رايي ارسلي له رسالة لطيفة تسالي عن احواله

و اذا طلبك للرجعة قولي له يمر ياخذك

و ان شاء الله تظبط

حاولي تلمين الموضوع.. لا تكبر القصة ويتزوج فعلاً
واللي صبرك كل اللي فات يصبرك عمر جاي .. انت خلفتي
بدل الواحد اثنين.. وخروجك من البيت بالشكل ذا غلط
من الاخر انت بخيرك وهو بخيره ومو على اي شي
تلمي اغراضك وعلى بيت اهلك وبعدين تكسري
جواله اتصالات.. دامك في حاجته حتى لو عشان عيالك
كني في بيتك وعالجي امورك بحكمه اكثر..

كلمني اخوه مارديت بعدها كلمتني زوجته الي هي خالتي قالت فلان كلم يبكي تعبان
وش فيكم
قلت مابي اتكلم بالموضوع

كلمته قلت وش فيك قال ليش تتركيني انا تعبان ورحت المستشفى تعالي
قلت خلاص بسوي شوربه واجي
وللمره المليون طلع اللوم علي

ماعندي خيار غير اني ارجع
يوم كانت صحته كويسه قالي تعالي اخذي جميع أغراضك وتوكلي ع الله

طردني والمشكله بسسسسيطه جدا بس ابي منه اعتذار
ع كلام وسخ انا مستحقه
والله العظيم اني عايشه معه ببساطه جدا ولا أكلف عليه انا عندي فلوس وأشتري الي خاطري فيه
بس ماضايقه ع ان حالته الماديه ممتازه
بس انا ابي أعيش بسلام مابي مشاكل وكثره كلام
عشان فلوس
وش كافئني فيه ؟؟
مو بصلح تهديد طلاق واتنازل عن المؤخر
صراحه صدمه والله ماتوقعت هذا الشي
لا وبعد يقول اصبري بس سبوع سبوعين وأخطب وتجين غصبن عنك

صراحه فكري مشغول جدا ماني عارفه مصيري معه

انا مادري وش يدور برأسه اخاف شهر شهرين ويطرد نئ

معد اثق فيه

انت ليه متوقعة البلاء قبل وقوعه

قدمي حسن النية و احتسبي الاجر و روحي اطمئني عليه مادام طلبك و قالك مريض و اهله اتصلوا بك

الي يبي يتزوج ما يهدد هذا الظاهر جهده في لسانه الله يهديه و يسخره لك

__________________




( اخوتي و اخواتي ان لم تجدوني بينكم في الجنة فسألوا عني )

يا اختي خلاص انسي اللي صار

و هو المسكين تعبان، روحي سوي شوربة حلوة و روحي له للمستشفى

نقطة اخيرة، لا بثى تتعاملي معه على انه هذاك بيته وحده، وقت ما يبي يطلعك و وقت ما يبي يخليك

روحي و افهمي ليش هو تعبان و من ايش يشكي، و خلي الاولاد عند امك لين يطيب، بس نصيحة اذا اخطأ لا تردي عليه بخطأ اقوى منه، علميه انه كلامه بيجرحك و بيبعدك عنه

و ان شاء الله ما عليه شر

شكرًا لكم ماقصرتو

سويت الشوربه وجاء اخذني ورحنا البيت وجالس يحط اللوم علي

ملتزمه الصمت ماباليد حيله اي كلمه بتحاسب عليها

هو الحين صحته كويسه وطلع للمقهى

ولا حتى قالي انا أخطئت بحقك

انا خايفه ان رايه يتغير بعدين ويستغني عني بعدها أموت فعلا

لا حد يقولي انتي تظنين ظن مو كويس
مابي احد يعلمني انا لي سنتين تقريبا وانا ابني للمستقبل حياه جممميله بعيده عن المشاكل وكنت اتغاضى عن كل شي

بس سؤال لو ماجته الحمى والتعب وش مصيري رح يكابر ويهدد وراح اتطلق

ع انه قالي الحمد الله تعبي خيوه وانا ماقدر اتخلاى عنك
مرضه هذا خيييييره

مقهوره مارد اعتباري ولا شي
أقوله لازم أغير المفرش عشانك مرضت فيها قال مامعي فلوس ولا تطلبين شي رجاء

هههههههه

الله المستعان

يا حبيبتي خليكي لطيفه شوي مع زوجك
ايش هاذا يا قلبي تردي الكلمه عليه بعشششره
ومحسسته انك مستغنيه عنه
تعرفي ايش مفتاح كل رجل ( الطاعه )
غير الطاعه فيه امور ثانيه بعيده عن سالفة كرامتي واعتباري ومدري ايش
كرامتك من كرامة زوجك ولو قالك كلام وسخ وقت الزعل دخلي من اذن وطلعي من الثانيه واذا تبي تردي بكلمه وحده بس الله يسامحك
بس يهدا كوب ليمون بارد وبوسه ع الراس واليد والله بيحط لك الشمس بيد والقمر بيد
نري الرجال يقدر الي تتنازل وتتغاضي وتمشي الامور حتي لو مابين هالشي بس يقدره بينه وبين نفسه
لا تجبري زوجك يعاملك بهالاسلوب الي ماتحبيه
وين الاحترام بينكم ،،، ابدائي انتي بالاحترام له وهو بيرد عليكي بنفس الاسلوب
مو لازم توضحي زعلك له بالكلام والروحه لااهلك ورسايل الواتس ووووالخ
يقدر هو يستشعر هالشي من نفسه من مسامحتك له بيقول كسرت خاطرها وهي مشت السالفه والله ماتستاهل
وبيزيد رصيدك من الغلا عند زوجك
احتاجك وقت المرض ارمي كل شي وراء ضهرك مشاكلك وزعلك واعتبارك واركضي له وراضيه وحطيه عكفوف الراحه اكرامآ للعشره واكرامآ انه ابو بنتك مو محتاجه تشاوري احد اروح ولا لا
لا تطيحي من عينه يا حبيبتي
حتي لما قالك انا مريض المفروض من صوتك يحس بخوفك عليه مو تستني يتصل اخوه
الله يهدي بالكم يارب ويسخر لكم الخير
اتمني تقرائي انماط الشخصيات عشان تتعاملي مع زوجك صح

انا الا الان محترمته ومستحيل أرد الكلمه بعشر
الكلام الي كتبته لكم كله فضفضة

أنتم بعد حطيتو اللوم علي

ترا مايهمني فلوس ولا شي بس ابيه يتأسف ابيه يوعدني انه مايخليني

عايشه معه 5 سنين يوم عرف اني تضايقت قالي توكلي ع الله

زوجي عارفته اذا غلط وسكت ييييزيد والله يزيد
لا زم أوقفه عن حده
ووممكن هذا الامر خيره زعلي عليه

بس يالله الحمد الله ع كل

والله يجزاكم خير

دام مافيها ( خيانة ) أمر هين

والباقي من المرأة هي تفرض احترامها وعزة نفسها مو تجبره على ذلك .

__________________

ياعمري عليك
نفس مشكلتي حالياً ونفس عدد السنوات بعد
كلما احاول افكر ارجع له اتذكر كلامه وتهديده واقول لو انه يبيني ارجع على الاقل يحاول يسال عني وعن اولاده بس يرسل لي ابي اكلم بنتي ومابي اندم انا بعدين اني رجعتله بنفسي الا اذا رد اعتباري قدام اهلي وبشروطي ارجع له غير كذا مستحيل اتنازل حتى لو كنت احبه
والله يكتب اللي فيه الخير لي ولك ان شاالله مافيه ام بتهدم بيتها بنفسها الا اذا اساس الحياه الزوجيه انعدم مثل الاحترام والثقه بين الطرفين