اكيد لها كل الحقوق من حسن العشرة و المودة والرحمة و الاعفاف
و الاحترام

بالإضافة للحقوق المادية الي ما تعتبر مشكلة عندك

لكن مقابل هده الحقوق لازم تقوم بواجباتها الي اهمها طاعة الزوج وحسن التبعل

ادا قصرت و تجاهلت حفوقه اكيد بيقصر و يتجاهل حفوقها

انا تنازلت عن بيتي وسكنت بيت عمي ووافقت اتم زوجته بس ما يخصني فيه وهو صدق وافق على شروطي خلاني ادرس وزوجته ثانيه ما تدخل بيت عمي وكنت مرتاحه جذي لاني ما أشوفه وبعيد عني بس خالتي كانت دوم تسوي وياي مشاكل وانا صرت أرد عليها مره تمت تقول أنتي مب متربيه عصبت عليها وقلت أنتي حتى مب مربيه ولدج زعلت وكلهم عصبوا بس انا ما يهمني
لحين بعد ما ربيت صار يجي البيت كثير وصار يطلب مني ارجع البيت ويطالب بحقه واخر مره اخذه مني بعد ما عطاني حبه منومه وتهاوشت وياهم
عشان جذي انا اريد افهم مين الغلطان لانهم كلهم يقولون انتي غلطانه خلاص هو عطاج الي تبينه لازم ترجعين بيتج وعيب تمين جذي من غير زوج وانتي بنت صغيره بس انا مرتاحه
هم يقولون لي اذا دخل عندج البيت عطيه الي يبيه واذا طلع من عندج انسي انج زوجته وعيشي حياتج بس أنا مابي جذي

امبيه😳😳😳 حبة منوم مرة وحدة😳😳


الله يكون بعونج لجين حبيبتي

شوفي قلبي امه مالج دخل فيها كل الخالات عندهم ان الجناين مو متربيات ولا يصلحون يكونون امهات وانهم هم السنع واللي يعرفون النون وما يعلمون خلج منها عطيها اذن من طين واذن من عجين


بس زوجج الصراحة لو انا منج ماراح ارده لو طلبني ((( يمكن لاني عكس وضعج حاليا))

بس شرعا اذا كان الزوج يصرف على زوجته لازم تعطيه حقه

واولا واخيرا الحمدلله على سلامتج يا قمر

__________________
لا اله الا انت سبحانك اني كنت من الظالمين

هو ما يفهم انه أنا لي حقوق هو يريدني اتم على كيفه وبس وحقوقه هو عنده زوجه ثانيه هي لازم تتحمل حقوقه

خالتي كانت تحبني وتعاملني مثل بنتها بس لحين لا تغيرت وايد حتى كم مره اسالها ليش صرتي ما تحبيني تقول انتي سبب مشاكل ولدي كانه ولدها ياهل وما يعذب احد
ما فهمت شنو يعني اذا طلبني ما ارده يعني قصدج ارجع اعيش وياه بس انا جذي مرتاحه وبعدين مب هو يصرف عليا لاني عايشه بيت عمي فهو اكيد يصرف

تذكرت زوجك عنييييييييد الله يهديه

و ابوه جدا طيب

زوجك باين طيب بس عجول و عنيد

نصيحه ﻻ تحطين راسك براسه

يبغاله مين تلينه بالطيب و باين عليه يحبك

اقرأي عليه بس ﻻ يكون بينكم عين

و اقري على نفسك

حبيبتي اذا هو شد انتي ارخي

و الله يعينك ﻵنه مره صعب

ما يبغاله لهجة تحدي ابد

بعني خذي عيونه بس بالطيب و المداراه و الكﻵم الحلو و المسايسه

صدقيني اللي من عينته طيب بس ما يثمن كﻵمة وقت الغضب و ﻵ تقدري تأخذي منه حق و ﻵ باطل بالمصارحه

بس بالدلع كل شي يمشي ﻵنه من مونتك عليه او من حبك او اي شي منه ما بيجي اﻻ من طيب خاطره >>> قلتلك عنيد

لما بعدتي عنه اشتاقلك و هذي فرصتك عشان تطلبين و تدللي

يعني ﻻ تقولي انا مرتاحه كذا

لو ما يحبك ما يجيك

استغلي الفرصه و طلعي اللي بخاطرك اطلبي منه اللي تبين

يعني مو مثل ما يقولون لك ﻻ طلع مالك شغل فيه

ﻷ بالعكس بيصير بينكم الحب اللي تبغين ببدورك و بتدورينه و بتهتمون ببعض ان شاء الله و ﻵ تحاتين

__________________
[img]http://im78.***********/FRd0Bi.jpeg[/img]

اقباله عليك معناه انه يحبك

انت عاوزة تكوني زوجة الورق .صعب عل رجل يحب مراته يشوف حلاله ويستعفف

عنده زوجة ثانية ما قدرت تحل محلك في قلبه


وافق علي انك ترجع تدرسي . يعني بيحاول يرضيك
اكيد عنده بعض الود في قلبك .

ليه ما تحاولي تبداي بداية جديدة
أعطي لزواج فرصة عشانك و عشان اولادك محتاجين ابوهم

حبيبتي الزواج اخذ وعطاء خصوصآ بالمشاعر
وتنازلت خصوصآ بالمشاعر ايضآ
وتفويت وتطنيش خصوصآ بالمشاعر ايضآ
لو اخذتي القليل اعطي الكثير لين تتوازن كفة الميزان ويصير آخذك قد عطائك
اخضعي لزوجك ياقلبي وطيعيه وأعطيه لله وبحب وبتشوفي كيف يصير لك سند وعون
وبالسياسه والمداره تقدري تاخذي منه عيونه يبقي طفل عندك مهما كبر
بيخليك تجلسي وين ماتحبي بس بدون عناد
الله يهدي سرك يارب

تسألي عن حقوقك لجين :

النفقة : اعتقد مسنمرة لك وحتى له والده فهو قد يدفع او لانك بمنزل والده

المبيت : انت ترفضي ان يأتي لذا انت من اسقطيته

السكنى : انت في المكان الذي تحبيه وهو الان يحاول ان ينقلك لبيتك وانا اشوف افضلك يا لجين حتى لا تدخلي في مشاكل مع خالتك

المعاشرة بالمعروف : هو تنازل لك بالدراسة واعطاك ما تريدي وحقق لك املك الإ اذا شيء لك اخر لا اعلم


بعد كل هذا يا لجين

انا افضل ان تسمعي كلامه وافضلك ترجعي لبيتك وهو وافق على دراستك

هذا رأي ... الله يوفقك

الله يوفقك ويسعد قلبك أختي ملكة القلوب ..

قال رسول الله صلى الله عليه وسلم (المؤمنون على شروطهم )
مادام اشترطتي مايقرب منك ووافق ..المفروض يفي بالشرط
وبراعي ظروفك الصحية والنفسية ..


لكن لو بالإمكان تعطين نفسك واياه فرصة
بحيث لو تعدل حالكم مع بعض وحسيتي بالراحة
ترجعون لبعض ..

ولو ماتعدل الوضع واستمرت المشاكل وحسيتي تفسك مو مرتاحة
أعيدي طلب الشرط ،، أريح لك وله ولأهلكم ..
والأولاد بإذن الله بيكونون بين أب وأم محترمين بعضهم وهذا أفضل من زوجين دايم متخاصمين

وأنت ماشاء الله ذوق وأخلاقك عالية جداً ..الله يرحم من رباك
استمري كذا حتى لو أحد ضايقك
واطلبي حقوقك بهدوء وعبارات قوبة ومحترمة

ومبارك عليك المولود ..الله يخليه لك ولأخوانه