لا أحب أن يطول الزعل .. خاصةً لو كان الموقف بسيطاً.

أحياناً أقول وقتها كلمة أبرّد بها حرّتي .. وكثيراً ما أسكت وأكتفي بالصمت وتغير ملامح وجهي .. ثم أتركه وأذهب .. وبعد ذلك ولا كأن شي صار.


تعليمن أنه ليس من النوع الذي يعتذر .. ولكنه للأمانة يدرك خطأه بينه وبين نفسه .. ويحاول في الغالب تلطيف الجو بالتميلح والمزح.

__________________


اللهم طِيبَ الأثر .. وحُسْنَ الرحيل.

بعض الاحيان الرجال يفتعلون المشاكل ليروا زوجاتهم ماذا يفعلوا ..

قلتها ياخوي رجل مظلوم ..
هذا اللي اقصد بجد ..!!!!؟

.
.

احس زوجي كذا ..

ليش يعني !؟

تحبوا النكد و لا مايرتاحوا غير بمشاكل و نكد ؟؟؟
و لا يستلذوا بحرق الاعصاب ؟؟؟

.
.

انا بأبعد عن المشاكل و لا احب عوار الراس .. و اطنش كثير ..
بس احسسسسسه يتمادى .. و يقهرني يا بالرد بردود ترفع الضغط .. ردود همجية ..
او يصحى قالب وجهه .. و لما يشوفنا مبسوطين .. يعمل اي شي عشان يتعبني ..

لما يشوفني بديت انقلب .. يبدأ يصير أليييييف و لطيف ؟؟؟

.
.

تحبوا اللعب بالاعصاب ؟

مهرة ..

انت ماشاءالله زوجك عاقل .. و انت عاقلة و هادية و عقلك كبير ..
و هو عنيد و يكابر ..

..
.

انا طبعي اصلا .. لما أعصببببب أعصببببب ..
انا الي اصلا لما اعاند اعاند و لو فيها كرامة .. ماهمني وقتها لو تخرب الدنيا و ما اتراجع لو قررت ما اتراجع ..

و زوجي هو اللي بارد برود الثلج .. و ماعنده مانع يعتذر ..

.
.

اطنش كثير .. و ما احب النكد و لا الزعل ..

هو يدووووور عن النكد .. و هو الي يلف و يدور عشان نتنكد ..!؟
عشان لما انفجر اخر شي .. تلاقيه ينبسط و يدور كيف يراضيني ؟

و انا هبلة على طول ارضى و انسى ..

.
.

يعني مو اني انكد انا ؟

.
.

مرات يضحككككك ..
و مرات يعصب بزيادة و ياخدني بالصوت ..
امشيها له مرات عشان اكبر دماغي و بمزاجي امشيها له ..

و مرات لما يزودها .. اصرخ و اعصب بجد ..
لما اصرخ .. يصير تمام و عكس باقي الرجال ؟؟؟؟

.
.

اعطيك مثال :

كوني رجل

انتي صح ولو زوجتي مثلك ممكن احبها اكثر لانها دايم تناقرني وتحط نفسها داااايم لذلك انا شخصيا لا استبعد ان اتزوج عليها في يوم من الايام والسبب

مايمر شهر الا وتناقرني وتدري ان هذا يزعلني لذلك بدا الفتور من جانبي وافكر بجد بزوجه ثانيه لاستقر وابتعد عن مشاكلها رغم حبي لها

__________________

When you're out of my dreams
I will be in the best case

روح
كل زوجين يختلفو و الشخصيات تختلف
سوي نفسي مؤخرا
اي احد يضايقني اطنش واقول بيني وبين نفسي ما راح ازعل
صارت نفسي غاليه علي كثير ما اخلي احد يجرحها وينفرزها ودامني ما سويت غلط خلاص اهم شي رضا ربي

احس كأننا توم و جيري بعض الاحيان ؟؟؟؟

.
.

مثلا ..

خرجنا انا و هو و الاولاد نشتري مقاضي .. و صارلي شهر و نص و اقول له ناقصة مقاضي و باروح السوبر ماركت ..
ماودانا غير لما ليلتها بكيت و قلتله مو شايفني حامل ؟ و الثلاجة ناقصها اغراض ؟
جوعانة و ابغى سحور .. و كان هو في الدوام .. و صعب يخرج من شغله و دوامه بالليل ..

قام خرج و جاب لي عشا و تعشى معايا و رجع شغله ..
و وعدني نروح السوبرماركت .. مع انه شهر و نص و هو يقول بكرة بكرة ..

( لازم اتعلم التمثيل عشان يعمل لي اللي ابغاه )

.
.

المهم في السوبرماركت .. كل شوي يتأفف و بسرعة بسرعة و مكشششششر ..
سكتت و قلتله طيب .. مع انه عارف هو ماراح يدفع هللة وحدة ..

كمان كل ماله يزيد و ينافخ .. و يحاول يحط حرته بالاولاد ..
اخدنا الاولاد على اساس اننا نفطر برة .. عشان قلتله مافي شي بالبيت ..
و ولدي الكبير هادي و ماشي مع حاله و مؤدب .. و الصغير بالعربة جالس و ساكت ..
مو مثلا عاملين شقاوة ..

.
.

لما زودها و يعصب و ماحد غلط و لا عصب عليه ..
قلتله لو وراك مشوار .. روح خلص مشوارك و تعال خدنا ..
قام يرد بعصبية .. و طنششششت ما قلتله شي ..

.
.

المهم .. نحن راجعين؛ قلتله فيه عرض بمحل البيتزا بالموووول الفلاني اختي قالتلي عليه قبل يومين ..
و عشاني عارفة زوجي يحب الاكلات السريعة ..

المهم .. عشان ولدي الصغير نام و بيتنا كان بالطريق ..
نزلنا الولدين و المقاضي دخلتهم الشغالة .. و رحنا عشان نفطر بمطعم البيتزا بداخل المول .. و انا عازمته ..
يعني ايش له النكد ؟؟؟؟؟

شايلني فوق راسه مثلا ؟

يتبع ..

أنا زيك ياروح مرة ماأحب اطول الزعل احس زوجي يحزني تلاقيه متوتر لما ازعل لأنه مو متعود على زعلي بس بصراحة لما اروق لازم اناقشه في اللي سواه عشان لااشيل في قلبي عليه .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

انا كنت اعصب وازعل وما ارضى الا بالقوه وبعد محاولات من زوجي واروح بيت اهلي
صدعت راس امي وابوي الله يعطيهم الصحه ويسامحني

بس بعدين تغيرت كثير صرت ما ازعل الا على الشديد القوي
وصراحه لازم هو يراضيني مستحيل ارضى من حالي

بس المشاكل الصغيره ما ازعل اخذ اسلوب الحوار
والتمسكن وكيد الحريم 😁

أكمل الموقف ..

رحنا المول ، و لقيناه مقفل و باقي عالأذان 5 دقايق يمكن ..
قالي و هو معصب ، هو هذا اللي قالت عليه أختك ؟

قمت ابتسمت و قلت له يالله المطعم هذا مفتوح خلينا نفطر فيه ..
مو مشكلة ، و مزحت معاه و ضحكت .. و هو لسى قالب بوووووزه شبرين ..

قال مو عاجبه المطعم ؟؟؟؟؟؟؟؟
فيه مطعم ( تشيليز ) .. و مطعم ( أبل بييز ) و غيرهم مطاعم كانوا مفتوحين ..

.
.

قام يعصب علي ، عشان راح أفطره في مطعم ؟؟؟؟؟

دخلنا المطعم ، و أنا تعبانة تعبانة تعبااااااااانة بجد ..
حامل بالشهر السابع ، و صايمة .. و مشيت كثير ، و ماتسحرت كويس ..
و ضاغطة على أعصابي و أمشيها له من أول و ألطف الجو و اضحك و ابتسم و أخد بخاطره ..

دخلنا المطعم ، و خلاص باقي عالأذان دقيقتين ..
لسى تونا بندخل و نجلس ، يقول لي بتكشيرة .. ياللا بسرعة اختاري دحين ..
قلت له ، طيب لحظة تعبانة ..

يقول لي ، ياللا الجرسون يستنى و بعد ما يأذن مافي طلبات ..
فتحت المنيو .. و أنا ميتة عطشششش ..

قلت له ، طيب خليه يجيب تمر و موية على بال كذا ، عطشااااااااااااااااانة ..

قال لي ، ياللا بسرعة .. و يرفع صوته ..
فتحت المنيو و بلعت قهري و قام الجرسون قال له بالإنجليزي :
( حتى لو اخترتوا دحين و سجلنا الطلبات .. معليه ما راح نجيب الطلب غير بعد الصلاة )

زوجي قال له ( أهااا .. طيب خلاص تعال بعد ما يأذن ) ..

أنا أخدت راحتي و جيت بأجلس أرتاح شوي .. ( تعبانة مو راضي يفهم ) ..

رجع يكمل النكد ، و يقول ( إيش المطعم هذا ؟ لو إني فطرت بالمسجد على تمر و موية كان أحسن لي ووو إلخ )
جابوا لنا ضيافة ، مثل عادة المطاعم ( تمر و قهوة عربية و 4 حبات سمبوسة ) ..

قمت أنا مثل الهبلة ، ضحكت و قلت له :
( تخيييييل .. ناكل التمر و السمبوسة .. و نشرب الموية و القهوة و نخرج نقول لهم مع السلامة ) ..

قام ينافخ كمان و يعصب ..

.
.

أنا وقتها خلااااااااااااااااااااااااص بجد ، وجهي قلب و كتتتتتتمت الدموع و مابغى أنكد اليوم لإني خارجة أبغى انبسط و أروق ..
قمت فكيت ريقي و أكلت التمرة و شربت القهوة و باين إني معصبة ، و هو منتبه إني معصبة ..
بس أحسسسسسس كل حركاته اللي قبل من قصد .. يستنى اللحظة هذه ؟؟؟؟؟؟؟؟؟؟؟؟؟؟

نزلت الطرحة شوي على عيني عشان ما يشوف عيوني بدأت تدمع ..
و ما بأكلمه ، و تويي أكل حبة السمبوسة ..

قام يطالع فيا ، و يرفع صوته و يقول ( ياللا .. مو ناقصنا نكد ، تقلبي وجهك تكشيرة .. أنا كمان ترى )

ما كمل الجملة ،،

إلا و أنا انفجرت و خلاص ما حسيت بحالي ..

رميت - استغفر الله - باقي السمبوسة من يدي و جات عالصحن و طرطش الزيت اللي فيها على ثوب زوجي ..
و قلت له ( شوووووووف .. ترى و ترى و ترى و ترى .... إلخ ) ما أعرف إيش صرت أتكلم .. و صرت ألوح بيدي
و صوتي سمعوه الجرسون ، لدرجة إنه واحد منهم بسرعة جاء و يسألنا إيش الطلبات ؟ شكلهم انفجعوا ..

و من ضمن الكلام قلتلته ( إنت إيش تبغى بالضبط ؟ من أول تعصب و تصرخ و متحملتك .. ماني خارجة أتنكد ..
ماتخلي الواحد ينبسط لو يوم واحد .. إيش فيك من أول تصرخ ؟ إلا لازم تنننننكد .. جايبتك بمطعم و مو عاجبك ؟
إيش تبغى بالضبط ؟ بالقوة إلا تنكد عالواحد ، ما تخلي الواحد ينبسط ؟ من أول اضحك لك و انكت معاك و إنت قالب بوزك
... إلخ )

شوي و حسيت الناس سمعوني ..

قلتله ، إنت الواحد ما يخرج معاك مرة ثانية ..

.
.

سبحان مغير الأحوال ..

( أنا قلت ، خلاص بيعصب و نطلع من المطعم ) ..

ما أشوفه غير أخد قطعة السمبوسة اللي طارت ، و أكلها .. و مبتسم ابتسامة عريضة جدا ..
و صار ساكت عشان أهدأ .. و طلب الطلبات من الجرسون ، و أنا طلبت أي شي و كنت مرة معصبة خلاص ..
و ينكت مع الجرسون و يبتسم له ..

و التكشيرة اللي من ساعتين ، انقلبت لضحك و ابتسامة و فرح و سرور ..
و يطالع فيا ، و بكل بروووووووووووووووود يقول ( إيش أسوي ؟ كنت جوعان و صايم ؟ )

و كذا ابتسامته --->

.
.

و أنا دمي فااااااااااااااااااااااااااااير وقتها ، لو اكسر الصحن براسه ما همني وقتها ..

و قام انقلب و صار ( زوجي اللي أعرفه ) ..
أليف ، و لطيف ، و حنون ، و حبوب ، و يتريق و يمزح ..

و يقول تعليقات عشان ارجع اضحك ..
و أنا وقتها خلاص بجد ، دمووووووعي ماقدرت أتمالكها ..

لإني بجد تعبانة كنت .. و صار لنا من زمان ما خرجنا و ما غيرت جو ..
في اليوم الي نخرج فيه ، كذا يعمل فيا ؟؟؟؟؟؟؟؟؟؟؟؟

.
.

قلتله ( إنت ما ينفع لك غير محل الرز الفلاني ) .. محل شعبي ..
و مو عاجبك المطعم ، دحين تروووووح جري لأصحابك في الشغل و تقول لهم و الله و فطرت في المطعم الفلاني اليوم ..

قام يضحك و يقول لي ( شايفتني روح الطير ؟ دحين تاخدي الكاميرا و تتصوري جنب الصحن و توريه لصحباتك )

قلت له
( جيت المطعم هذا قبل كذا مع صحباتي ، و المطعم الفلاني رحته مع أخواتي ، و المطعم الفلاني رحته كمان كم مرة )

هو عارف إني جيت المطعم هذا مع صحباتي قبل شهر ، بس كذا عشان أنسى إني مقهورة منه ..
يقول لي ( بجد ؟؟؟؟؟؟؟؟؟؟ متى جيتي ؟ )

قلت له ( جيت هذيك المرة و إنت تدري متى !!؟ )

قال لي ( كذابة ، شكلك ماعمرك دخلتي المطعم ، شوفي حتى مانتي عارفة إيش الشوربات اللي عندهم )

قلت له ( جيت بس ما طلبت شوربة )

.
.

المهم ، مع الكلام نسيت كل شي ..

و هو مبسوووووووووووووووووط و كأنه عمل انجاز ، إنه خلاني أعصب .. !!!؟؟؟؟؟

.
.

أول مرة أشوف رجال زي كذا ؟؟؟؟

ماني لاقية تفسير لحركته هذه اللي يعملها معاي ؟؟؟؟

يحب يشوفني أعصب ؟ و لا يحب أحد يعصب عليه ؟ و لا إيش ؟

.
.

و لو سكتتتتتتتتتتتتتتتتتتتت و ما عصبت ، يقوم ينكد و ينكد و ينكد ..
و في الأخير ، لما انفجر خلاص .. يبتسم و يقول ليش تحبي النكد ؟

,
,

قلت له اخر مرة ..

( إنت تعودت تعيش في بيت أهلك .. كل يوم نكد لازم .. فتشتاق للنكد .. صارت عندك عقدة نفسية و تدور عالنكد )

يتريق و يقول ( لازم .. ملح الحياة )

قلت له ( يا حبيبي .. لما تشتاق للنكد .. فيه بيت بابا هنا قريب .. رووووح عنده و ما يقصر معاك ، بيعيشك بنكد )

يضحك و يقول تضحكي لما تعصبي ..

شكل زوجك كانه بغار منك لما يشوفك مبسوطة الحل كل ما شفتيه بدا ينكد عليك وريه العين الحمرا عشان يتراجع ويعمللك حساب قبل ما يكمل عليك مسرحية التنكيد وقفيه عند حدو بلقباقة