زوجك مو حاب يتدخل بينكم ويمكن مو حاب يوصلها لاخوه كذا على اساس انه عارف بالموضوع

بس انتي لا تفتحي الموضوع مع زوجك ويبدأ هو يتكلم معك في الموضوع الورث شيء يخصك انتي واهلك

زمان ماكنت افتش الا نادرا بس الحين بس جالسه افتح على رسايلهم مافتش الجوال كامل ... يعني شي يخصني فحابه اعرف وش يقولون .. هالشي غلط يعني ؟

اخي الراسي .. زوجي من النوع اللي يتدخل وفي كلام كثيير دار بينهم .. ومن ضمنها انه كلم اخواني فمادري صحيح هالكلام ولا لا ... ابي اقوله اني شفت المحادثات بس خايفه من اللي بيصير

__________________
-

فأجبر خَاطري .. بفيّض نعَمك ❤ ....

إنتي اعرف اذا يتقبل فتحك للمحادثة او لا
لكن حبذا ماتقولي

__________________
اللهم صَل وسلم على نبينا محمد

الزوج في بعض المواقف يكون كالأب يخاف من ضياع حقوق أبناءه (زوجته في حالتك)

أعذريه لو كلمك ولا تكوني قاسية
ولكن كوني حاسمه لكلامك في النقاش

وحقيقة يفترض أن تنتبهو أنتم كأخوة لموضوع الورث خاصة إن كان هناك من يريد التصرف فيه
من باب حفظ الحقوق وحتى لا ينشط الشيطان بينكم في المستقبل

ولا تركضي خلف محادثاته مع أخوه لأنه ماراح يخبرك عنها أبد
و ماراح تفيدك شي غير أنك بتتنكدين و تتوسوسين و تحوسين في مكانك
فلا تطلعين عليها و صفي قلبك

يا انك تدورين المشاكل دواره

زوجك منحرج يقول لاخوه مالي دخل لا انا ولا انت ويصرف الموضوع بطريقته

لكن اعقلي كفايه تفتيش سيارات وجوالات بتهدمين بيتك انتي باي طريقه

توقفي سمورة عن التجسس
هذا امر صريح من الله عز و جل
ثانيا لا ارى تآمر عليك او خبث. حسّيت فضول

__________________

التجسس راح يجيب لك مشاكل ويفقدك الثقه بزوجك والعكس صحيح وغير جائز شرعا..
أولا اتركي هذه العادة السيئة لكي لا تري ما لا يسرك..
ثانيا يتضح من اخو زوجك انه رجل غثيث وزوجك واضح انه ما يبغى يتدخل او يفتح الموضوع وجالس يصرف أخوه، وثانيا حتى لو فتح معك الموضوع ردي عليه بكل هدوء ان هذا موضوع عائلي ويحلونه أهلي بينهم وحاولي ما تتجاوبي معه ولا تخلينه يفتح معك الموضوع وبس..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

ماشاء الله متى لحقت تقتبس
هدي الله يدك العافيه والله ماليا فدا لو شفت الحاجه ميسره قدامي وأكره دا الطبع
لكن شايفتك متحامل مرا حبيت أبسطها
الله يعفو عنا

__________________
اللهم صَل وسلم على نبينا محمد

أختي الموضوع يخصك وأنت مربط الفرس فيه ..
ومافي شئ راح يصير من وراك أكيد .،، وزوجك ماراح يقدر يتصرف بالنيابه عنك وهذا باب تطمين .،
فنصيحه أخويه لا تخبرين زوجك بكشفك للمحادثه لأنه باب شر عليك .. ولا تتبعين أي محادثه بينه وبين أخوه مره ثانيه .، اتركي أمر برمته بما أنك المتصرفه في الأمر وأخوانك موجودين لو جد جديد راح يتواصلون معك ...
الله يصلح حالنا وحالك

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

غسق ... اذا قلت له اكيد بيزعل بس كم يوم ويرضى ... مدري انتظر الين نرجع يكون افضل عشان اهل زوجي مابيهم يدرون بشي .. بنفس الوقت اقول مارح اقوله مالي خلق للمشاكل ابي الراحه مثل هالشهر ...

اخي محب السنه ... هو كثير كان يقولها لي هذا حقك وخذيه ومدري ايش ... ولو ماخذتيه انا باخذه عند وو ... بس انا مارد عليه واكون ساكته... حتى ماقوله انت مالك دخل...

اذا بترك عادة التفتيش لازم اقوله عاللي شفته ..

مسز داني .. والله مو تجسس ولا انا قاصده اني اتجسس و رح اترك هالعاده بس ماضمن نفسي الا اذا قلت له اني شفت وعشان اعرف كل شي ..

__________________
-

فأجبر خَاطري .. بفيّض نعَمك ❤ ....