سبحان الله ياعفراء مو اول وحده تقولي كذا وهذا اللي يكرهني اني اعترف ل احد اني زوجه ثانيه
اللي معترض علي ك زوجه ثانيه يجي يعترض ع الدين من باب اولى لانه هو اللي اباح لي هالوضع اللي انا فيه سواء تزوجت ل طمع ولا لاي سبب ثاني على ان مافيه احد يشوف فيه سبب ل زواجي الا الفلوس عمره مااحد لاقي لي مبرر غيره ولو نفرض تزوجته للماده انا ماخذت من حلال احد شي اخذت من حلاله هو وهو زوجي ملزوم يصرف لي حسب مستواه حتى لو هو ماخذني من الشارع وابشرك عشان ترتاح نفسيتك اكثر اني ماصبرت عشان الفلوس لانه نعمه وممكن تزول ووممكن اموت وانا مالحقت امسكها انا واعيه وجامعيه ومثقفه واسعى لتربيتي عيالي وتثقيف نفسي الماده وسيله صح تهمني بس ماهي هدفي عموما لو ابرر من هنا لين اموت عمره مااحد يقدر مشاعري لا في الواقع ولا بعالم النت لان الكل يشوفني هدامه بيوت بس زي ماقلت والله اللي معترضه تعترض ع الاسلام لانه اباح لي ماأنا فيه عجيب امر الحريم لو زوجها يحتاج حرمه غيرها ويبي الحلال مايعجبها ولو طالع الحرام برضو مايعجبها اجل ايش الحل؟؟ والله يسامحك لاني كتبت الموضوع للفضفضه مو للنكد نرجع لموضوعنا انا ماكره زوجي لتصرفاته انا اقول انها حاجات مقرفه فيه ولا في غيره حتى ولدي والله هبلت فيه البطاطس اللي يطلع صوت ماسمح له ياكله عندي يمكن انا معقده والعيب فيني بس فعلا مجرد مااسمع صوت احس فيني قبيله جن تطق سامري براسي الله يسعد كل من مر ع الصفحه هذي ويهنيه ويفرج ع اخواننا المسلمين في جميع بقاع الارض |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|