الحمد لله الفرح ( او العرس مثل ما بتقولوا ) كان جميل واسلامى طبعا يعنى منفصلين النساء والرجال
وجبت فرقة بنات حلوة وخلت الفرح جميل الحمد لله ربنا يبارك.
لكن اللى ندمت عليه الحمد لله يعنى ......انه واحدة وانا بنت قبل الزواج بفترة قالت قدامى ( على سبيل الحكى ) انها يوم زفافها قعدت فالغرفة لوحدها 3 ساعات تبدل ملابسها وتجهز..........افتكرت انه دة العادى
وفعلا........دخلت وفكيت شعرى واخدت دش و حطيت مكياج و و و ......ومن هبلى بقوا فعلا حوالى 3 ساعات........
انا لله وانا اليه راجعون اللهم اجرنى فى مصيبتى واخلف لى خيرا منها..........طبعا ضيعت معظم الليلة.......وهى احلى ليلة........الحمد لله........
بكتب مخصوص علشام انصح اى بنت انه فى يوم عرسها ان شاء الله ( ربنا يرزق كل البنات المسلمات الازواج الصالحين يا رب )...........انها ماتضيعش وقت لوحدها..........
تحاول تستغل الليلة كلها جمب زوجها ........ولو غابت عنه ماتغيبش كتير..........
وكمان نصيحة تانية..........يوم كتب كتابى كنت بتزف فالسيارة وقعدت جمبى واحدة.......وقعدت ارحب بيها وانا فالنص بينها وبين زوجى..........لا عارفة اندمج معاها ولا عارفة اعيش اللحظة اللى انا فيها مع زوجى ...........قدر الله وماشاء فعل......طبعا ماكانتش حركة حلوة خالص.
لكن الحمد لله صلحتها فيوم الزفاف ومحش قعد جمبنا.
وكمان انصح كل عروسة انها تحاول تاكل ( تتغذى يعنى ) باى حاجة بس تهتم..........علشان انا فى يوم كتب الكتاب ويوم الزفاف.........الاتنين ما اكلتش كويس خالص .......ماكنتش قادرة اكل بالنهار.......
فيوم كتب الكتاب كنت فاكراهم هيعملولنا اكيد عشاء مخصوص ليا ولزوجى..........طلعوا انهم نسيوا.......الحمد لله وبعد ما الناس مشيوا ......كان الاكل تقريبا خلص بعضه او قرب يخلص ودورولى على اى حاجة آكلها.
فيوم الزفاف بقى........برضو كنت تعبانة وجعانة جدا والناس بيتعشوا .........ومارضيتش آكل معاهم علشان أطلع أتعشى مع زوجى.......طلع زوجى اتعشى هو مع الرجال........ولما طلعنا ماطلبش منى احط العشاء غير تقريبا الفجر.........وانا دة كله ماأكلتش حاجة طول النهار تقريبا غير ساندوتش او اقل وانا عند الكوافيرة..........
ولما حطيت العشاء مايتهيأليش برضو انى قدرت آكل اوى...........لولا الله يسترها اخت صحبتى فالفرح وانا عامة نفسى ذوق ومش راضية آكل الا لما اطلع مع زوجى........اكلتنى كام قطمة مكرونة كدة بايديها .........وكان طعمها جميـــــــــــــل...........وكان نفسى اكمل........بس عملت نفسى ذوق
فأنصح كل عروسة ماتبقاش تستذوق اوى كدة........لا تقع من طولها.......
من المواقف المضحكة برضو...........احنا دايما من النوع اللى بنتأخر.........ف فى يوم الزفاف عملت حسابى بقى واتفقت مع الكوافيرة انى اخلص بدرى فبالفعل ولأول مرة تقريبا تحصل عندنا انى انا العروسة اخلص وافضل مستنياهم واتصل عليهم علشان ييجو ياخدونى وهم اللى مش فاضيين او كان زوجى لس ماجاش .....حاجة زى كدة............المهم........جم خادونى اروح عالبيت عقبال ما يجهزوا نروح مكان العرس
وماكانش حد فالبيت.........ودخلت الحمام( اعزكم الله )..........وانا طالعة بقى براحتى بعدل فالفستان ( مفيش حد فالبيت غريب)............لقيت قدامى اخت زوجى......هههههه
أحرجت طبعا يعنى لما تشوفنى وانا عروسة تشوفنى وانا طالعة من الحمام.؟.
كنت عايزة بس اقول للبنات ما يقعوش فالاخطاء اللى وقعت فيها.
وجزاكم الله خيرا
والسلام عليكم ورحمة الله.