الأغلب رافضين : )
ويبون اكمل دراسة ؟؟!!
اذا انا قبل الزواج اتعب فكيف اذا تزوجت ومسؤلية وهم ؟!!
الله يعين الجميع ويوفقهم لمافيه الخير ..

__________________

لاتنسون الدعـــاء لإخوانكم المسلمين في كل مكان !

بيتك اولى بك ...


وبكرة لما تربين ولدك بنفسك وتشوفين الفرق بينه وبين العيال اللي تربيهم الخادمات ..


ستذوقين الثمرة وتحمدين الله ..انك اتخذتي قرار المكوث في المنزل ..

اختى العزيزة انا غير متزوجة بعد ولذلك لا اعرف ايه هى مسئوليات المتزوجة فى بيتها لكن بالنسبالى انا اتمنى ان ياتى لى شخص يقول لى لا تشتغلى واجلسى فى البيت على الرغم انى من دولة فيها نسبة كبيرة جدا من السيدات العاملات وامى كانت تعمل ولذلك اشعر بمدى احتياج الأبناء لأمهم ليكتشفوا انها فى العمل لذلك وجودك فى البيت شئ مفيد جدا بالدرجة الأولى لأبنائك ان شاء الله ربنا يرزقك بالأبناء الصالحين وثانيا لا تشعرى بالأحراج لان زوجك يصرف عليك لانه فرض واجب عليه وليس بمنحة او هبة يعطيها لزوجته واعتذر على الأطالة

انا اتربيت على ايد ام جامعيه و تحمل شهادة عالية و الحمدالله , تعمل, و فوظيفه كثير حلوه .. ابد في حياتي ما حسيت بالنقص, ابداااا .. الحمدالله الوالده اول ما ترد من الدوام, كل وقتها لينا ..مع انها مو لزم عليها تشتغل .. انا من دولة خليجيه نسبة العاملات فيها عالية جدا .. و كنت اشوف امهات غيري ربات منازل ,الاغلبيه منهم معضم وقتهم برع او ينشغلوا عن عيالهم, لأن الخدامه تكون موجوده و شايله الهم كله منهم .. الام العامله يكون عندها شوية تأنيب ضمير, فأول ما ترد تكرس وقتها كله لينا, حتى دروسنا كلها هي بنفسها تشرف علينا .. هي و الوالد الله يخليهم ساعدوني في دراستي الجامعيه حتى ..
انا موظفه و زوجي يشجعني جدا على شغلي والحمدالله رب العالمين ,سنوات الدراسه و التعب والحين موظفه و ما احس اني مقصره ابدااااا, وبشهادة زوجي .. يمكن لأن شغلي فيه مرونه , اطلع على راحتي , حتى اني اقدر اكمل شغلي فالبيت ..
ان شاءالله لما الله يرزقنا بالعيال (انشاءالله) عاد بشوف, لو ما قدرت اوفق بين شغلي و البيت , أكيد بترك الشغل .. و أي وقت زوجي يقولي اتركيه , بتركه ..

جزاكم الله خير على تفاعلكم وآرائكم القيمة

الأغلبية رافضين! ما ادري ليش حسيت براحة ،، يمكن في أعماق أعماقي صوت يقولي لا اتركي الوظيفة.

واعتقد انا هذا اللي بيصير ، اتمنى ان زوجي وعيالي مستقبلا يقدرون هذي التضحية!

بعد ما قريت ردودكم وبحث في النت عن سلبيات وايجابيات المرأة العاملة، لقيت ان السلبيات طاغية بشدة!

مثل ما قال بعضكم ،، مستحيل اترك عيالي مستقبلا عند مربية او شغالة او حتى حضانة ؟!

جلست بيني وبين نفسي كل اليوم وفكرت أي منها له تأثير علي أكثر السلبيات أو الايجابيات

لقيت ان الوظيفة هذي ما زادتني اي شي سوى المشاكل ، الحسنة الوحيدة هي ان لغتي الانجليزية

أقوى ، وراتبها ممتاز ،، لأننا نسعى لتأمين بيت ،، اللي احنا فيه قديم وساكنين مع اهله ( طبعا طلعتنا ما راح تأثر عليهم) والحارة اللي احنا فيها سيئة جدا ما اقدر مستقبلا اربي عيالي فيها او اسجلهم بمدارس الحارة ، مع ان الكلام هذا بدري عليه مرة ، بس الواحد لازم يفكر لبعيد
زوجي لحاله ما يقدر يأمن بيت ولا بعد 10 سنوات ( راتبه 4000) مع ظروف الحياة اللحين ما يكفي

وفكرت بعد الفروقات بين اولاد المرأة العاملة واولاد المرأة ربة البيت

انا ما جربت الام العاملة بس اللي اعرفه من قريباتي ،، عيالهم وهم صغار مع الشغالة وبعد ما كبروا ، هي في عالم وهم في عالم ثاني ، ما فيه اي تواصل لأنهم تعودوا من وهم صغار على بعدها

لكن من جهة ثانية ، تكون فاهمتهم في دراستهم وقادرة على حل مشاكلهم لأنها مطلعة وتروح وتجي وعارفة باللي يحصل بالخارج

اما المرأة ربة البيت تكون قريبة منهم أكثر وعارفة عنهم كل صغيرة وكبيرة ،، لكن عيالها اذا كبروا ما راح يلجأون لها كصديق ويقولون لها عن مشاكلهم ولا يشاركونها في أمورهم بحجة انها ربة بيت ما تدري عن شي ، وش فهمها في هالأمور <<< هذا شي اشوفه عند بعض العوائل
واحس انها ما تقدر تتواصل معهم لأنها ما تدري عن اللي يصير في الخارج ، في المدرسة او الجامعة او حتى الشارع...

والامر الثاني اللي فكرت فيه ،، إذا كل وحدة قالت زوجي وعيالي وبيت اولى من الوظيفة ،، من بيدرس بناتنا ومن بيمرضنا ويكشف علينا اذا مرضنا!!!!

انا يوم شفت طلاب ( ذكور) تخصص نساء وولادة ، يتدربون عندنا في المستشفى اتضايقت مرة ،، خلصت التخصصات ما فيه الا هالتخصص!!!



طبعاً هذا راي ووجهة نظر / ما ادري انتم وش رايكم

__________________
لا اله الا انت سبحانك اني كنت من الظالمين

أرى أن الوظيفة للزوجة ملهية, وقد تسبب خلافات بين الزوجين


كما أن الأطفال هم أكثر من سيعاني من الموضوع

__________________

يعني النسب قريبه من بعضها

كويس في احد يأيدني على العمل

وانا اشوف الزوجه العامله تعرف تدبر وقتها

ومو كل زوجة موظفه مهمله في بيتها وأولادها

وكمان في كثير زوجات ربات منزل مهملين في بيتهم وأولادهم وأزواجهم

يعني الحكاية مو حكاية ماعندها وقت لأ

الحكاية في الزوجة نفسها إذا كانت عاقله وفاهمه هي ايش بتعمل

وكيف توفق بين عملها وبيتها