تركتك لله معقوله مانتي فاهمه!! اهلك يكرهون زوجك ومايبون اي شي منه حتى لو كان زين..واتوقع حتى السفر مايبون يدخلون بمشاكل بينكم

يعني بالله واحد وقت مشاكلكم يقعد يلعن فيهم ويطعن وهم مالهم دخل بيحبونه !! اكيد لا النفس لاعافت عافت بيعرفو الحين يهدي لهم وبكره يلعن فيهم فقالو مانبي منه شيء خير شر انتي لاتوصلي هداياه ولاتسبيه عندهم خلاص تقبلي علاقتهم به وخليه بعيد عنهم رسميات من بعيد واحترام وخلاص

__________________
مضى مامضى والله على المقبلات يعين ..! وعسى الله يزينها على القلب لاشانت~

نفس هالمواقف تصير بين امي وخالتي
اهل امي يكرهون ابوي ويكرهون اي شيء منه ،
حتى تذا جلسوا ببيتنا يجلسون وهم كارهين وشبه مغصوبين .

بينما مع زوج خالتي العكس يحبونه ويمونون عليه ويحبون عياله والبسيط اللي منه يحطونه فوق السماء هذا غير الاحترام والتقدير اللي يقوله زوج خالتي هو الصح وهو الرأي السديد

مع ان ابوي اغنى ومنصبه اعلى ويتوسط لخوالي يوظفهم ومع ذلك مايشوفونه شيء

تدرين ليه ؟
لان امي ببداية زواجها مشاكل ومعمعه وطلب طلاق وشافوا الجانب السيء من شخصية ابوي وكرهوه جدا
بعكس خالتي مايسمعون عن زوجها الا كل خير ..

ودي اقولك انهم تغيروا لكن للاسف المشكلة لها اكثر من ثلاثين سنة للان

من رايي تقبلي الموضوع وتجاهلي وخلي سفراتك مع زوجك بس ولايسمعون عنه الا كل خير

__________________
سبحان الله وبحمده ، سبحان الله العظيم

أهلك يتجنبون المشاكل مع زوجك لا تلومينهم
إذا سافرت معهم و صار شي أو حتى ما صار يخافون أنه يفتعل أي مشكلة بسبب السفرة . بيكون قلبهم ناطف انك تسافرين معاهم .
عن هداياه نفس الشي لا يريدون أي علاقة به لأنه يخافون بعدين يعايرهم أو يعايرك بذي الهدايا .
برأيي لا تحرجيهم أو تضغطي عليهم
لأنهم كارهينه حدهم
وأدعي الله يهديه و يحببه فيك و في أهلك و يحيبهم فيه

__________________
امي حياتي

زوجك طيب وكريم ماشاء الله 💕
اما اهلك اتوقع ماقصدهم غير يتجنبو مشاكل

بعدين صراحه لو تجيني وحده وتقول بحط عيالي
عند امي او حماتي وبروح معك ع طول برفض..

بس من حقك تسألي امك بعد السفرة بهدوء
بس انصحك لاتسمحي لنفسك تقارني بينك وبينها
باي شي ابدا ترا والله توصل لأمور كبيرة 😭
عندنا وحده تقارن نفسها كثير باللي بعدها
لدرجه مانقدر نمدح عيال الثانيه ولا نبوسهم
ولا نشتري لهم شي الا ونسوي لعيالها نفس الشي

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم