الله يوفقك ويرجعك سالمه يارب
انا لسى من كم شهر رجعت من تابلند ومن جد بلد جميل ورائع
بافصل لك شوي في المعلومات
لما ترتبين الشنطه احرصي على انه لك شنطه وهو له شنطه علشان ما يشوف ملابسك وتكون مفاجئه له
رتبي ملابس النوم اسفل الشنطه وداخل كل قطعه الاكسسوار و الكلوت الخاص بكل طقم لا تنسينه
حاولي تبعدين عن الستان لانه مع الشنطه والجو رطوبه في تايلند راح يتعفط وما فيه داعي تضيعين وقت و تكوينه واذا تحبين هالنوع وحلو عليك اطويه بشكل اسطواني زي العباية ونفس الشي الشيفون
مع اني ارشح انك تكثرين من القطن والتول خصوصا انه موضه هاليومين يجي التول العادي او الي زي شكل الدانتيل وعموا هو على مطاط حلو وما يتعب اثناء النقل حجمه صغير وما يتعفط
نوعي في لباس النوم ما بين قمصان طويله واخرى قصيره وشورتات والحين كل المحلات مسويه تخفيضات
ولا تنسين قميص ليله الزواج علشان تعيشينه ليله غير هناك
واشتري عطر جديد ما يشمه الا هناك صدقيني اذا رجعتي من السفره وبخيتيه بتذكر تايلند وايامكم الحلوه
بس ما اوصيك التعطر يكون له بس واحرصي بالبعد عن التعطر عند الخروج لكي يبارك لك الله ايامك
ولا تنسين تاخذين الفير مهم انا اشوفه اهم من الاستشوار والسبب اغلب الاوتيلات يوفرون الاستشوار وغير كذا انت بتصحيين وتتحممين وتطلعين ولما ترجعين بتفكين الطرحه وتلاقين شعرك نشف وشكله مو حلو والفير هو الي يعطي شكل حلو للشعر يعني بعد ما ترجعون لمسات خفيفه بالفير ومكياج هادء وقميص ناعم وليله رومنسيه لا تنسى
واذا حصل لك اشتري له من هنا هديه حلوه وخبيها بشنطتك وفاجئيه بها هناك
ومن المعروف عن تايلند المساج وبصراحه انا وزوجي كنا نسوي مساج في كل مدينه مما ذكرتيهم و الميزه انك تكوني بغرفه خاصه واذا انتوا زوج يوفرون لكم غرفه بسريرين واستمتعي بالمساج الرائع
ووفري له هذا المساج بنفسك من خلال شراء الزيوت الخاصه ويوجد عند بودي شوب ادوات المساج الخشبيه رائع جدا بالنسبه للزيوت يمكن شرائها من هناك فقد اشتريت من تايلند زيت مساج رااااااااااااااائع برائحه الياسمين ويسمى جايسمن
ولا تنسي الشموع المعطره في سيتي ماكس شموع ب3 ريال وداخل علبه معدنيه ولها غطاء رائع للسفر ورائحه الكرز والقرفه مميزه بصراحه ما استغنى عنها باي سفره
وكما ذكرت احدى الاخوات اشتري مويه قطعتين و املئي البانيو ماء دافئ مع الشامبو الي يوفره لك الاوتيل لتتكون لك رغوه جميله و ووزعي الشموع وتمتعي بليله رومانسيه حالمه
*** اطلبي من زوجك انه يذكر اثناء الحجز بانكم شهر عسل(هوني مون ) وراح يوفر لكم الاوتيل تجهيزات مميزه واذا نسوا وما جهزا دقي على الاستقبال واطلبي منهم يجهزن وغالبا يرسمون قلب على السرير من بتلات الورد + كيكه صغيره .واذا رايحه مع اطفالك الحلوين عادي قولي لهم (انفرسيري=anniversary) والمقصود ذكرى الزواج والاوتيلات توفر خدمه الاحتفال مجانا وما دمتي بتسافرين ليه ما تستفدين من هالخدمه؟؟؟؟ مثلا اذا دخلتي وما لقيتهم مجهزين الغرفة بالكيكه اطلبيها منهم وغالبا الموظفات بالاستقبال حريم فلا تستحين قولي ابي تجهز لليله خاصه وحددي الوقت واليوم وبس وهم يجهزونها لك وانا جربت هالحركه في فوكيت وما قصروا طلعت الغرفه حلوه وكلها ورد وريحه ورد وانا زدت عليها شموع طلعت خيال
وهذا الي اذكره للان والله يوفقكم ويسعدكم ان شاء الله ويرجعكم سالمين واذا عندك اي سؤال انا بالخدمه
وادعي لي بالذريه الصالحه طبعا اذا اعجبك كلامي
تحياتي
دلوعه زوجي
11-07-2007, 06:57 PM
ضوابط المشاركة
العرض العادي
