المشاركة الأصلية كتبت بواسطة بنت الحكمي

حياك أختي الغاليه أم سامي
موضوعك حلو ومو معقوله حبيبتنا وأختنا نونو تكتب موضوع ومانشارك فيه بنشارك بس مشاركتنا بتطول عليكم شويه فتحملو نا حبتين و بالنسبه للمقالب بصراحه أنا وزوجي مقالبنا كثيره بقول منها إللي أتذكره طبعا حنا متعودين نجلس عقب صلاة العصر نشرب القهوة والشاي مع بعض ونسولف وجوالي حاطته فوق التسريحه في غرفة النوم وحنانجلس بالمجلس وغرفة النوم بعيدة عنا شوية وطبعا فيه برامج بالتلفزيون وأنا أحبه وكنت متابعته وحنا جالسين نتقهوى وزوجي مايحب التلفزيون خلقه ولا يتابعه إلا إذا فيه أخبار مهمة كان يسولف معي يسولف وأنا هاه أيوه وش قلت وش بغيت والرجل طفش وقام قال برو ح الحمام وأنتم بكرامه وماراح الحمام راح غرفة النوم وشال جوالي وحطه بالدولاب بين الملابس
ورجع جلس عندي وشال جواله وقام يدق على جوالي من غير ما أ شوفه وأنا سمعته يرن ورحت ركض على غرفة النوم على أساس برد عليه وما أمداني
أوصل لباب الغرفه إلا وصوت الجرس إ نقطع وفتحت الباب ودخلت أدور الجوال على التسريحه ماحصلته قلت مو مشكله بعدين أدور عليه وأشوف من إللي إتصل وأ كلمه
المهم رجعت للمجلس وما أمداني أستوي بجلستي إلا وأسمع صوت الجوال يدق مرة ثانية وأرو ح ركض على أساس أعرف بصوت الجرس من أي مكان الجوال يرن ولاكن للأسف ماوصلت الباب إلا والصوت إختفى وأرجع أطلب من زوجي جواله علشان أدق على جوالي وأعرف وين مكانه
بإتباعي لنغمة جوالي أثناء الإتصال قال لي جوالي مافيه رصيد والجوال المفوتر يستقبل ومايرسل عاد أنا جلست أتابع البرنامج وشوي إلا وأسمع صوت جوالي يرن ويالله ركض على الغرفة علشان ألحق أسمع من وين الرنة وتكررت نفس الحكاية وجلست رايحه جاية بنفس الطريقه والأسلوب وزوجي مستمتع بالحركة آخر شئ عصبت و طفشت وقلت والله ماعاد أرو ح ولا أتحرك من هنا حتى ينتهي البرنامج وما أمداني أجلس 5 دقائق إلا والبرنامج مخلص وراح علية البرنامج بسبب الجوال وأناظر في وجهه زوجي إلا والإبتسامه شاقة وجهه شق ويضحك من قلب قلبه وحينها عرفة إنه هو إللي مسوي فيه المقلب وسألته ليش تسوي فيني كذا قال إنتي طفشتيني كل ما أقول لك سالفه ماعاد تردين عليه إلا براسك أ يوه خلاص طيب و بالك مو معاي كلش فحبيت أخرب عليك جلستك طبعا أنا سكت وقلت في نفسي إيه هين وبسيطه راح أوريك كيف المقالب على أصولها و سويت فيه مقلب عمره ماراح ينساه جلست فتره من الوقت وشلت جواله وطلعت رقم أعز أصدقائه ومسحته من الجوال وخزنت إسم صديقه على رقمي بجواله ومسحت إسمي من جواله فصار رقمي مخزن بإسم صديقه في جواله وقمت أرسلت رساله من جوالي على جوال زوجي طبعا الرساله طلعت عنده بالجوال المرسل إسم صديقه وكتبت في الرساله ) أخي العزيز أبو سلطان أنا موجود في مكان كذا وسيارتي تعطلت و إذا ماعليك كلافة أبغاك تجيني الحين توديني البيت وأنا الحين الإرسال عندي ضعيف فأنا بحاول أدور لي مكان أحصل فيه إرسال وأنت لو وصلت إتصل عليه ( طبعا أنا بعد الرساله قفلت جوالي و زوجي إتصل على الرقم طلع عنده مغلق وزوجي في مثل هالظروف يحب الفزعات على طول لبس ثوبه وشماغه وقال لي برو ح أجيب فلان وماني بمتأخر إن شاء الله ونزل مستعجل وطبعا المكان إللي وصفته له يبعد عن مكان سكنا 20 كيلو وراح إلين وصل نفس المكان إللي وصفته له دور على صديقه ماحصله قام يتصل على جواله فطبعا لما جاء يدور إسم صديقه بين الأسماء إللي مخزنة في جواله
طلع له إسم صديقه وقام إتصل طبعا الإسم إسم صديقه والرقم رقمي أنا ودق وأنا فتحت الخط قال ألو فلان و ينك يا أخي أنا أدور عليك ودقيت عليك من أول ولقيت جوالك مغلق أنت و ينك فيه الحين أنا رديت عليه والله أنا موجود في بطن الدولاب بين الملابس إللي خبيت بينها الجوال ومت ضحك عليه وقلت له شوف الرقم رقم مين إللي تتصل عليه أنت الحين وحده بوحده والبادي أظلم وبعدها جلس يقول لي حرام عليك خليتيني أمشي كل هالمسافة والله إنك غلبتيني وصار كل مرة يقول أنا مانسيت المشوار إللي دقيته ذاك اليوم بسببك وبالذات كل مانمر من نفس المكان إللي راح له وكان يقول ذاك اليوم وقفت هنا بهذا المكان وجلست أتلفت و أدور على صاحبي ورحت أدور هناك وهناك وجلس يعلمني بالأماكن إللي دور فيها على صديقه ذاك اليوم وبصراحه حسيت إني أخذت حقي منه وزياده بس في النهاية حنيت عليه مايستاهل إللي سو يته فيه
والمقالب إللي سويناها في بعض كثيره بس هاذي المقلبين قوية وكمان
محفوره بالذاكره ماقدرنا ننساها وكل مانذكرها نضحك عليها المهم ياستي لو تذكرت لنا مقالب ثانية رايحه أ كتبها لك
يا أحلى نونو وبوسي لي الصغير
إللي بالصوره وربنا يخليه ويحفظه لك يارب .

المشاركة الأصلية كتبت بواسطة كرز وفراولة

المشاركة الأصلية كتبت بواسطة % قلبي حنون %

المشاركة الأصلية كتبت بواسطة عمري ماأنساك

والله موضوع رووعة والمقالب مضحكة وعجييبة

اذا تزوجت بقولكم عن مقالبي خخخخخخ

المشاركة الأصلية كتبت بواسطة ام ربى2

ههههههههه انا مره كنت زعلانه معآه زعله خفيفه
و كنت في بيت اهلي زوارة عآديه
عآد دزيتله مسج قلتله طلقني انا مآبيك
عآد آهوه ين .. قالي ليش شفيج مآ تسوا و و و آلخ
و يدق و انا حآقرته آخر شي قلتله اقص عليج
> و انا كلي براءه جآن يعصب
قالي هالسوالف مآ يتغشمرون فيها مآلت عليج و على مقالبج ههههههههه
فديتج وتسلمين عالموضوع .