يازين فتره الصبح ورواقها
طيب ارجعي اعمليها مره ثانيه واعزمي نفسك
دامك مجربتها قبل
وبرضو مهره شجعتيني اروح السينما لوحدي ههه
ليتني حاطه هالموضوع من زمان
ماتتخيلي الملل الي جاني الفتره الماضيه
ليتني كنت اطلع اوسع صدري بدل انطر فلانه وعلانه تفضى لي

سبحان الله محد راضي عن وضعه
الي يقدر يطلع لوحده مايبغى
والي يقدر يطلع مع ناس مايبغى ههههه

مبتعثة انا وايد اروح مطعم او كوفي شوب لحالي .. بحكم ان ماعندي صديقات بهالديرة .. تعودت .. بس صديقاتي اللي بديرة هلي لما يعرفون اني طالعة لحالي من الواتس او السناب وغيره يرحموني وينكسر خاطرهم علي .. اقول لهم عادي مافيها شي . بس هم يقولون مستحيل يسوونها ويقعدون في كوفي شوب لحالهم .. وان الناس بيشفقون عليهم ..
بس الصراحة ما أثر فيني كلامهم ومازلت اطلع لحالي .. يعني من وين بجيب صحبة؟

مريوم انا نفس نظره صاحباتك
بس سبحان الله الوقت والزمن تجبرك تعمل اشياء جديده
وانا بجرب وان شاءالله تعجبني التجربه

مبتعثة انا كثير أسويها زي ما قالت مريم سواء مطعم أو كوفي شوب.. دايما لحالي أكون..

في البداية حسيته شي صعب ، بعدين خلاص مرة تعودت أعيش جوي على الآخر

غريبات صحباتك 😑
احنا نتهاوش وقت الحساب كل وحده تبي هي اللي تدفع

لكن لا تحرمي نفسك انا اشوفه عادي
لكن مقدر اسويها
لاني نادر ما اطلع لوحدي
فالموضوع صعب شوي

__________________
ي رب رضاك و الجنة

على حسب المطعم إذا كان فاست فوود زي مطاعم البرجر والبيتزا .. عادي جدا

بس إذا كان خمس نجوم وحاجة على مستوى لا طبعا مستحييل أروح سينقل لازم أحد معاي .. ما أتخيل يسألني الويترز طاولة لكم شخص أقوله بس أنا لحالي 😭 أقعد ف بيتي أكرم لي ! وإذا مشتهية أكلة من عندهم أخذها تيك آوي ولا أقعد بروحي !

والكافيهات نفس الشيء ع حسب إذا مافيها شيشة وهالخرابيط ممكن الواحد يقعد فيها لوحده لأن هالنوع من الكافيهات هادي وحق رواق .. بس فيه كافيهات اللي فيها شييشة أبد ماينفع فيها هالنظام لأن أماكنها صاخبة وغالبا الطاولات شلل وشكل الواحد يطلع تحفة بينهم !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

على فكرة مبتعثة أنا ماعندي مشكلة أروح سينما بروحي وقلت لزوجي كم مرة ولا رضى ..
لو يرضى رحت على طول .. أصلا أحسن لي أروح لحالي ..
أندمج بدون مقاطعة وآخذ راحتي في البكا هههه ..
هو مايحب إلا الأفلام الكوميدية العربية .. أنا ماعندي مشكلة أروحها ..
لكن بعد فيه أفلام كثيرة تنزل وأبي أروحها ولا يرضى يروح معاي ..

اذا تهاوشتي معاج
اعزميها على مطعم و تراضي انتي وانتي 😂

فرح 😊 جربي .. ترى عجيب
آنه من قبل ما احب اروح كافيهات فيها شيشة وجذي
احسها ما ادري شلون استغفر الله
بس ياما رحت مطاعم كلاس و راقية يسالني حق جم شخص
اقول له انه بروحي
واظل مع كتابي او روايتي وآنه كلي استمتاع

__________________

حاجة الناس إليكم من نعم الله عليكم ، فـ لا تملوا النِعم ☁✨

الكل متفق البدايه صعبه
بعدين الواحد يتعود