اول شي معليش ممكن استفسر عن الاسم توفي وفيصل اسامي اطفالك مو ..؟
لدي اطفال الله يصلحهم ويحفظهم .. لكن اسمي توووفي ..وفيصل . وازيد بالنقطه شرح واحطك بالصورة كمان عشان توضحلك اكثر ,, لاجتمعنا مع متزوجين اكثر من مره بالاسبوع كل واحد يرمي تعليق عالثاني ونقوله (( الاشاره عندك حمراء )) معناها الزوجه معها الدوره :14: يعني انت حر طليق هالاسبوع مع انه اكثر شي تحتاج الزوجه للزوج بها الفتره , بس ياخذها حجه ويطلع وهي تاخذها فرصه انو ماتبي يتقزز منها ويبان منها شي مايعجبه معلومه جديده .. بس الي اعرفه انو بهالفتره ..اغلب الازواج ياخذونها فتره للانطلاق وتغغير الجو .. باي طريقه ..كانت ’’ ^^ والمغزى من هالكلام ان اغلبكم تحسس الرجل انه ملزوم بجلسة البيت والواحد يخاف على مشاعر زوجته وزعلها عشان لاجا اخر الليل عالفراش ماترده هو مو ملزوم انه يجلس بالبيت .. طيب ليه فاتح بيت ..مادامه يحب يجلس بالاستراحه .. والمراه الي تخاف من الله ..ماترد زوجها ..؟؟ واذا بيجلس بالبيت غصب ..وماد بوزه ..لا يجلس .. يعني الرجال لو جلس بين زوجته واطفاله ..بيكون متضايق ؟؟ ولما اطلق سراحه ...يكون نوع من الدلال يعني .. وانا استغرب منك ومن اغلب البنات الي تسئل عن الي يرضي الزوج,, انا مدري شلون تفكرون والله خلق امنا حواء لادم عشان مايستوحش الجنه,, وفي حديث للرسول صلى الله عليه وسلم فيما معناه(( اعظم فتنة على امتي فتنة النساء)) هو اكيد ان الزوجه الصالحه من النعم على الزوج.. المشكله نفس الزوج ..دايم ماد بوزه .. والمراه حساسه ..وتحب تسعد الي قدامها وترسم البسمه ..على شفاته .. فكيف اذا الي قدامها نصفها الثاني .. والرجل بطبيعته شهواني وعيونه يمين يسار ولو كان متزوج 4 والسبب التجديد بالنظره يملي عينه الا الصابرين وباغين الاجر من الله ونستشفي من هالكلام انه انتي وغيرك والله تخلي الرجل خاتم باصبعها بس الدور هنا عالزوجه مع مرور الوقت والسنين تصيب الرجل الملل والفتور وتبدء المرأه تحس بالنقص وتدلل الزوج وتهتم اكثر وهو رايح وهو جاي تدلعه والرجل مو محتاج هالشي والله طيب ..يعني لما يحس الرجل بملل بعد فتره من الزواج .. الحل مايكون اني اتفنن بالدلال .. طيب وش الحل .. الرجل الي يحتاجه من مرته تخليه هو يحكم هو يقارن انتي سوي الشي على طبيعتك ولو تتصنعي شي قوليله السبب فيه ,, بس لاتدلليه وتدلعيه بحكم انه انا مهتمه فيك وهذا اثباتي لا لا لا ,, نصيحه لوجه الله لاتخلي الرجل يحس انه متمكن منك وانك تجري وراه هذي اكبر غلطه خليه يحس انه عنده وحده تحب الرومنسيه مثلا تحب الدلال بطبيعتها سوائن لك يابو فلان ولا لزوج غيرك يعني خلي زوجك لما يشوف كل هالدلال والدلع منك مو من اجله حسسيه انه هذا الي تسويه لاي زوج بس كيف عاد مدري انتي واسلوبك وقدرة تواصلك مع شخصية زوجك ترا انتي كذا تضربي قلب الرجل بالوتر الحساس لاوصلتي لتفكيره انه انتي امرأه تدلل اي زوج ,, مو زي لما تدلليه وتدلعيه لما تشوفي منه عدم اهتمام وتبغي منه الاهتمام وتكافحي وتعملي وتسوي وليالي رومنسيه وماني عارف ايش ترا والله ماتعني شي اذا حس الرجل بانك تجري وراه بها الشي,,, مثلا مثل الرجل لما يغرق مرته فلوس ويشتريلها اي شي وكل ماشاف منها صد او عدم اهتمام يغريها بالفلوس وطبيعي المرأه بتحس انه هالشي مصلحه وانه يبي منها شي مقابل هالمبالغ والمرأه تكرهو زياده ممكن وتقول ابغى منه عقله وتفكيره مو يسكتني بفلوس او يوصل لمبتغاه عن طريق الفلوس ولو تلاحظي بالي حولك لما تجي وحده مطفوقه يعني على نياتها يموت فيها الزوج والسبب تعمل الدلال مثل ماتعمليه انتي بس الفرق تعملها وهي سامعه بالرومنسيه والشموع وتسويها من باب الرومنسيه مو من باب اجري ورا الزج او شوفني مهتمه فيك وادلعك ,, اهم شي الاحساس الي يوصل للرجل انه الي تعمليه بتسويه معاه او مع غيره والزوجه صادقه لما تقول مايملي عين الرجل الا التراب , لانها جالسه تسوي شي وتبي توصل لمبتغى معين من ورا هالاشياء وبكذا تتحطم وتكره الزواج بكبره لما ما توصل لهالشي وبالاول والاخير والله انتي بيدك كل المفاتن وعندك الف باب وباب ,, ابدئي من باب تغيرك بنفسك لنفسك بالنيولوك بالمظهر بالمشاعر ,, بس اياني وياك تغيري شي وتصطنعي شي من اجله هو وبس بكذا توصل لمرحله انه يذلك لاسمح الله ,,, الي تقدميه لزوجك من اجله هو بالامور السطحيه مثل تنازلات تتنازلي عن نص راتبك له تتنازلي عن اختيار شي معين اختلفتو فيه اما غير كذا لا والف لا |
اهنيك والله
وربي يوفقك شوفي ابدي معي وحده وحده وباذن الله راح ترتاخي وراح تدلعي زوجك 1- اذا زوجك تأخر عند اصاحبه وانتي تبينه لا تتصلين عليه ولا شي وتزعلينه بالكلام وطولت اللسان ارسليلي مسج حبيبي اشتقتلك وينك ومتى تجي وانا ماراح انام انتظرك :من الكلام هذا 2- اذا جاء زوجك من مكان معين اذا من العمل جهزي لك احلا حمام دش واحلا اكل من يدينك واذا من اصاحبه جهزي له احلا عصير وشي حلوو وانتي البسي احلا لبس يغريه !! 3- اذا بغيتي شي من زوجك لا تطلبينه وهوا معصب خليه لين يرتاح ويروق وقولي الي عندك وبهداوه ونصيحه اذا قال لا لا تردين عليه وتقولي ليه لا خليه شويات وقولي حبيبي ليه لا ومن هاي الكلام. 4-رجل مايرتاح الأ يكون البيت نظيف ومرتب ومعطر وغرفته كذالك وانتي وعيال كذالك . والله يوفقك ويسعدكم ويسعد اخواني المسلمين وكــــل عام وانتو بخير |
كلام الأخ الهدوء عنواني جميل ما شاء الله
وأنصحك أنا بشيء واحد تجدين فيه الراحة ..... لا تتخلي عن شيء من هواياتك واهتماماتك من أجل زوجك لا بد يكون لك عالمك الخاص بك .... هذا مهم جدا حتى تكون هناك مساحة بين الطرفين لأن كل طرف يحتاج مساحة له كإنسان بعض النساء تعتقد إنه ممكن تمتلك الرجل كله ... عالمه وعقله ومشاعره وهذا ضرب من الخيال هو شريك لك وليس ملك كامل لا بد أن تمتلكينه كاملا |
الجواب باختصار عند ي حبني لك
امتع و اقنع والنقطه الاخيره من اهم النقاط لانها تعني لنا احنا الرجال بان الزوجه مهتمه |
[
الحل بذي الفترة شي واحد لو تسويه خلاص انسي امر زوجك اعتبريه بجيبك كوني صديقته خلي امور البيت والاولاد بذي الفتره قليله خليه يحس انه مع صديقته باستثناء وقت العلاقه عاد كيف تكوني صديقته هذا على حسب حياتك مع زوجك وتختلف من من شخص لشخص ومن بيئه لبيئه اكون صديقته .. لما اكون محاوره منصته .. لما ماادقق على اي كلمه يقولها ..ماعدا الاهانه والسب واللعن .. وارد له بعض الذبات .. واخذها ميانه . واختي بقولك على حاجه لاتفكري ان فترة ملل الزوج او ماد بوزه بالبيت معناته مل منك او ماصرتي حلوه بنظره وا وا وا الخ من هالافكار ,, ترا هذي بين الجميع هي مراحل نتعداها وبكل اخر مرحله يصيبنا ملل سوائن بالحياه الزوجيه او بين الاصدقاء وتتجدد مع الوقت والله ايزي الوضع مثل المد والجزر بس انظري لحياتك وحتى لو محتاجه للحب والعطف انظري لنفسك ايش يستهويك مثلا من مشاريع من افكار من صديقات اللهم يسعدك يارب ويعطيك على قد نيتك |
السلام عليكم ورحمة الله تعالى وبركاته
وعليكم السلام ورحمة الله وبركاته .. عيد سعيد للجميع وكل عام وانتم بخير وانت بخير .. اختي توفي وفيصل بالنسبة لعطاء الزوجة هذا يرتبط لعطاء الزوج !! ايش يعني ؟؟ يعني اذا الرجال يستاهل انك تكونبن متفانية معاه وطيبة وحابة ادلعينة من باب رد العطاء انا اقولك عطية كل اللي عندك من دون تردد. وإذا كان مايستاهل ف أكتفي انك تقيمي معة حقوقك الزوجية من فراش ومأكل ومشرب ونفس طيبة. باذن الله انه يستاهل ..الله يهديه ويهديني .. طبعاً الرجال بشكل عام يحب يكون في بيت اهلة سيد!! يعني يرد من الدوام (إذا كان دوامة يكون فيه اكثر الوقت واقف مثل حظي) اتجهزين له طشت موية وتخلينة ينقع ارجولة فيه وادلكينها له مع كم كلمة حلوة وبوسة على الأيد وقولة الله يعطيك العافية !! والله انها عندنا يالرجال بالدنيا كلها. معلومه جميله .. الرجال يحب ان تكون زوجتة مطيعة له !! يحب ان زوجتة اتجملة مع اهلة وربعة وناسة وترفع راسة بالذكر الطيب!! يحب يشوف إبتسامتها ورضاها علية وبحياتها معاه!! يحب ان تكون زوجتة واثقة فيه ومعتمدة علية إعتماد كلي!! ولو كان مشخااال ..وش السواة .. يحب ان تكون زوجتة متنفسة النفسي الوحيد في الدنيا وخندق اسرارة!! إضاءة !! -لا اوافق المثل الذي يقول (كوني له اماً يكن لكِ عبداً) ف هذه ك معنى خاطئة ، بل يكن لكِ أبناً صالحاً ، ولا اعتقد بأن الزوجة الصالحة تتمنى ان يكون زوجها عبداً لها!! وإلا لما احست برجولتة. - الاخت التي تقول ان الرجل (في اوقات معينة) يحسن من تعاملة مع زوجتة ويعاملها معاملة كويسة عشان ماتردة لابغى افراشها ، ف هالشي ينوخذ منها من ورى خشمها ولابها مَنّة ولا جمالة ، والرجال اللي يسوي كذا ضعيف شخصية. كل التقدير. |
توفيييييييييي كل عام و انتي بخيير ياعسل
وانتي بسلامه حبيبتي ..على فكره انا توفي مو عسل ..؟؟ ادري الموضوع للزوج .. بس ايش تسوي باللقافة عادي تعودنا على لقافتك ..وش ورانا نسمع لك ..تفضلي ادلي بدلوك .. والله ياختي عندي اقتناع انه الرجال يختلفون و برغباتهم يتنوعون و على نسوانهم يتأمرون يعني قايله جبتي شي جديد .. لا بجد .. كل واحد يختلف عن الثاني بتلاقي رجال يقولك ابي اكلي جاهز و بيتي نظيف و مبخر واحد ثاني يفضلها متشيكة 24 ساعة ومايهمه البيت كثير واحد ثالث يفضلها مزوحة و كل شوية بنكته ورابع يبيها رزينة و مثقفة .. رجال تحب الرومانسية و المفاجات و الليالي الملونة ورجال (مثل بعللوتي ) مايعرف يسبك الدور و يقلبها ضحك وتنكيت فا افضل شي شوفي ابو الشباب عندك هو ايش يفضل .. ركزي معاه... خليك اسبوع كدا مراقباه مراقبة شديدة من بعيد لبعيد و ان شاء الله تستنبطي مايفيد او قومي اخترعي لك مجموعة من الاسئلة و اساليه ياه (على اساس انك تحللي شخصيته) واساليه كل اللي براسك (بس جيبيها بشكل غير مباشر) وبالنهاية صرفيه باي نتيجة خخخخخخخخخخ . بس تكون كلها مددددح و بتطلعي بمعلومات مفيييييييييييييدة... وربي يسعدك و يوفقك حبيبتي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|