حبيبتي زينو ما رح قلك طنشي لانو في اشياء ما بينسكت عنها وخاصة السحر
فدايما اقرئي بالبيت لربنا يبعد عنكن كل اذى
واكمشيها من الايد اللي بتوجعها
اتحسبي عليها قدامها ولو مش من قلبك وبغيابها ادعيلها بالهداية

دعواتي ترافقك يا رفيئتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حسبي الله عليها سحر مره وحده
حصني نفسك وزوجك واقرأي الأذكار
اذا مرتاحه ببيتك اقعدي فيه
لكن توكلي على ربك وثقي فيه وتيقني ان مابيضرك
الا اللي ربي كاتبه لك
عامليها بالحسنى كل مااساءت لك حتى ماتحقد اكثر عليك
وكويس انك ماتردين عليها
لعل الله يهديها وتبتعد عن حياتك

__________________

كتبت رد طويل و طارت الطيور بأرزاقها..
ارجع ارد عليكم ان شاء الله

__________________

حاجة الناس إليكم من نعم الله عليكم ، فـ لا تملوا النِعم ☁✨

يعني يا زين بالعقل انت الاصغر والاجمل والاخيرة
طبيعي تكيدلك خاصة اذا كانت قليلة دين انتظري منها كل شى
لذلك يا عمري كوني حريصة وحصني نفسىك ولا تاكلين اكلها واذا انت خوافة مثلي هجي من المنطقة هذا سحر مو شى هين
وداىها رددي اللهم اكفني شرها
والله يحميك

حبيبتي جنى الموضوع مو سهل - اقصد الانتقال -
حياة زوجي في هذا البيت
هني مكتبته و مكتبه و مكان استقبال الرجال و غرفته الخاصة
يعني لو انتقل لمكان ثاني ما راح اشوفه الا وقت النوم في يومي

محافظة بإذن الله

انصحها و تزيد .. أقول لها عيب اللي تسوينه وو إلخ
تزيد في الشتائم..
أي لما اتحسب عليها تعرض علي حتى مبلغ و قدره عشان اسحب الكلمة!!!


والله ما ادري يا اخوي
هي تدبيرها ضعيف , يعني اللي يجي في بالها تسويه بدون حساب للعواقب

__________________

حاجة الناس إليكم من نعم الله عليكم ، فـ لا تملوا النِعم ☁✨

يا صديقتي الحبيبة .. بناته يكسرون خاطري
حتى لو كنت مرت ابوهم .. ما انسى مواقفهم ابدا
البنات معتبريني شخص مهم بالنسبة لهم .. يشاركوني يومياتهم اسرارهم
اذا يبون يقعدون معاي ينتظرون امهم تنام يضطرون يسهرون عشان يشوفوني..
علاقتي فيهم وايد طيبة .. لذلك أخاف اسوي شيء يؤذيهم .. فاهمتني ؟
الشيء الثاني ردي عليها يا صديقتي معناته نزلت نفسي لمستوى قلة الاحترام
و انجريت لمنطقة ما احب أكون فيها...
أي خايفة من موضوع السحر ...
ولو ان ما أتصور انه يرقى لمرتبة السحر
لان حسب معرفتي اغلب اللي عندنا يدعون السحر .. بس ما يتقنونه
يعني مجرد ضحك على الناس وياخذون فلوسهم .. والله اعلم
اليوم صار شيء بعد شويه اكتبه لكم

اهلين رفيئتي ..
بتحسب عليها ئدامها بتئولي بتنئلب احوالها
بتعرض عليي مبالغ مقابل انو اسحب دعوتي!
ييييا رب الله يهديني و يهديها


أي يا سكر مرتاحة في البيت
و حابته .. وما أتصور نفسي أعيش في مكان اقل منه
ما بيني و بينها أي تعامل
وما اشوفها ولا تشوفني الا نادرا جدا جدا جدا
ولكن صوتها يوصلني عبر الاثير

__________________

حاجة الناس إليكم من نعم الله عليكم ، فـ لا تملوا النِعم ☁✨

لا يازيون ماقصدت انك تردين عليها ابدا

اقصد قولي لزوجك عن الاذى اللي يجيك

او اذا ماتبين تاذين البنات عالاقل ابعدي عن اذاها

انقلي من البيت.. والله ان تشوفين دنيا ثانية

__________________

اختلافي عنك لا يعني اختلافي معك

اليوم تلاقينا صدفة
هي ما تروح مكتب زوجي
بس آنه عادة اروح المكتب والمكتبة
عندي بحث قاعده احضره ف استخدم المكتبة

صادف وجود بنتها هناك
- آنه و زوجي وبناته نشترك في موضوع القراءة نحب نقرأ واللي يقرأ كتاب يخبر الاخرين عنه بحيث ان نقرأه ونتناقش فيه إلا اذا كانت كتب تتعلق بتخصصي او تخصصه ام عياله ما تحب القراءة فما تنزل للمكتبة -
رايحة تأخذ كتاب نصحناهم فيه آنه و زوجي لان سبق وقريته وهو بعد

نزلت لان لاحقه بنتها متهاوشة معاها الصبح والحين فضت لها فنازله بتطقها
شافتني مع بنتها
- هي مانعه بناتها عني لأن حسب كلامها ان اذا صارت علاقتي قوية في البنات زوجي ما بيطلقني .. أما اذا ما لي علاقة فيهم ف بيطلقني!!! -
و طقت بنتها جدامي .. وآنه قامت تغلط علي بالكلام ..
سجلت صوتها و دزيته لزوجي...
طلبت منه عدم التصرف .. درءا للمشاكل
وانما يهددها فيه مو اكثر...


هل تضرفي فيه ظلم لها ؟؟؟!!

__________________

حاجة الناس إليكم من نعم الله عليكم ، فـ لا تملوا النِعم ☁✨

ظلم مييين؟

انتي اللي غلطتي؟

تبليتي عليها؟ قلتي شي مو فيها؟

تطاولتي عليها؟

حاولتي تسحرينها؟

خربتي بيتها؟

شدعوة زيون لاتجننيني! بقطع شعري الحين 😱

__________________

اختلافي عنك لا يعني اختلافي معك

لا تقطعينه ترى الحين يدفعون مئات الدنانير عشان يزرعون لهم 3 شعرات

ما تبليت عليها
بس صرت كأني انتهزت الفرصة و سجلت صوتها
مع علمي ان ردة فعل زوجي بتكون عنيفة اتجاهها..
وتسببت بمشكلة مع البنات
فانتي .. البنات محبوسين بغرفتهم خايفين يفتحونها لان بتطقهم
وللأمانة احس ردة فعلي خلتها تشب نار اكثر..
قالت لي عجوز ومطلقة و جاهلة تسوين نفسج مثقفة و جاية تقرين كتب وانتي الخط ما تعرفين تفكينه!
ابتسمت .. من ابتسمت شبت
ابتسمت لان دايما تكرر كلمة عجوز! وهي تدري اني اصغر منها بوايد!!!
ولاني ما اعرف افك الخط!!! انزين آنه جامعية وهي شهادتها اعدادية فقط
هالشيء ما لي يد به كله توفيق من رب العالمين
لكن غصب عني ابتسمت من كثر ما تكرر هالكلام
واذا على مطلقة ودي أقول لها سالفة طلاقي واريحها! ودي اخبرها ان آنه اللي خلعته و دفعت مبلغ وقدره عشان اتطلق منه



أتمنى أعيش بسلام

__________________

حاجة الناس إليكم من نعم الله عليكم ، فـ لا تملوا النِعم ☁✨