعارض أبدا .. عشان بيرتاح من وجع الراس )
و كانت كل صلواته بالمسجد ..

.
.
.

شوفي ، لو جيت و قلت له ( صلّي ) بيقوم يصلي ..
بس من حاله و من نفسه ، ما يقوم ..

يعني يكون برة بالشارع - في دولة مسلمة زي السعودية - ..
و أذن و كل الناس دخلت المسجد ، يروح يصلي بالمسجد ..

بس نكون مثلا برة - بالخارج - و يأذن و بيخرج وقت الصلاة ..
عاااااااااااااااااااااااااااااااادي عنده لو يأخرها لحد ما يدخل وقت أذان الصلاة التانية
( و يمكن أغلب المسلمين كذا )

.
.

أو مثلا ، أذن الفجر و نحن مسافرين بالسيارة من مدينة لمدينة ..
ما يوقف عشان يصلي الفجر ، و لحد ما تطلع الشمس ..
بس لو قلت له ( وقف نصلي ) يوقف ..

أو مثلا ، لو كنا برة في الخارج بنتمشى .. و بيخرج وقت الصلاة ..
كنت أفرش أي شي عالأرض - على جنب - و أصلي .. و خاصة بالسنة الأخيرة لما ما صرت اعتمد عليه ..
و وقتها ، يقوم يصلي هو كمان ..

بس مستحييييييييييييل .. يقدم الصلاة على أي شي ..

يمكن من يوم تزوجنا ، افتكر 3 أو 4 مرات بس .. و خاصة السنوات الأخيرة ..
قال لي ( لا تأخري الصلاة ) ،، و يكون متحمس مرررررة ..
(( يعني تجيه فترات - صحـــــــــوة و نشـــــــــــــــاط و حمــــــــــــــــاس ))

كان يقول لي ( و الله لو بيتي جنب المسجد .. بأصلي كل فرض بالمسجد )
و الحمد لله ، بيتنا دحين ( بابه قدام باب المسجد ) يمكن دقيقة مشي للمسجد ..
و ما يروح غير بالنادر جدا جدا .. يعني ( فيه عنده قابلية للتغير و يبغى ... )


بس أنا بأتكسل معاه ..

.
.

متى حسيته تأثر ؟؟؟ و بجد .. فيه تغيير ملحوظ بدأ يبان فيه ..
لما فتحت له مقطع قبل شهرين ( للشيخ محمد العريفي )

يتكلم عن الصلاة و عذابهم بالقبر اللي يأخروا الصلاة و يناموا عنه ..
(( أسلوبه كان رائع جدا .. حتى أنا تأثرت ))

.
.

يعني السرّ .. في الأسلوب

.
.

كل أموري مع زوجي ، لما أتركه - على حريته و راحته - ..
هو بعد فترة يرجع و يتحسن و يتغير ..

بس عشان الصلاة ، كنت أخاف أكسب اثم إني أكون صاحية و ما أصحيه يصلي ..
قلبي ما يطاوعني ، هذه فيها جنة و نار .. ماهي لعب ..
و إيش يضمن لي ، إنه بيعيش كم ساعة عشان يصلي ؟؟؟؟

ماهي دراسة و لا سفر و لا وظيفة ؟؟؟

.
.

بس لما شفت أخواتي و صحباتي ( ما يهمهم .. أزواجهم صلوا و لا لأ ؟ و تبريرهم .. إنه هو بيتعذب بالقبر لوحده و مسئول عن نفسه
قلت لنفسي .. خلاص ، هو مسئول عن نفسه و عن صلواته )

بس نيتي .. مصلحته ..

يمكن الأسلوب هذا ، هو الأفضل له ..
و احساسي يقول كذا ..

.
.

علشان كذا ، كنت بأعرف ..
و اسمع الإجابة من المجربين ؟

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

عزيزتي أمل ..

زوجي ما يطنش ، بيقوم لو صحيته للصلاة ..
بس ماهي من اهتماماته و لا من أولوياته ..
و لازم أجلس فوق راسه ..

.
.

يعني مثلا عنده شغلة تخلص بعد 20 دقيقة ، فرضا ..
و الصلاة وقتها بيخرج بعد 30 دقيقة ..

تلاقيه ، أبررررررد ما عنده ..

( مافي دافع من داخله )

.
.

فبأفكر ..

لو إني مشيت بالأسلوب اللي كتبته ..
يمكن بيقوم بعد كذا يصلي لوحده ..

( هو ما يترك الصلاة .. يصلي لو كان فاضي )

بس اخررررررررررررررر شي يهتم فيه ..
يقدم ممكن ، النوم ، الأكل ، الشرب ، الراحة و كل شي ( عالصلاة )
بدوووووووووووووووووون ما يحس بتأنيب ضمير بداخله ..

.
.

يمكن لإنه خلاص تعود ، إنه فيه أحد يقول له ( ما صليت ؟ )

بس بعد فترة ، لو شاف إني ما اهتم و أطنش ..
و يشوفني اهتم بصلاتي و كدا ..

يمكن هو من حاله ( راح يبدأ يقلدني ؟؟؟ )

.
.

الموضوع مو موضوع عناد ..

و مستحيل أعاند بأمور فيها جنة و نار ..

.
.

بس اليوم لما طنشته و ما صحيته لصلاة الجمعة ..
لوحده قام و لبس بسرعة و خرج ..

.
.

أول كان يصحى و يمط جسمه و يرجع ينام ، و يقوم و يدخل الحمام الله يعزكم و يرجع ينام ،
و يقوم يتعطر و يمشط شعره وووووو إلخ .. لحد ما يسمعهم يقولوا ( الله أكبر ) ، بعدين يروح المسجد ..
و يرجع البيت ، عشان نسي السجادة .. و بعدين يادوب يروح يلحقهم ..

.
.

بس اليوم ، قام بسرعة و راح صلى و من غير لا يتعبني ..

.
.

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

اقتباس:

لإني قررت ، حتى لو كنت صاحية .. ما راح أصحي زوجي للصلاة و لا راح أسأله أبدا .. لإنه اعتمد إني أنا اللي أعاير الساعة ، و هو يقفلها و يرجع ينام .. لا أنا اللي صليت ، و لا هو .. و اتفقت مع صحبتي إنها كل يوم تدق علي الفجر و تصحيني ..

بالعكس حبيبتي ليه ما تحتسبين الاجر انك تصحيه لصلاة الفجر وكل ركعة لو شاء الله في ميزانك بالعكس والله يمكن نحقر شيء بسيط وهو اللي يرفعنا عند الله

يعني ما تشوفي لما بينك وبين زوجك ولكن انظري لما عند الله فيهون عليك كل شيء بها الدنيا

إحتسبي الاجر ورح تشوفي ان قناعتك تتغير 180درجة

__________________

في هذه الحاله افضل شئ هو ان احافظ على صلواتي بوقتها و اهيئ اجواء للصلاه مثلا سماع الاذان في البيت من دون ان اقول له شيئا و التطنيش !!!! الكامل له

أنتي لاتزنين فوق راسه قوم صل قوم صل وبنفس الوقت لاتشيلين ايدك عنه مالمرة

خاصة لو كان نايم

مايمنع تصحينه وان شفتيه وعى لك وفتح عينه قولي له صارت الصلاة

لكن لو هو صاحي مايحتاج تقولين له يكفي انك تصلين أو ممكن تقولينها مرة واحدة وهو بكيفه

أخوي الرسمي ..

أنا ( دحين ) صرت مثله مرات ..
أخاف أوصل لمرحلة ( أتهاون فيها بالصلاة لا سمح الله ) ..

راح أعمل طريقة ، أعاقب نفسي فيها ( لو فاتتني وحدة من الصلوات )
يعني الواحد يا دوب يتحمل نفسه ..

و مقررة بالإجازة إن شاء الله ، أعلم ولدي يصلي - لو فرض واحد باليوم - ..
و راح أعمل معاه مثل ما أبوي الله يرحمه كان يعمل معانا ..

و مع إنه أبوي ما كان واحد ملتزم جدا ، و شخص عادي بالدين ..
بس كان يقفل التلفزيون وقت ما يأذن ، و يخلينا نقوم كلنا نصلي الفرض مع السنة ..
و بعدين نرجع نتفرج عالمسلسل ..

.
.

يمكن لو بديت مع ولدي ، زوجي يبدأ يهتم هو كمان ..

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

فدى أمي

طيب هو هذا السبب اللي مخليني إلى الآن مستمرة عالوضع هذا ..
و أنا وصلت لمرحلة ، أحاول أدفع ( نفسي ) دفع ..

زمان ، كانت أمي الله يرحمها تخاصمني لو تأخرت شوي عن أداء الصلاة ..
دحين مافي أحد يقول لي ( قومي صلي ) أو ( ليش أخرتي الصلاة ؟ ) ..

المفترض ، إنه زوجي يهتم بالأمر هذا ، عشان أولاده عالأقل ..
و أنا لازم اهتم بصلاتي ..

لما أشوفه متكاسل ، أنا كمان حأبدأ أتكاسل ..

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

لينة العريكة ..

المسجد بابه قدام باب بيتنا .. و الأذان نسمعه و نسمع خطبة الجمعة ..
و وقت كنا في الخارج ، كنت محمّلة بجهازي برنامج الآذان ..

إذا و إذا فقط .. كان صاحي و مروق و ماهو نعسان ..
لبس ثوبه و راح صلى الفجر و رجع .. ( يمكن مرة بالشهر أو مرة كل شهرين )

.
.

بس أقصد ( ما يهتم إنه يعاير الساعة قبل لا ينام مثلا ، و لو صحي و كان نعسان .. رجع نام )
صرت دحين مثله .. هذا اللي مزعلني ، و ماني شايفته بيتأثر

فبألحق على نفسي ..
بكرة ربي بيحاسبني لوحدي ،.

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

لؤلؤة الصباح ..

عمري ما زنيت فوق راسه ، أصلا ما أحب ( الزنّ ) و لا هو طبعي ..
و أكررررررره اللي يزن فوق راسي ..

و من زمان معتمدة على إنه زوجي ، شخص يحافظ على صلاته من وحده ..
فكنت بس أصحيه لصلاة الفجر و الجمعة ، أو لو بيدخل وقت صلاة الفرض التاني و هو نايم
أو كنا مسافرين و بيخرج وقت الصلاة و نحن ما صلينا ، أو لو كنا مثلا بالمطار
و باقي عالرحلة وقت ، فأروح اصلي .. زي هذه الحالات ..

( بس لو سكتت ، و ما قلت له .. ما راح يقول لي أبدا .. ما صلينا ، يالله نصلي )

.
.

المهم ..

أمس سألته ، ليش لما ما أكون معاك ..
تروح الدوام من بدري ، و تحافظ عالصلاة ؟؟؟
<--- هذا اللي كنت أشوفه زمان ، يكذب كان علي أو لأ ؟ الله أعلم ..
لإني كنت أصدقه ، و دحين ما صرت أصدق شئ .. لو ما شفت إثبات .. يعني يمكن يكون يلعب بلياردوا و يقولي أنا بالمسجد .. !

قال لي :
عشان لما أنام ، و إنت فيه .. أكون متطمن إنك راح تصحيني و ما تتركيني نايم ..

قلت له :
بس ما راح أصحيك بعد كذا ، من جد أتكلم .. مالي دخل ..

قال لي :
أعرفك ، بس كلام .. لإني ما أهون عليك .. و راح تصحيني ..

قلت له :
تشوووووف .. من اليوم ، و حتى هداك اليوم قمت صليت الفجر و رجعت نمت و ما صحيتك ..

قام يضحك ، و يقول لي ( كذابة ، أعرفك ما تتركيني نايم )

قلت له :
إلا هذاك اليوم ، و إنت ما تدري ..

يقول لي :
اتحدى ..

.
.

المهم ..

عشان نيتي البطالة ..

اليوم هو صحي صلى الفجر على صوت ولدي الصغير ،
و أنا نمت لحد الساعة 9 و نص و ما قمت و لا صحبتي صحتني ، بأذبحها ..
سألته ، ليش ما صحيتني معاك ؟؟؟

يقول ، صحيتك و قلتي لي ( خلاص أنا عايرت الجوال ، أقوم لوحدي )

ما أفتكر إني قمت و لا أفتكر إني قلت له كذا ؟؟؟؟؟؟؟

.
.

يومي كله أتنكد فيه ، لما ما أقوم الفجر ..

المشكلة إنه زوجي ما ينام غير عالساعة 3 ..

__________________
من اجل التغيير الفعال لانفسنا.. يتوجب علينا تغيير مفاهيمنا اولا..