أخي ساري :

- خلك صريح معها في طلباتك ،، وحقوقك ،، وأيضا صارحها ،، فيما تريده منك ،، وهل أنت مقصر معها في شيء ؟؟

- لا تحرص على ،، حمل زوجتك هذه الفترة ،، حتى تستقر الأمور .

- الخطأ الذي يحصل من زوجتك ولا ترضى عنه ،، أخبر زوجتك بأن هذا خطأ ،، وهذا لا يعني أن تكون قاسي معها ،، بل بين الأمر بكل هدوء .

- كيف هي من الناحية الدينية ؟؟ صلاتها وغير ذلك ؟؟؟

- من هم صحبتها ؟؟ صديقتها الي من الإبتدائي ،، هل هي بنت طيبة أو لا ؟؟

- اجلس جلسة مصارحة مع زوجتك ،، وتكلم معها ،، عن الفترة الماضية وما فيها من سلبيات وإيجابيات ،، واسألها هل هي فعلا تحبك ؟؟ ومستعدة لتكوين هذه الأسرة الجديدة .

- ابعد عنك سالفة الطلاق ،،

- فهم زوجتك أن المشاكل تبقى بينكم حتى في حلها ،، وأن من أكبر الأخطاء أن أهلها يتدخلون فيها .

- أخي ساري ،، والله إني حاس بشعورك ونفسيتك ،، وبالذات أنك في الأيام الأولى من الزواج

ومامن شيء الا وله سبب ،، وأنت أقرب الناس لوضعك وحالتك ،، وكذلك لزوجتك ،، فتلمس هذا السبب ؟؟

قد تكون زوجتكك تحبك ،، ولكن هناك أمر مكدر عليها خاطرها ،، كأن تكون مقصر معها في أحد حقوقها .. وغير ذلك من الإحتمالات !!!

- ساري ،، الزوجة التي تحب زوجها والصالحة ،، ستحرص كل الحرص عليه ،، بل وتحرص على إسعاده ،،وبالذات في الشهور الأولى من الزواج

( صارحها بهذا الكلام ) .. فسفينة الزواج ستسير فترة طويلة من الزمن وستضربها أمواج أقوى من هذه ،، فكيف سيكون حالنا في المستقبل ؟؟؟

- وأخيرا أقول ،، الله يفرج همك ،، وإن كان في زوجتك خير لك فالله يسخرها ويهديها ،، وإن كانت شرا عليك ،، فالله يصرفك لأحسن منها .

__________________

اخوي عاشق
المشكلة جلست معها اكثر من مرة، وكلمتها وقلتها انا قلبي مفتوح لكِ اي شيء يضايقككِ اتكلمي
وقولى هذا الشيء يضيقني

واجي واتكلم وهي ساكته،

إما من ناحية المعاشره هجرين بعض ،طلبااااتها مرفوضه حتى اشعار اخر
ومن ناحية صلاتها والله الظاهر لى انها تصلى

اخى الكريم
واضح ان المشكله فيكم انتو الاثنين انت بطيبتك وطولة بالك وزوجتك فيها مشكله مادرى شنو بس الواضح انها تبى تمشى اللى براسها....نصيحتى لك اول شى اذا تدخل اى احد من اهلها لاتسمح لهم ورد عليهم ان هذى حياتك ومشاكلك الخاصه ماتبيها تطلع بره البيت لاتسمح لاى احد ان يتدخل فى مالا يعنيه.....بالنسبه لزوجتك اهجرها وهى مجبوره انها تقوم بواجباتها المنزليه موتطوع لا بل هذا واجب ......الزوج سيد فى بيته حاول تشد عليها شوى لما يتعدل حالها واذا ماتعدل الله يعينك؟



صدى اصيله

سوليتير..
الله يهديك ليتك تكونين محضر خير!!

يا أخي وش موقف أهلها؟
يعني اذا هي ما هي حابة تتكلم وش قالت لأبها تبغى ترجع والا لا؟

خذ العلم من ابوها اسأله هل هي ماهي مرتاحة؟ تبغى تستمر في بيت أهلها؟
اذا قال جواب يؤكد هالكلام خلاص معناه انها من الاصل تريد الانفصال..
واذا كان قال اعتقد انها تحبك وتبغاك بس تقول كذا وكذا وقتها لها حل!
يعني اتصور الآن نقطة الاتصال بينكم هي الاب!
الا اذا انت ما تبغاه يتدخل..
فمالك الا تجلس معاها جلسة تقرير مصير!
بس قبل ان تحدد موقفك من مطالباتها.. وآراءها أو اي تصرف منها سواء كان سلبي كالصمت او ايجابي كذكر مطالبات معينة..
وبعدها تبلغها انك راح تجلس معاها جلسة نهائية وفيها تقرير مصير.. علشان يكون وجود خبر مسبق بأهمية الجلسة يخليها تفكر أكثر..

بس حبيت أسأل اخوي.. كم الفترة اللي انت مستعد فيها ان تصبر وتؤجل موضوع الانفصال لو حصل ان الجلسة ما جابت نتيجة؟!

يا غالي ،،
بما أنك كلمتها ،، ولم ترد عليك ،، فانتقل للخطوة الثانية

وهي أن تصارحها بأن الحياة مستحيل تستمر بهذه الطريقة ،، وأن وضعك غير طبيعي ،،

وأيضا تكلم مع أبيها عن وضع بنته واجعله الناصح لابنته ،،


ثم يا غالي ،،كيف وضعها في البيت ،، يعني انت وياها ،،

تجلس معاك ؟؟

وقت نومها ، تسهر أم تنام معاك ؟؟

مكالماتها لصديقاتها وأهلها كثيييرة بشكل غير طبيعي ؟؟

هل تشعر بحبها ( الحقيقي ) لك ؟؟

__________________

اللي فهمته من موضوعك شيئين


1- طيبتك و طول بالك.....

2-عدم تأقلم زوجتك و الظاهر انها انصدمت بالزواج....لان فيه مسؤوليه....وبنفس الوقت راسها ناااااااااشف.....لانها مصممه على سكوتها

الحل


1-تتفاهم مع زوجتك في بيت اهلها بوجود والدها....وافتك من الام لان كلامك مراح يعجبها.....
2- تقول شروطك بكل صراحه ووضووووووح.....
3-تبين عيوبها و الاشياء اللي مضايقتك منها.....
4-هي لازم تقول كل اللي خاطرها فيه جدام ابوها......
5- يستحسن اخي الفاضل....انك لما تتكلم تبعد عنك نبره الحنيه و الخضوع و تخليك شدييييييد
6- ما تطلع من بيت اهلها الا و هي موافقتك على كل شرووطك
وتاخذها للبيت...........

1-تتغير معاملتك معاها.....تصير شديد....بس مو تعاملها معامله جافه و تذلها....لا......اقصد انك تبين لها ان طلباتك اوااااامر.....
2-امنعها من صديقاتها....وهذا الشي طبعا تكون ذاكره جدام ابوها.....والله و عن تجربه....ما يودي الحياه الزوجيه بداهيه الا صديقات الزوجه.....
3-متى ما بغيت تمارس العلاقه الزوجيه معاها....تمارسها من غير ما تاخذ رايها.....لانها على قولتك دايم ساكته و اكيد راح ترفضك اذا استأذنتها لهالشي.....
4-لا تقصر معاها بشي....من ناحيه طلبات البيت...و مصروفها....و.....و......عشان ما يكون لها اي عذر




وعلى فكره ترى معظم الزوجات الحديثات....يسوون مثل زوجتك و اسوأ....بسبب عدم التأقلم و تغير الحياه عليهم....وانا(اعوذ بالله من كلمه انا)....مرت علي هالمشاكل....والفتور....باول زواجي.....لكن الحمدلله عدت على خييييييير

وان شاء الله ما يصير الا كل خير



دوووووووت


الأخت الكريمة،
(ان شاء الله) تكتب هكذا

__________________

يا اتكاء حرف كلامي هو ملخص لكلامكم كلة الكل راية في اخونا انة طيب وزوجتة مستغلة هالطيبة فية 00وانة لازم يكون شديد بالحق 00انا ماعرف الف وادور واسطر بكلام وانا عارفة الرجال وش محتاج 00اكثر العلاقات الزوجية تضيع بسبب ان الرجل ما يعرف وش دورة 00متى يكون لطيف وحنون ومتى يكون شديد 00انا ماني محضر شر زي ما تقولين لكن الرجل حنيتة بتضيعة ولازم يسمع كلام زي كذا 000وإلا انتي مفكرة اني احرضة على الطلاق ياشيخة حرام عليك0

أختي الكريمة قوانين المنتدى تمنع مثل هذا الكلام..
وإن كانت ثمة اعتراض أو شكوى فلديك منتدى الرسائل الخاصة ..

اول شي كلمها وصارحها يمكن البنت ماتبيك بس تبي الطلاق منك لانها لو تبيك كان ماعملتك هيك مانفع الكلام اتركها مده تراجع نفسها وارجع كلمها وش هي وش تبي بالضبط

أخي الفاضل ..
يظهر لي أن زوجتك مدللة(وهكذا حال أكثر بنات هذا الزمن) ومن ثم فقد انصدمت صدمة كبيرة بالحياة الجديدة والمسؤوليات الجديدة ..

واجبك الآن أن تأخذها من بيت أهلها وتجلس معها جلسة مصارحة في مطعم مثلا ، وتبين لها أنك حريص على استمرار الحياة معها ، وأن هذه الحياة لايمكن أن تستمر دون أن يعرف الزوجين حق كل منهما على الآخر ..

ابدأ أولا واذكر حقوقها عليك ، عشان تبسط شوي وتتقبل الكلام القاسي الذي سيأتي بعد ..، وقد قيل إذا أردت أن تنجح في الحوار فابدأ بنقاط الاتفاق قبل نقاط الاختلاف ..
ثم اذكر حقوقك عليها ، وهنا غير نبرة صوتك وكن حازما قويا ، وقل ياتتعدلين يانشوف لنا حل ثاني (لاتقول طلاق بصريح العبارة هي راح تفهمها)..
وقل لها إذا كنت متضايقة من شغل البيت أنا مستعد أساعدك وأجيب لك شغالة مؤقتة يوم في الأسبوع ..، وإذا كان على الصديقات أنا ماراح أحرمك من أهلك ولاصديقاتك وإن كنت أقدر إني أحرمك ، بس تذكري إني زوجك وجنتك ونارك ..وطاعتك لي في غير معصية مقدمة حتى على طاعة والديك ..

بالحوار والصراحة وقليل من حزم ستحل مشكلتك إن شاء الله ..

وفقك الله وجعل من زوجتك قرة عين لك ..

__________________
أحب جبالك يالجنوب وأحبك لأنك أنتي الجنوب