هناك خلل تقولين انك تخدمينه ولا اثمر هل انتي تسرينه اذا نظر ؟؟
الاهتمام بالزينة مطلوب حتى لاينفر منك ويوذيك

وعموما ادرسي قرار الطلاق
الطلاق كسر للمرأة بوصف حديث الرسول صلى الله عليه وسلم
هل انتي مستعدة لتقبل المجتمع ونظراته؟؟
هل انتي مستعدة لنسيان اللحظات والذكريات معه؟؟
كيف ستواجههين الفراغ العاطفي بعد الطلاق؟؟
هل ستضمنين ان هناك زوج يرغب بك )) الخطاب قلوا من قبل خمس سنوات وعقود الزواج قلت لاتفاع المعيشة ووضعك في السابق كان افضل كنت بكر والان مطلقة بأطفال
هل ستضمنين اخلاق زوجك الجديد وانه افضل من السابق؟؟
كيف ستواجهيين فراق اطفالك بعد الزواج ؟؟؟

الله يفرج همك

و الله يهدي زوجك...

بعض الرجال يفسرون القوامة بالتفسير الخاطئ..

الرسول اوصى الرجال بالنساء قائلا عليه الصلاة والسلام( النساء النساء و ماملكت ايمانكم)

فاين بعض الرجال من وصية رسول الله

أخي No#

ما عمرك سمعت برجال مريضين نفسيا ؟

ترى مو دايما العيب من المرأة ، هناك رجال ما تمشي معهم غير العين الحمراء

و الحمد لله زوجي مو منهم

لكن أعرف ناس كذا و زوجاتهم مو مقصرات معهم

ياأخوي
لاتسكرها بوجهها
لازم يعني يطلع العيب منها
تطلقوا نساء من رجالهم
سلفا وخلفا
وهذا لايعني أن أحدهم لايصلح وأن تفرقا يغني الله كل من سعته
زي مافي النساااااء مقصراات
أكيد في الرجااااااال مقصرين
وهل ذكرت الأخت انه تريد الزواج من رجل غيره !!!!!!
سبحان الله
تخيل ان صاحبة الموضوع بنتك - أختك - أمك
ورد عليها من جديد

__________________

أختي وحبيبتي كان الله في عونك وأثابك على صبرك
خلي الصرفيه على جنب لأن معظم الموظفات يصرفون داخل بيوتهم ومن خبرة
لدي خمس أخوات موظفات يصرفن من ناحية الملابس ووسائل الترفية على أنفسهن وعلى ابنائهن
حتى الخادمة استقدامها ورواتبها

استخيري واستشيري

استخيري وسوف تجدين نفسك في ما أختاره الله
الدعاء له بالصلاح
دعاء الفرج
دعاء الهم
دعاء اللهم أكفني بهم بما شئت
عندك ولدين ويسمى الأطفال بين والدين مطلقين شرعا
أنصاف أيتام
أختي تذكري يوم ترجع فيه كل نفس الى الله ثم توفى بما عملت

هوني على نفسك
والله
ياأختي واحدة من شقيقاتي في نفس وضعك
وأنها صابره عمرها 29
اللي يشوفها يقول 25
خلاص أول شيء تقول لغيته من حساباتي لأنه مايعاشرها
كمان مايصلي خذي
أنه لايغتسل من الجنابة
سب وشتم
ضرب لالالالا لأنه يخاف من أهلي
ولا مابيقصر
عندها بنت وولد جميلة جدا جامعية موظفة والحمدلله بنت عز ونسب

لكن......!!!!!!!!!!!!!!!!!


أصبري ياحبيتي عشان عيالك
الله يجعل لك من كل ضيق مخرجا

__________________

يا اختي الله يكتبلك الاصلح
ولكن من وجهة نظري رجل بهذة الصفات التي وصفتها لا يستحق كلمه رجل انسان انكسرت منه صفات الرجوله حتى لو افترضنا انه لا يحبك ليست من شيم الرجال فعله يضرب امرأه وليست اي امرأة زوجته المسؤل عنها لا لتأديبها عن ذنب ارتكبته بل لذلها ويأخذ اموالها بالقوه بأن تعطيه او يمنعها من عملها بحكم سلطة ويأخذ منها نقود ليصرف على ابنائه ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
(فامساكن بمعروف أو تسريح باحسان)
نصيحتي لك الاستخاره الاستخاره الاستخاره والدعاء لكي ولأبنائك بالأصلح

__________________
اللهم أني أمتك بنت عبدك بنت أمتك ناصيتي بيدك ماضي في حكمك عدلن في قضاؤك اللهم اني اسألك بكل اسمن هو لك سميت به نفسك أو وضعته في كتبك أو علمته احد من خلقك أو ستأثرته في علم الغيب عندك ان تجعل القرآن الكريم ربيع قلبي ونور صدري وجلاء همي وذهاب حزني

الله يعطيك العافية اخي no#1 ... بصراحه انا سعيدة جدا جدا جدا بتفاعلك مع موضوعي ومحاولتك توضيح جميع السلبيات الممكنه في حالة اتخذت قرار الطلاق ...

ام بسؤالك اني اسره اذا نظر فوالله الذي لا اله الا هو اني البس في اليوم 3 او 4مرات ... يجيني الصبح وانا لابسه ومتزينة ومعطره البيت بافضل انواع البخور وارقاها... بعد الظهر البس لبس آخر ... اسوي العشاء وبعدها ابدل ملابسي واتعطر واعطر البيت .. وبالليل انوم عيالي قبل مايجي بساعه وابدل ملابس واجهزله فاكهه او عصير او اي شيئ خفيف وانتظر وصوله ... ولا يروح فكرك للدراعات او الجلابيات ..لو تشوف دولاب ملابسي ماتلقى فيها ولا وحده... حتى وقت الحمل ماألبس الا بنطلونات وتنانير وخلافه .. والعطر بشهادة اهله يعرفون اني مريت من المكان من ريحتي.. والذهب والله اني البسه له قبل ماألبسه للناس ...بل أحرص على ذلك ... انا عارفه انه ممكن يروح فكرك بعد للحياة الخاصة وانه مو مرتاح معاي .. لكن الانسانه الفاهمه تعرف اذا زوجها مرتاح معاها من هالناحيه او لا ... وهو بنفسه وبدون قصد قالي هالشيئ ... انا مااحاول اني أظهر نفسي بمظهر الأنسانه الكاملة لأن الكمال لله .. لكن انا من قبل ماأتزوجه وانا قاطعه عهد على نفسي مع الله اني اراعي الله في الأنسان اللي باتزوجه واحاول اسعده قد مااقدر ... انا أقولك هو سعيد معاي ... وحده ماتقوله لا .. تدلعه وتدلله وتقول ابشر وسم .. احاول دائما ارفع راسه قدام اهله واخوياه .. مااعاتبه الا ماندر .. حاطه امه رغم خبثها فوق راسي ..يسب ويشتم ومااقوله الا الله يسامحك والله يهديك ... وفوق هذا اصرف على بيتي وعيالي وساكته ... وش يبي اكثر من كذا ؟
بالنسبه للمجتمع مااااااااايهمني ... لأن رضا الناس غاية لا تدرك وبما اني واثقه ولله الحمد اني ماغلطت فما عندي مشكله في التعامل مع الناس
اما الذكريات والحنين فما اكذب عليك انا اعاني من هالشيئ بس كل ماتذكرت او حنيت ارجع واتذكر قسوة وتحقيره لي واهانته واحس اني اتراجع شوي
الزواج ما افكر فيه نهائيا ً.. مافيه شيئ مشغل تفكيري ومسيطرعلى مشاعري الآن غير حبي وعشقي وخوفي على عيالي وبسسسس!
يمكن يكون الطلاق كسر للمرأة ... لكن احيان وكثير بعد يكون (عز) لها ... تحياتي لك

cutiepie ,, هذا الكلام يقال للعاقل واللي يخاف ربه .. الله يجزاك خير على مرورك

روح الطيرّّ ,, فعلا ً أحيانا اشك ان زوجي مريض نفسيا بل اوقن.. الله يكفيني شره يارب وشكرا لك عزيزتي

شروق السعودية ..ياحبي لك .. ايه تكفين قولي له لا يهبط من عزيمتي .. ولاتنسيني من دعائك

مرت الرجل ,, انا لي شهر اقرأ سورة البقرة كامله وبعدها أستخير .. لكن الآن خفت عزيمتي شوي .. والله يذكرك الشهاده راح ارجع اعيد برنامجي والله يختار لي الاصلح لي ولعيالي ..

شوفي بقولك شيء ياقلبي اغلى شيء للانسان كرامته

لاتعيشي وتتنازلي لانسان وحش ومايستاهل

وعيالك حرام يعيشو في جو كله اهانه وضرب والله بيكبرو بعقد نفسيه

اذا أهلك قادرين يوفرولك حياه كريمه ومعززه ومكرمه لاتترددي انك تعيشي عزيزة

وعيالك بالمحكمه لك مو له بس اهم شيء كوني قويه قدامه علشان لايستضعفك

الله يكتبلك اللي فيه الخير وصدقيني قلبي معاكي وحدعيلك

وليش انتي ضعيفة كذا الحق معاك والشرع والقانون وهذا تصرفاته مو تصرفات ادمي

الله يكون بعونك

عندي اخت نفس الوضعية
موظفة وزوجها تسلف منها مبلغ 50 الف
وتجينا تشتكي انا ساكت تدري امي وش تقول؟؟ اصبري عليه لو ياخذ حلالك كله !!
تنحاش وتجلس عندنا امي تدق على زوجها تعال خذها
ليش كذا؟؟ لأنها لو رجعت في البيت بتقعد داخل 4 جدران
اذا اختى عانس اصغر منها ما فيه احد يدق الباب يخطب كيف مطلقة ام عيال؟؟
المطلقة بتتضرر من الطلاق ولو كانت مظلومة

وبالنسبة للوصايا هذا شيء لاحظته بعيني اناس لادين لا اخلاق وحشيش وسفريات
زوج اختي ولا شيء معهم !! الي يتزوج مرتين وتنحاش الزوجات منه وتزوجوا والله كنت استغرب كيف الناس ترمي بناتهم كذا واقول الله يعين المسكينات
لو يجوني ويدفعون مليون ريال مهر ما ازوجهم ابدا
وفي الاخير طلعوا
يدلعون حريمهم !!!!! شيء غريب؟؟
حللت الموضوع وفكرت فيه
وفي الاخير اكتشفت بانهن مدلعات ازواجهن على الاخير

أسألك سؤال ليش حق الزوج عظيم ؟؟ ليش الى درجة لو كان السجود جائز لسجدت
فكرين زين؟؟
كيف نحل وضع النساء المظلومات؟؟ الي تنظرب والي تتطلق والي يخون زوجها في كل محل في العالم مو بس هنا
شوفي الغرب مع موجات تحريير المرأة ومساواة المرأة بالرجل هل نفع ذلك مع ظلم الرجل وتسلطه ؟؟ بالعكس زادت عندهم نسبة الطلاق الى 65% والخيانة الى 70%
وحلات الضرب الذي يوصل الى العناية المركزة نسبة عالية (قرأت ذلك لكن نسيت النسبة )
هذا شيء فطري الرجل مايجاب ابدا ابدا بالعنف راح يعنف زيادة !!
وبالحب راح يخضع حتى لو كان سيئ
والعكس صحيح اغلب الرجال مايتنازل عن كرامته وتاخذه العزة بأثم حتى ولكان مخطئ 100%
اشبه الوضع مثل اطراف البطارية موجب وموجب تنافر لازم طرف سالب حتى تستقيم
الامور ...

بالنسبة لزوج اختي الزوج يشتكي من اهمال اختى واختى تقوم من العمل قبل الفجر
وتدرس في قرية وماترجع البيت الا وهي مهلوكة طبيعي بانها تهمل
ولو انا شرطنا في العقد انها تعمل لمنعها من العمل

عموما الوحدة تهتم لزوجها وهذا مطلب ديني قبل كل شيء
النساء اكثر سكان جهنم والعياذ بالله
ويوم القيامة في الحشر من كل الف رجل 999 في النار وواحد في الجنة
ومن كل عشرة الالف امرأة واحدة في الجنة والباقي في النار !!!!

عموما
اذا كانت ردودي تزعجك هذا اخر رد لي في المنتدى وسوف اكتفي بالقراءة ....