عزيزتي بالنسبة الي وقت يكون الزوج طيب وكريم وصار عنده تقصير بسبب مرض
وفي اولاد
انا بشوف الزوجة اللي بتحب زوجها بتنسى شي اسمه علاقة وبتعيش معو بصحته وبمرضه
طبعا اذا حست انها مستحيل تفكر بشي يغضب ربنا بسبب التقصير
والا الانفصال افضل حل
بس هون كمان بدها تفكر في حال انفصلت وفي احتمال ربنا ما يرزقها رجل بوقت قريب
شو بتكون استفادت من الانفصال
احسبيها مزبوط من كل الجهات
او ممكن تشوفي حالك ئديش فيكي تصبري
حاولي تبحثي بالنت عن اساليب وطرق بتساعد لمثل حالات زوجك
شوفي شو البديل وما تيأسي بهالزمن كل شي الو حل
وممكن رفض زوجك لانو عارف مقدرته
لو فيكي مثلا تمهديلو الطريق انو هالشي ما بيعنيلك لتعطيه دافع وثقة بنفسه
وانو لو مرة بالشهر عن طريق استشارة طبيب لياخد زوجك اشيا تساعده
وانو هالشي كرمالكن مش بس لوحدك
ممكن يتشجع ويلين ويصير هو يعمل المستحيل ليسعدك
كوني المحفز
وبالنهاية ما حدا بيقدر يجبرك تستمري اذا ما قادرة تستمري
اسأل الله ان يشفي زوجك وان يفرج همك ويرزقك السعادة من حيث لا تحتسبين
احترامي