من جد قلبي معاك الله يصلح الحال ان شاء الله ويهديه يارب

امممم ودي اقولك على كلام بس ماينفع تقوليه لزوجك ومايتقبله الا من خويانه او اي رجل

ومن سابع المستحيلات اصلا يروح يكشف طول ماهو مستمر على هالبلا , الله يبعده عنه ويصبرك

ومليون في الميه وربي مدمن شاهي
المهم اذا وعدك يبطله ويروح يكشف , 15 يوم خليه يكثر من الشاهي يوميا وتروح اثارها بالكشف
الله يهديه يارب ويرجعلك احسن من اول

الله ييسر لك امرك يارب ...

موفقه خيتووو ولا تتحطمي ولا قلبك يحترق ...

كل شيء وله حل وبالنهايه الحياه مو مستاهله نخسر انفسنا عشانهـا ...

نحاول ونسسسوي الي علينا وررررربك كريم ...

ررحم الله حاااااااالك .. وفررررررج همك .. وكتب اجرك ..

مشاكل الإدمان تبدأ من سيجارة دائماً
والخروج من هذه الدوامة يحتاج لاثنين لا ثالث لهما
صبر منك + تثقيف نفسك وأخذ جرعات كافية في كيفية مساعدته
تحتاجين لفهم ما تحدثه هذه المادة السامة من تغيرات في جسده وعقله ونفسيته
لتتمكني بسهولة من تجاوز الآزمة
أما انفعالك وبقائك في هذه الحالة النفسية لن يغير شيء من ادمانه
أما كفاكِ السنوات الأربع وأنت محلك سر!!!
واتركي قضية الإنجاب لما بعد شفاءه
فالرجل ليس في أتم استعداد أن يكون أب وقدوة صالحة
أم أن الكم يهمك أكثر من الكيف؟!

يجب عدم السكوت عن زوجك وأخيه .

لأبد أن تتدخل أطراف أخرى لمساعدتك لأقناعه للذهاب لعيادة مكافحة الأدمان .

مع زوجك لا ينفع أنصاف الحلول ، لأنه مدمن والسكوت عنه يزيد حالته تدهور .

ويجب سحب السم من جسم زوجك ليعود لطبيعته ويتنظف جسمه من هذا السم .

وهذا يستغرق من أسبوعين إلى ثلاثة أسابيع في المستشفيات والعيادات المتخصصة .

الله يشفيه ويعود لك سليم معافى ، وعليك بالدعاء .

تحياتي .

المشكله اني فكرت اهدده بالطلاق بس لقيته رجال بايع يحبني ويموت فيني بس لو بقوله طلقني قال روحي بتجيك ورقتك بدون اي مشكله او شكوى هذا اولا ثاني انا لو بروح لاهلي اهلي بعد بيستغربون جلستي ويمكن يضغطون علي يشوفون فيه مشكله ولا لا ويمكن ابوي لو يدري قسم مايخليني اشوف رجلي من بعد ماشفته ابوي واعرفه
والحمل يمكن خيره اني متاخره فيه
بس عاد قلبي تقطع
واسلوبي يمكن متعب شوي لاني ملحه ملحه عليه بس وش اسوي اربع سنين استخدمت كل الاساليب
انا الحين تايه كتبت السلبيات والايجابيات اللي فيه فورقه لقتهم متوازنين على كثر ايجابياته على ان نفس كثرها سلبيات
ومن اكبر سلبياته الحشيش
الحين ابي رجال هنا يفهمني هم اخبر فذا الامور صدق الحشيش مصيبه ولا على قولته هو شي خفيف ويكون فعقله
انا اشوف انه يعصب يعصب يفور اقول ياربيه لايذبحني هذا ومن يروح مجلسه ويدخنها يرجع هادي يغلب على وضعه الصمت بس ساكت
صديقتي تنصحني بالطلاق تقول هو اللي بيريحك لاني تعبت منه
بس الطلاق بيذبحني عارفه عمري مقوى فرقاه

مره علقت فمجلسه صور عن اثار التدخين وحطيت له ايات قرانيه واحاديث عن اللي يضر بنفسه
قلتي يمكن هاه يدخل لقلبه خوف
فجاه لقيته يناديني تعالي جيت قال ضفي خرابيطك هذي وروحي وطلع من المجلس لين ضفيتها
فكرت اقول لامه علشان تتفاهم معاه ومع اخوه بس خفت من زوجي نفسه لو درى اني قايله لامه يطلقني
فكرت اشوف العاقل من اخوانه الكبار واكلمه واطلبه انه ينصح زوجي من دون سيرتي ويساعدني
لقيت اخوانه مثله يدخنون وواحد منهم ابصم بالعشرين انه مع زوجي حشيش والثالث اشك فيه والرابع مو متاكده وانا كنت ابي اكلم الرابع لانه الكبير
بس شكل اخوانه كلهم طايحين بنفس المشكله الا الكبير لانهم دايم مطيحيين فالمجلس عندنا الا الرابع قليل يجي بس يدخن
والقى بالطفايه حقت زوجي قطوف حشيش معقوله يحشش قدام اخوه الكبيير
اللي يخليني مشتريه زوجي اني اشوف فيه تانيب الضمير واشوفه مو راضي عن نفسه ووده يبطل بس ماقدر من اخوه ذا اللي دايم يجي وهو ماعنده عزم
انا ابي حل غير الطلاق ابي حل اقناع طنشت وتكلمت كلها مانفعت معاه يمكن انا ماعرفت يمكن فيه احد احسن مني يعرف فذا الامور قولو لي وش اسوي

لا اله الا الله

بالله عليك هذا حب ...يااختي الله عزوجل راحمك ماحملتي الى الان ....علشان تشوفين طريقك مو معقوله يحشش قدامك لا ويجمع اخوانه عندك..... اقرئي قصص المدمنين اللي قتلو زوجاتهم وبعضهم خلها مدمنه مثله ليش حبيبتي بكره عيالك يتضررون وممكن ياثر عليهم ...انصحك فكري بعقل خلي الحب من طرف واحد ماينفع ابدا ......

اسمحيلي ردي قاااسي ...بس والله اعتبرك مثل اختي وماارضى عليها هالشي اللي يصير ابداا