__________________

بدون سبب!!

مرات الزوج اذا تضايق و ما حب انه يجرح زوجته او يغلط عليها

يبتعد .. يخرج .. يحط حظر ممكن ..
لحد ما يهدأ ..

لانه لو تناقش معاها و في لحظة غضب
ممكن كلمة منه و منها و يوقع الطلاق لا سمح الله

صغريها مثل ماقالوا

الله يحفظكم جميعاً.

شاكره تفاعلكم ونصحكم لي

اخوي مو كتاب منزل اكيد بس هو عنده دراية بهذه الأمور

ويعرف شيوخ كثير وبيفيدني بهذا الموضوع اكثر من زوجي

لأن هالامور مافيه مراعاه لزوجي اذا ماعنده خلفيه

يعني معقوله استشيره في هذا الأمر وهو ماعنده دراية

واترك اخوي وهو عنده خلفيه ويعرف شيوخ كثير

انا اعترف أنني غلطت وخليته يتحسس كثير بس تصرفه بايخ

وابوي واخوي عمرهم ماراح يشوفونه بموقف بايخ

لأن الحمدلله علاقة زوجي في اهلي فوق السحاب والعكس
صحيح ماشاءالله

في بعض الردود قالو لي ارسلي له واسأليه عن حاله ومدري شنو
انا ما افضل هذا الشي لانه بكذا بينغلق على نفسه زياده

عطوني حلول شنو اسوي اتركه لين يهدا ولا شنو

اعرف ان اكثركم تقولون الغلط مني وانا اللي تسببت في زعله وحساسيته

أتركيه لما يهدأ

وكلميه بنفس طيبه والله يصلح حالكم

يعني لو في موضوع خاص بينك وبين زوجك يحتاج لفتوى بتلجئين لأخوك بحجة انه القريب؟!

ما اشوف لك عذر كنتي تقدرين بضغطة زر بالقليل تعرفين الحكم 😊

تصرفه مش بايخ اذا بتقيسينه على الفاظ مش حكيمة ممكن تطلع منه وهو منفعل..

__________________

اختلافي عنك لا يعني اختلافي معك

مع ابو مريم
الدين في سعه
وانتي مسئوله عن زكاه ذهبك
ماكان لازم توصلي الكلام لزوجك وجرحتيه
الامور الماديه تجرج كبرياء الرجل
وزوجك ماشاءالله باين عليه من الرجال الي عندهم كرامه
لو واحد ثاني طنش وقال اريح خلي اهلك يطلعونها

ان بينتي له انك متفرقعه من حركته هذي ثقي تماماً انه بعد كل نقاش بيسوي لك حظر ..لانه يحس انه شي ينرفزك ويلوي ذراعك

كيف قررتي إن زوجج ما عنده دراية .. وإن أخوج عنده دراية؟!


زوجج قال لج: الذهب الملبوس ما عليه زكاة .. وهذا قول بعض العلماء بالفعل .... يعني عنده دراية وما تكلم من راسه.


وأخوج طرح فكرة بيع جزء من الذهب لإخراج الزكاة كخيار ثاني .. رغم أن هذا هو الأصل .. والمفروض إنتي اللي تدفعين زكاة ذهبج من مالج الخاص .. وزوجج ماله علاقة أصلاً .... وما أدري كيف فات أخوج ينوّه لهالنقطة وطرح رأيه وكأن بيع جزء من الذهب هو من باب الاضطرار لأن زوجج مب راضي يددفع!!








على كل حال .. ما باقول لج اتصلي وسلمي عليه واسألي عن حاله .. وكأن ما صار شي.


لكني أقول: إنتي غلطتي .. والغلطان يعتذر.


بعدين شوفي كيف بتتعاملين مع سالفة الحظر هذه.

__________________


اللهم طِيبَ الأثر .. وحُسْنَ الرحيل.

بصراحة الموضوع ماله داعي ابدا ..!!
تصرف الاخت عادي ولا فيه اي احراج لزوجها ولا اي شي!!
واعتقد زوجج حساس حبتين ..
اساليه باستغراب ليش حاضرني ؟

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.