لاحول ولاقوة الا بالله
ان شاء الله ربي بيعوضك لأنك سويتِ اللي عليكِ وزيادهـ
نصايح مفيدهـ كنت غافله عنها
يعطيكِ العافيه ع تواجدك ياغاليه

أكيد أختي رضا رب العباد شئ مفروغ منه وماعليه نقاش سبب للسعادهـ في كل امور الحياه ..

انتي تقولي لاتكثرين زياره لهم طيب اذا كنا ساكنين في نفس العماره الباب جنب الباب (مثل اللي راح يصير معاي بعد الزواج) واذا كان الزوج يجبر زوجته على زياره اهله بشكل شبه يومي أتوقع بتضطر تدخل فيهم !!

نصائح ثمينه وأحاول ان شاء الله أخذ فيها

تسلمي على مرورك وكلماتك عزيزتي

في هالحالة مضطرة تطيعين زوجك وتهاودينه بس بطريقة ذكية روحي لهم بس لاتطولين خليك متمسكة بالقاعدة إلي تقول( لسانك حصانك إن صنته صانك) يعني تفرجي وأستفيدي وأنصتي أكثر من أنك تتكلمين
خليك ذربة وتكانه وثقيلة أعتبري نفسك مسوية زيارة لناس ماتعرفينهم كيف بتتصرفين ...؟!!
وحكاية تزورونهم شبه يومي هذي تقدرين أنتي تعودين زوجك يروح هو لهم يومي لأنه ولدهم وواجبه يصل أهله بس أنتي تحججي بأي شيء مرة عندي غسيل مرة عندي كوي مرة مرهقة لحد ما توصلين معه لتحديد يومين بالأسبوع أو ثلاثة لكِ أنتي لزيارتهم لأنكم بنفس العمارة

وزوجك على ماعودتيه بيتعوووود

عزيزتي بشكل عااااااااااام ( رضا الناس غاية لاتدرك ) فما بالك بأهل الزوج ههههههههههه أنت تعاملي معهم بما يميله عليكي دينك وضميرك دون إفراط ودون تفريط .. أي لتكن علاقة قائمة على الاحترام والود مع إبقاء شيئ من الحدود بينكم لاداعي لرفع الكلفة كثيرا لأن ذلك سيتعبك ويجلب بعض المنغصات بينكم .. فلا تتدخلي في شؤونهم إلا بما يطلبونه منك حتى لايتدخلوا هم أيضا في حياتك .. لاتكوني أمامهم كالكتاب المفتوح خاااااصة في بداية زواجك قبل أن تختبريهم وتختبري طباعهم .. واجعلي طبعك معهم فيما قد يصدر منهم ( حسن الظن ) لاتفترضي سوء النية منهم فقط لأنهم أهل زوجك كما تعتقد بعض الفتيات .. ولاتسقطي عليهم اسقاطات من قصص عايشتيها ممن حولك حول أهل الزوج فليست كل العائلات سواء في التعامل مع زوجة الابن .. واعلمي أن الغالبية العظمى من الازواج ولائهم لأهلهم فلا تعتقدي ليوم أنه سيتفهم مشاعرك تجاههم في حال حصل موقف سيئ بينك وبينهم لاسمح الله .. لذلك اختصري على نفسك وتجنبي انتقادهم حاولي أن تحلي مشاكلك معهم لوحدك إن حدثت لاقدر الله .. ومهما كانت علاقتك بهم ممتاااازة ويغلب عليها الصداقة والاريحية تذكري أن زوجك ابنهم فعاطفتهم معه قد يجاملوكي أحيانا ويقفوا لجانبك في مشكلة ما بينك وبين زوجك لكن صدقيني بالنسبة لأمه وأخواته سيكون تعاطفهم الاكبر معه ..طبعا إن كن واعيات يتقين الله في حياتهن لن يأججوا نار الخلاف بينكما قد لايتدخلن بينكما لكن لاتتوقعي أكثر .. ولاتحزني لذلك فهذه هي طبيعة المشاعر الإنسانية كل شخص يتعاطف مع الشخص الاقرب له وأعتقد أن هذا هو موقف أهلك مثلا فطبيعي أن يتعاطفوا معك ..أليس كذلك ؟؟ المهم أن لاتدعي نفسك تنزلقين في ترهات الامور وسفاسف الحياة اشغلي نفسك دوما كي لاتجدي وقتا للقال والقيل الذي هو عادة مادة دسمة ببداية الزواج بين اهل الزوج وزوجة ابنهم .. وأي شخص يحاول أن ينقل لك كلام على لسانهم عنك اقطعي عليه كل مجااااال .. وبنهاية الامر العلاقات البشرية يحدث فيها الكثير المهم الوعي والتروي في ردات الفعل وتحكيم العقل واتقاء الله ... وربي يصلح النفوس ويختار الخير للجميع.

__________________
بالغار كللت أم بالنار ياشام ..أنت الأميرة تعلو باسمك الهام ..

مساء الخير
والله إني أعرف عايله كلهم ساكنين مع بعض زوجة الأبن وأمه واخواته وكلهم سواء في كل شيء من المطبخ والمناسبات والروحات والجيات ولا أذكر أنها حصلت مشكله واحده بينهم ماشاء الله تبارك الله كل ذلك بفضل الله تعالى ثم بفضل الصراحه فيما بينهم والتضحيات في الوقت المناسب وعدم تتدخل الأهل في ولدهم وزوجته مهما كان .
أخواتي في الله الحياه أرفع واسمى من النظر في بعض المشاكل التافهه التي تهدد الحياه الزوجيه والتي سببها الغيره والشيطان والإصرار على الموقف سواء كان صح أو خطأ وغيرها .
أخواتي سواء كنتي زوجه أو أم زوج أو أخت زوج الدنيا دواره والجزاء من جنس العمل ومثل ما تعاملين الناس اليوم تتعاملين بكره بنفس المعامله إلا ان يشاء الله فأصلحي معاملتك اليوم ليوم غد .
وفق الله الجميع

يختلف من ناس لناس
ناس تحشمك وتقدرك ولا تتكلم فيك بسوء وناس تسيء الظن فيك من تدخلين عليهم وتفرض عليك تدخلاتها بحياتك ولا تقدرك وتتكلم فيك بسوء عند أي أحد

يعتمد على البيئه والأم، لو كانت الأم عايشه ببيئة سيئه من عداوات وقيل وقال وسوء ظن ويكون تعاملها مع أخت زوجها سيء طبيعي بتعامل زوجة ولدها على مبدأ (كل يرى الناس بعين طبعه)
وأخوات الزوج أكيد يتأثروا بطبع أمهم

عموماً أعتقد أن نجاح علاقه زوجه الولد بأهل زوجها تعتمد على الزوج، إنه ما يسمح لأحد يتدخل بحياته مع زوجته
ما ينقل خصوصياته مع زوجته لأهله ولا ينقل خصوصيات أهله لزوجته

تدرين انا ارى والله اعلم لكن هذه قناعه عندي
ان من غير الصحيح ادخال اهل الزوج او اهل الزوجه في مشاكلهم مع بعضهم
بل يستشيروا الخبراء المتخصصين في المشكلات الاسرية

لان اهل الزوجة بيوقفون مع بنتهم ضد الزوج واهله كذلك بل ان المشكلات تنتهي بين الزوجين وقلوبهم تتصافى وينسون والاهالي لاينسون ويظلون يفتكرون المشكلة الفلانية والعلانيه وحتى لو تصافوا الزوجين يرجعون يذكرونهم ويقسون قلوبهم على بعض

هذا رايي يحتمل الصواب والخطأ

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

أختي ملائكه على حسب في ناس يعتبروا زوجات عيالهم بناتهم وناس يعتبروهم دخيلين عليهم وهذي نقطه حساسه جدا

أحنا ولله الحمد أخواني المتزوجين زوجاتهم مثل خواتي تقديرا وأحتراما ومكانه أو أكثر لو بالغت ومعروف لدينا أن زوجة

الأخ خطوط حمراء ومكانتها فوق الرأس ولله الحمد الوالد والوالده لا يقولون لهن إلا بناتنا ولايرضون لهن بأي شيء حتى

من الزوج نفسه ولو حسو بتقصير لايقفون ساكتين بل يحاولون أن ينبهون الزوج تجاه زوجته وينصحونه ويعلمونه مايجهل

حتى أنه الوالده إذا أهديتها هديه تقول أين هدية زوجات أخوانك قبل هديتي للأحترام بيننا والتقدير ولله الحمد وأنا أدعيلهم

في ظهر الغيب مما لمسنا منهن الطيبه والمعامله الحسنه أسئل الله لك التوفيق والسداد .....شااااب

__________________
لا تكن عبد مملوك كن حر حتى ولو كان الثمن روحك

غاليتي ملائكية لاتستغربين كلامي بل انا اعرف ام حلفت من

ولدها مايدخل بيتها ولايسلم عليها حتى يرجع زوجته اللي طلقها

ومارضيت عليه حتى رجعها اما انا بالنسبة لي من تجربتي

مع اهل زوجي والله وبالله وتاالله اني ائتمن اخواته على

اسراري وآخذ برأيهم اكثر من اخواتي هم قبل يكونوا اخوات

زوجي انا اشوفهم اخواتي اسرارهم اسراري يحترموني

ويحبوني انا وأولادي لدرجة ماتتوقعونها انا بعيدة عنهم ساكنه

بمنطقة ثانية وقد سبق وسكنت عندهم بنفس بيتهم ماوجدت

منهم الا كل طيبة ومحبة واحترام والحين انا بعيده عنهم لما

اسافر لهم زيارة احصل ام زوجي عندها شنطة كلها مليانه قطع

اقمشة وتنانير وعطورات وتعطيني تقول لي هاذي لك اقول

لها ليش تقول انتي بعد بنتي كل ما آخذ لأخواتك شئ أحسب

عليك معاهم والحين خذي هذا اللي حسبته عليك ولو رفضت

تزعل مني الحين لو ما اتصلت فيهم يوميا يجلسون مشغولين

علينا ويدقون وش فيكم اليوم ما اتصلتوا عسى مافيه خلاف

اخوات زوجي اختهم الكبيرة متزوجة والله انه لوتقدم لأي وحده

منهم خاطب على طول اول مايتشاوروني انا وياخذوا رأي حتى

اخوهم مايقولون له ولا لأختهم المتزوجة وحتى ياخذوا رأي

في لبسهم وكشختهم مثلا لو انا ماني عندهم يصورن الموديلات

ويرسلون لي صورها يقولون وش رأيك وين احلى وين نختار

رغم انهم مذوقين وذوقهم احسن من ذوقي بس احس انهم

مايرتاحون الا لازم يتشاوروني ولما اسافر لهم ما ارتاح الا معهم

ولا انبسط الا بجلستهم لو جلست مع غيرهم احس جلستي مالها

طعم عندي اخوات بس علاقتي فيهم مو مثل علاقتي بأخوات

زوجي كل وحدة من اخواتي مشغوله بحياتها واحس انهم بعيدين

عني بإستثناء وحدة منهم هاذي طبعا صديقة مقربة جدا جدا من

اخوات زوجي وحياتها كلها معاهم حتى الملابس والإكسسوارت

يلبسون طقم مع بعض طبعا بالنسبة لأم زوجي مرة انا وزوجي

سوينا فيها مقلب وتزاعلنا وكل واحد سوى نفسه خلاص مايبغى

الثاني وزوجي قام قدامها وقال خلاص انا ماعد اريدك لمي

عفشك بوديك بيت إخونك خلاص النفس عافتك وانا اقوله

ابركها من ساعة وعيالك لك ما ابغاهم يروحون معاي

ورحت اجظع ملابسي وهي مسكينه وجهها مقلوب وتطالع

في زوجي وتدعي عليه وتسبه وتطرده من البيت انت منت برجال

ياقليل الحياء ياللي ماتستحي على وجهك والله لأحلف منك

مدى الحياة فلانه وش سوت لك انت ماتستحقها ولا تستاهلها

انا ما اعرفك ولا انت بولدي لو زوجتك طلعت اليوم من البيت

المهم جت عندي يابنتي تعوذي من ابليس ماعليك منه غلط عليك

الحين اكلم عمك ياخذ حقك منه ومالك الا طيبة الخاطر وكانت

معانا وحدة من اخواته مشتركه بالخطة قالت لها يا امي خلاص

خليها براحتها تروح لأهلها ونفتك منه مشاكلها هيه وزوجهاعاد

ام زوجي ولعت وشعللت في البنت وقالت لها حتى انتي معاه

الحين ابغاك تقولين لي من اللي بتجينا احسن من فلانه ونزلت فيه صنوف التهزئ وآخر شئ ضربتها وطردتها وجلست تترجى

فيه إني ما اترك البيت ولما شفناها تعبت وماعاد قدرت تتحمل وانهارت وجلست تبكي وتدعي على ولدها وهي عندها الضغط

تراجعنا خفنا على صحتها بس ماعلمناها بالمقلب الا بعد ايام

ام زوجي طيبة وحنونه اذكر اول ما تزوجت ولدها كانت باقي

ماشاء الله بصحتها كنا انا وبناتها نرو ح نسهر عند جيراننا وقرايبنا

في اليل والله انما ارجع البيت الا وملابسي وملابس زوجي

مغسولة ومسفطة بغرفتي والصباح تضبط الفطور وماتفطر الا

وانا معها هي وعمي ابو زوجي والله انهم مايجلسون على الوجبة

الا وانا معاهم مرة اذكر صرفو ا الأكل وجلسوا عل السفرة

وجاءت وحده من اخوات زوجي بتاكل مستعجله ذبحها الجوع

وانا باقي ماجيت وان عمي قال لها لاتاكلين حتى فلانه تجلس

معانا على الأكل وحتى لما يسبقني زوجي للأكل كان عمي

يقول له وين زوجتك وليش ماتستناها حتى تجلس معاك

ودائما يردد على زوجي زوجتك افضل منك واحسن منك

زوجي يموت قهر يقول نفسي اعرف بس ليش ابوي وامي

يحبونك اكثر مني ويصدقونك اكثر مني انا صرت عندهم ولا شئ

حتى لوحصل بين زوجي وابوه نقاش حاد عمي يقول له

بسامحك هاذي المرة بس علشان فلانه يقصدني مو علشانك

انت ولأن زوجي يحب يمز ح معاهم مز ح ثقيل ابوه يطفش من

مزحه ويقول له الله يصبر زوجتك عليك وعمي طيوب وحبوب

وحماي عندي حمو واحد والله انه لو جاء من السفر انه يجيب

معاه هدايا ويعطي امه يقول لها اعطي ام فلان تختار هديتها

بنفسها والباقي اعطي البنات اخواتي يختارون منها وماشفت

منه الا كل خير واخوات زوجي طيوبات والله اني آخذ لهم هدايا

هم واخواتي هية نفس النوعية بس صعب انك تلاقي نفس

الشكل احيان تختلف الأشكال الألوان واخواتي عددهم 3

واخواته مثلهم فلما اشتري الهدايا اعطي اخوات زوجي يختارون

اللي يبغونه منها والباقي اعطيها اخواتي بس اخوات زوجي

يرفضون ويحلفون انهم ما يختارو هداياهم الا بعد مايختاروا

اخواتي دائما يسون معاي كذا مستحيل ياخذون شئ الين

اخواتي يختارون يقولون مهما كان اخواتك لهم حق يختاروا

وهي نفس الشئ كلها هدايا واهم شئ شوفتكم عندنا اكبر هدية


دائما لما اسافر لهم وتنتهي اجازتنا ونهم بالرحيل من عندهم

آخر ليلة عندهم تصير مناحة يحزنون على فراقنا وحنا نحزن

اكثر منهم والله ان عيالي طول الطريق وهم يبكون عليهم حتى

الأكل ماعاد نوقف بالإستراحات وناكل مثل الناس تصيرمأساة

لما نسافر من عندهم نحس بوحشة وحزن عميق في انفسنا

طبعا هاذي نبذة عن حياتي مع اهل زوجي ولو كتبت كل النبذ

اتوقع صفحات موضوعك بتتجاوز المئات بس ربك ستر يا ملائكيه

اختك في الله يدها تعبت فقررت اكتفي بهذا القدر وبارك الله فيك

والله يجزاك خير يغلاتي .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

دانه سوريـا

ملاحظه جيده بالنسبه لان أغلب الزوجات يقدمون سوء الظن لانهم أهل زوج فقط
شكرا لكِ على مرورك شرفتيني ..

دنيـا الغلا

صدقتِ عزيزتي
شكرا لكِ على المرور


يارب

كلامك صحيح ودايما يقولو أسأل عن ام الولد او أم البنت وبتعرف كيف بيكونو الابناء ..
تسلمي ع المرور


عصفورهـ

انا كمان رأي من رأيك إستشاره الخبراء المتخصصين في المشكلات الاسرية أفضل بكثير من تدخل الأهل ولكن مو كل رجال يرضى يروح لمتخصص للأسف
اتوقع نظرة المجتمع للمتخصص مثل نظرتهم للدكتور النفساني صعب يتقبلوهـ واذا حصل بيكون بالسر مادري ليش !!
شكرا على حضورك مره أخرى عزيزتي ,,

شـاااب

أخي الكريم ماشاء الله تبارك الله الله يحفظلكم الوالد والوالده ويخليهم لكم نادر مثلهم ماشاء الله ..
جميل أن أرى العديد من العلاقات الناجحه بين اهل الزوج وزوجة إبنهم
مايجعلني أطمئن على مستقبلي ,,
شكرا لمرورك ..