طرق الكلوميد و تنشيط الاباضة تزيد عدد البويضات و بالتالي رح يجيكي توأم بس مو حقيقي
يعني بكونوا تماماً متل اخوة لكن من نفس العمر و شببهم متل شبه الأخوة مو شبه حقيقي
و ممكن مع الكلوميد اذا كانت اباضتك طبيعية انك تحملي بأكثر من توأمين يعني ممكن 3 - 4 - 5 انتي و حظك و طبعا هذا يعني انك ما تحاولي تجربي تاخدي الأدوية بدون متابعة طبيب مختص هذا إذا سمح الطبيب
أعتقد - و الله أعلم - انه ما في أي طريقة لانجاب توأم حقيقي مجربة عند الإنسان
و برأيي الشخصي انه التوأمان اذا ما كانوا توأم حقيقي مو حلو يعني مو مستاهلة التعب في الحمل و الولادة و التربية مشان بالنهاية تنجبي طفلين أخوة ببطن واحد إلا اذا مستعجلة وحابة تختصري
أنا و أختي توأم حقيقي و أمي دائما بتقلي (خايفة عليكي تحملي بتوأم لأني ما بريدك تتعبي التعب اللي أنا تعبته ) أنا ما بحس انه شكلنا انا و اختي حلو إلا لما بشوف توأم غيرنا وقتها بتمنى انجب توأم
أما عن شعوري كتوأم كتير حلو بصراحة لا يوصف بمجرد الكلام لكن أحيانا قليلة أشعر انه بأثر عليي بشكل سلبي
لما بتعتادي طوال حياتك انه في انسان عايش معك و بفهم عليكي كل شي و كأنو هو انتي بتشعري انه ليش باقي الناس ما بفهموني ؟؟
و من ضمنهم زوجي أشعر بالفجوة بيني و بينه كبيرة و انه لازم يفهمني من الاشارة لأني اعتدت طوال حياتي انه معي شخص بيفهمني من دون ما احكي بشكل مو طبيعي
على كل حال
الله يرزقك توأم حقيقي يا رب
و آسفة للاطالة
__________________
.
.
استودعتك أهلي في سوريا يا من لا تضيع ودائعه
01-02-2009, 02:01 AM
ضوابط المشاركة
العرض العادي
